مداراتمنوعات

صور حسناوات “المغرب” يغسِلن شوارع الخرطوم !


بعد نصف قرن من الزمان .. الخرطوم تعود وتغسل شوارعها بالماء والصابون !!
دشنت محلية الخرطوم وشركة أوزون المغربية للنظافة نظام غسل الطرق بالمياه واعمال الكنس الآلي وازالة تراكمات الأتربة بالشوارع الرئيسية، ووقف معتمد المحلية الفريق ركن أحمد علي عثمان ابوشنب والمدير التنفيذي للمحلية احمد طه المليجي علي انطلاقة العمل بمدخل كبري المنشية وشارع الستين كتجربة لبداية نظافة الشوارع وغسلها بعد انقطاع منذ ستينات القرن الماضي،

وأكد المعتمد بحسب ( إعلام ولاية الخرطوم ) بأن العمل يجي لتحسين الأداء ومعالجة إشكالات النظافة وازالة تراكمات الاتربة علي الطرق، مؤكداً بإن البداية للعمل انطلقت من القطاعات المنضوية تحت عمل شركة اوزون المغربية التي استجلبت معدات حديثة لغسل الطرق ونظافتها حتي تعدود الخرطوم لسيرتها الاولي، لافتاً الي اتخاذ اجراءات اضافية لضمان استمرار اداء النظافة تشمل التشديد علي التوعية بين المواطنين باعتماد الساعة الثامنة مساءً يومياً موعداً لإخراج النفايات وحظر إخراجها في أوقات النهار للقضاء علي إشكالات الزمن غير الموحد للنقل الذي يؤدي بدوره للتشوهات البصرية بسبب وجود المبعثرات وأكياس النفايات في الشوارع . بحسب اعلام الولاية .

ابومهند العيسابي


‫33 تعليقات

  1. معناها مشكلتنا مافي المال … مشكلتنا في الرجال البيعرفو يديرو. مافي زول واحد ناجح في إدارة . في النهاية بلد منهوبة من السيد المؤتمر الوطني الذي يدمر في السودان لعنة الله عليه. قسما بالله كل يوم اكره اني سوداني. اشعر كأنو محتقر ومذلول من زفت المؤتمر الوطني . شعب زاتو يجيب المرض. لا وجيع ولا مسئول ولا اعلام يضرب زبالة المسئولين بقوة ولا رئيس يهتم وكل يوم يستخف بالشعب اكتر واكتر ويحتقر العقول التعبانة وتساهر في هم وغم لكن بدون فائدة. يارب فرج من عندك.

    1. من كتابتك يا المدعو أبو كريم ظاهر عليك انت ماسوداني (زفت وزبالة) ……..

      1. يا ود البلد الظاهر عليك انت جداد الكتروني رد في الموضوع وخلي شخصنة المواضيع

  2. عليك الله يا (عثمان) كلام طيب في شنو؟ دي مأكلة من كوز وللا مسئول حرامي. ود البلد الراجل جد ما بيجيب حريم ورجال من بره البلد عشان ينضفو والبلد فيها اكتر من 5 مليون عاطل. اذا فيه قانون عمل وفيه محاسبة للعمال والاداريين ما كان احتاجو ل(حسناوات المغرب) عشان ينضفو شوارعنا. القادة العظماء بيزرعو قيمة العمل والانضباط في العمل في شعوبهم موش يستورد ناس تشتغل ويزيد الشعب كسل وعدم مسئولية واتكالية على أداء الآخرين.

    1. عشان ما نبخس الناس ………….. الوالي ايلا نظف بورسودان وحاليا بنظف في الجزيرة ززز بايادي سودانية

  3. معقولة حتي النظافة يجيبو ليها حريم من المغرب طيب ما تجيبوا بنكيران بدل بكري وسعد المحرد بدل العوير عبدالرحيم

  4. قطع شك ماكلة مافيها اتنين تلاتة ⁉️.. والحسناوات ديل مهمتوم انتهت ? حدها الصورة دي ‼️.. اذا انتو جادين غسيل الشوارع بالموية والصابون ❗️ ما داير ليهو حسنوات بي خرطوش موية وفوطة ⁉️.. عاوز شاحنة كنس بنظام فاكيوم .. يعني الشاحنة ماشة وبترش من قدام موية .. ممكن تطيف علبة صغيرة بتاعت صابون معطر ?.. وبي وراء الرشاش فرشة لافة .. يلف قطركم ?.. وبي وراء الفرشة شفاط .. كويس الصعب في دي شنو ؟؟!!.. ممكن تشتري شاحنة واحدة ذي دي من جياد حسب التصميم وتوفر ليك عمل الاف الحسناوات ⁉️.. في دقايق ‼️.. اذا فعلن هي ما ماكلة ⁉️..

    1. zool

      2017/07/09 at 8:10 م (UTC 3)

      قنالكم قبل كدة !!.. انو المتمردين والحركات المسلحة من دارفور .. عملوا .. بنفس طريقة غاندي مع الانجليز لمن دعا الهنود .. بالتبرز .. في كل مكان في العاصمة .. شوف .. المشردين .. الشماسة .. ستات الشاي .. اصحاب الدرداقات .. بتاعين الورنيش الترمس الكبكبي العدة ؟؟!!.. والمشكلة مدعومين من العنصريين بكل اطيافوم .. نايب الريس .. العنصري .. يمشي يزور ليهو اسرة من دارفور !!؟؟. ساكنة سكنة غير قانونية ؟؟.. بس عشان من اهلو ؟؟!!.. الاب شغال والام شغالة وبعد دة كلو ساكنيين عشوائي في قلب العاصمة !!.. عملن بي طريقة غاندي فيها ولاا نفسيها .. اما ناس الوادي الخضر ليهم الله .. يجيك المتمرد وزير الرياضة ؟؟!!.. يعمل مبارة كرة قدم للمشردين !!!.. من اهلو ؟؟.. يجيك داك يعمل مدارس في الشارع للمشردين واصحاب الدرداقات ؟؟!!.. كويس انتو ياتو ظاهرة دايرين تحاربوها ؟؟!!..

  5. high pressure power washer بقت من المعدات الحديث !!!!!!
    دى موجودة فى اى مكان بنظفوا بيها الحيط والارضيات الواحدة هنا فى امريكا بتتباع ب 200 دولار وفى الصين امكن ب 100 . دى هسى دايرة ليها شركة اجنبية غايتو لك الله ياسودان .

  6. المشكلة بعد شوية ناس الحكومة حيعرسوا لينا المغربيات ديل ويقعدوهم في البيت ويخربوا بيت أم الشركة الجابتهم

  7. السعوديين ليزرعوها ..
    والقطريين لينقبوا آثارها..
    والمغاربة لينظفوها..
    فقط نحن متفرغون للقتال عليها..
    وكأننا بلد بلا سكان مدنيين..
    والحقيقة هي بلد بلا إدارة..
    .. وطالما ثقافتنا في الحفاظ على نظافة الشوارع والأماكن العامة منعدمة..
    ولا توجد سلال أصلا لتجمع فيها النفايات الصغيرة في الشوارع..
    ..فلن تنجح المغربية في مقاومة ذلك التعامل اللاواعي مع البيئة..
    والحزام الشجري حول الخرطوم يقلل من كميات الأتربة المنقولة للشوارع..
    وأخيرا..
    لا تحتاج الأمة شوارع نظيفة لتكون متحضرة.. ولكن تحتاج الشوارع لأمة متحضرة لتكون نظيفة!..

  8. “حسناوات” كلمة في غير الموضع المناسب ، كان من الأفضل استخدام “عاملات نظافة من المغرب” … دي زي البنغالي خواجة

  9. بالله عليكم هسي الواحد يضاري وشيه في شنو .. قسم بالله احرجت لم دمعت بلد بها ملايين العطالة نجيب شركات تنظف لينا بلدنا من برا والعاملات بنات يا اخي والله دي فضيحة متلتة ..
    زمان في بداية العقد الماضي كتبت موضوعا عن نظافة الخرطوم واشرت الى السلبيات من الحكومة والمواطن الحكومة لم توفر الخدمة على مدار اليوم ولا المواطن يستوعب ايه يعني نظافة عامة وساعتها هاجمنا الكثيرون وقلت مشكلتنا انه البتولى اي ادارة او تشغيل مرفق يكون ماشاف برا الناس بتعمل شنو ولا عايشة كيف يفترض يدوهم اول حاجة يحومون في شوارع الدول الاخرى عشان يعرف ايه يعني مقياس نظافة مدينة نش يجيبوه يكون فاهم النظافة هي لم الاوساخ وخلاص .ز ويكون فاهم انه العربية تجي ويصفر للناس ويطلعوا باكايسهم افرض يا اخي مافي زول في البيت اوديها وين ؟؟ يفترض تكون هناك مواعين كافية وضاغطات كافية على مدار اليوم وكل حي مرتين في اليوم بعد الفجر والعصرية ..
    وبعدين الشركة دي عارفين ليه جابت عاملات لانه واثقة من ان عمالنا لن يجيدوا او يعرفوا هذا العمل البسيط والذي يترفعون عنه ,, واثقة امن انها ستدخل في اشكاليات النقابات والاضرابات الفارغة وتدخل في معترك اعلامي وسخ ابن ستين وسخة ايكطيد البعض نكاية بالاخر .. وتعرف ان العامل ممكن بكل بساطة يمشي ويقولك يا اخي خليناها ليك .. عشان يمشي وينوم ..
    السؤال ثم ماذا بعد التنظيف ؟؟ هل ستصاحب ذلك توعية للهبل الماشين في الشوارع ويرموا اي حاجة ويعبر الشارع من اي حتة ويقذف سفته في اي مكان ..
    شعب محتاج الكثير للعبور للمدنية ..
    مازلت اذكر كلام محمد خوجلي صالحين رحمه الله حين ولي رئيس لجنة تطوير الخرطوم حين قال ان شاء الله ستكون الخرطوم اجمل العواصم العربية .. ساعتها قلت الا تجيب سكان من القمر

  10. بالله عليكم هسي الواحد يضاري وجه في شنو .. قسم بالله احرجت لم دمعت بلد بها ملايين العطالة نجيب شركات تنظف لينا بلدنا من برا والعاملات بنات يا اخي والله دي فضيحة متلتة ..
    زمان في بداية العقد الماضي كتبت موضوعا عن نظافة الخرطوم واشرت الى السلبيات من الحكومة والمواطن الحكومة لم توفر الخدمة على مدار اليوم ولا المواطن يستوعب ايه يعني نظافة عامة وساعتها هاجمني الكثيرون وقلت مشكلتنا انه البتولى اي ادارة او تشغيل مرفق يكون ماشاف برا الناس بتعمل شنو ولا عايشة كيف .. يفترض يسفروهم اول حاجة يحوموا في شوارع الدول الاخرى عشان يعرف ايه يعني مقياس نظافة مدينة مش يجيبوه يكون فاهم النظافة هي لم الاوساخ وخلاص .ز ويكون فاهم انه العربية تجي ويصفر للناس ويطلعوا باكايسهم افرض يا اخي مافي زول في البيت اوديها وين ؟؟ يفترض تكون هناك مواعين كافية وضاغطات كافية على مدار اليوم وكل حي مرتين في اليوم بعد الفجر والعصرية ..
    وبعدين الشركة دي عارفين ليه جابت عاملات لانه واثقة من ان عمالنا لن يجيدوا او يعرفوا هذا العمل البسيط والذي يترفعون عنه ,, واثقة امن انها ستدخل في اشكاليات النقابات والاضرابات الفارغة وتدخل في معترك اعلامي وسخ ابن ستين وسخة
    السؤال ثم ماذا بعد التنظيف ؟؟ هل ستصاحب ذلك توعية للهبل الماشين في الشوارع ويرموا اي حاجة ويعبر الشارع من اي حتة ويقذف سفته في اي مكان ..
    شعب محتاج الكثير للعبور للمدنية ..
    مازلت اذكر كلام الاستاذ محمد خوجلي صالحين رحمه الله حين ولي رئيس لجنة تطوير الخرطوم حين قال ان شاء الله ستكون الخرطوم اجمل العواصم العربية .. ساعتها قلت الا تجيب سكان من القمر

    1. مشكلتنا الوحيدة هي عدم (الوطنية) لو كنا نحب الوطن لما رمينا عود كبريت على الأرض وقس على ذلك في كل المجالات ..

    2. اي واحد يرمي شي في الشارع تتعمل ليهو غرامة فورية بمبلغ كبيرا جدا او السجن …. ده طبعا بعد توفير سلات لرمي الاوساخ في الشوارع … وتحقيق النظافة … اي مواطن مستهتر يفكر الف مرة قبل ما يرمي الاوساخ علي الارض

      1. سفة التمباك والبصق في الشارع دي …بالتحدبد تكون عقوبتها الجلد والغرامة والسجن …

  11. ماقصرت يا المعتمد.. جبتو آخركم زي ما (الهبنقة) والي الخرطوم آخرو…
    والي السجم دا قال من المستحيل حل مشكلة النظافة.. وهسي شكلو المستحيل بقى شركة مغربية..
    السؤال: المغربيات ديل ح يسكنهم منو؟ ووين؟.. وهل المسألة ح تجيب ليها بعد فترة (لف) ودوران؟؟!!!…
    المعروف عن المغربيات الجمال الباهر والقوام الملفت للأنظار.. خصوصا أنظارنا نحن… عيوننا طايرة مافي نقاش.
    هل المغربيات ديل ح يشتغلوا وينظفوا شارع النيل و الشوارع البمشي فيها الرئيس والوزراء؟.. ام الشركة المغربية عندها مايكفي من الحسناوات لتنظيف ام درمان بدأ” من السلاح الطبي ومرورا بي الثورات وانتهاءاً بي امبدات؟ وكذلك الخرطوم من شارع النيل ومرورا بالصحافات واركويت وانتهاءاً بالكلاكلات ومايو وسوبا؟ ولا ننسى بحري كذلك كلها باعتبارها الأخت الصغرى.
    الواضح من الامر انو ( الجماعة) ديل بضربوا ليهم عدد واحد دوكو نضيف ويجوا بي أفكار نيّرة ماشاء الله تبارك الله, ودونكم والي الخرطوم السابق لما بشر البلاد والعباد بمشاريع وهمية كتييييييييييرة اخرها النقل النهري الوهمي…
    أمانة في رقبتك يا المعتمد (طبعا والي الخرطوم دا ماعندو أمان خليناهو للي الله حقنا ماعافينو تبّ).. اها نرجع ليك يا ابوشنب, امانة عليك طالما جبت ناس ام ضنب ديل امانة عليك تعدل في توزيعهم, يعني ما يتخاطفوهم (الجماعة) خلوا لينا فرقة معاكم ان شاء الله شوفه بس.
    قال مغربيات ينظفوا شوارع الخرطوم قال…. الله يرحم السودان والسودانيين الغلابة

  12. موية الغسيل بتكبوها وين ؟ سالت مغربية.. ونحن كان عارفين نكبها وين كنا كبناكم في البلد.. وقامت الحاجة أدتا كباية شاي قالت لها كبيها هنا. ولا هنا تهون المصيبة ..والسيد وزير تنمية الموارد البشرية يبشر بأن لديه كمائن من العطالة .. لكن هذا العطاء لايشملهم نحن دايرين شوارع نشمها. ويمكن يكون هذا المشروع (إشاعة) ونصبر وما عليها ساعة وما النصر إلا صبر 20 سنه تانية .. اكنسوا الاشاعات وأولها اشاعة أنه عندنا وزارة بيئة واشاعة أنه عندنا وزارة ثقافة واشاعة انه عندنا جهاز رعاية مغتربين .. واشاعة انه عندنا 40 صحيفة سياسيه اجتماعية رياضية فنية شاملة.. اشاعة انه عندنا نوادي رياضية ثقافية اجتماعية واتحاد لكرة القدم ووزارة للشرابات ووزارة للشربوت وعيد الضحية على الأبواب

  13. والله حقيقة حاجه تفرح .. ومشكله السودان في السلبيه العايشين فيها دي ياخي قولو خير او اصمتو ماتهاجرو بره السودان وتقعدو تنتقدو ساكت وانا متاكد معظم المعلقين من الطيور المهاجره.. المهم دي ما المشكله ياخ انا اكتر زول موضوع الوسخ دا مزهجني واتبسطت كونو الناس بداءت تنظف مفروض ندعمهم ولو بالكلمة وان شاالله البلد تبقى نضيفة..
    طبعا حاتقولو لي انت مؤتمر وطني والحنك دا.. ياخ انا سوداني وبحب السودان وبتمنى ليو الخير وماسلبي يعني اي خبر طوالي اهاجم فيو .. شغلو مخكم وخليكم منطقيين…

  14. تعرفوا انا خايف من ايه الموية المضغوطة حتقلع البردورات بلكة بلكة ولا الاسفلت حيتطاير حصاية حصاية .. واحد يوعي البنوت ديل يقولهم بشيش بشيش خليكم حنينات على الشارع ..
    وين ابو بكر اداب ومزمل فقيري يفتونا في الشغلة دي ..

  15. المشكلة في عدم الوطنية والتربية الوطنية! خارج السودان الواحد فينا يشتغل زي الالات الكهربائية مواعيد مزبوطه! يجي هنا السودان يمثل دور الكفيل على الضعفاء! اتمنى من ال50 الف الرجعو(رجعوهم)من السعودية ان يشتغلو بس ربع ماكانو يصنعون! مثلا!!الطبيب الكان في مركز صحي في قرية فيها 10 بيوت ان يشتغل في احدى المستشفيات هنا وفي مواعيد مزبوطه زي ماكان بيعمل في السعودية او دول الخليج الاخرى(على الاقل هنا مافي نهر وزلة وضرب بالعقال)! الامثلة والوظائف كثر! ماممكن نص الشعب السوداني تجار والنص الاخر صحفيين وعازفيين الات موسيقية وفرق نكات!كيف نتقدم وعامليين كمان وزارة للتنمية البشرية؟ من المفترض اسمها يكون التربية الوطنية!!

    1. لا فض فوك اخى الكريم …. كثر الله من امثالك …..

      (عن أبي هريرة رضي الله عنه: أن رسول الله صلى الله عليه وسلم قال: ((من كان يؤمن بالله واليوم الآخر، فليقل خيرًا أو ليصمت، ومن كان يؤمن بالله واليوم الآخر فليكرم جاره، ومن كان يؤمن بالله واليوم الآخر فليكرم ضيفه))؛ رواه البخاري ومسلم.

    2. اصبت كبد الحقيقة بقولك ( المشكلة في عدم الوطنية والتربية الوطنية )

  16. يوجد بالبلد عشرات الالاف من المساجين – تجب الاستفادة منهم في مثل هذه النظافة وجمع النفايات واصحاح البيئة

  17. الحكومه دي لو عرضت علي المواطنين نظافه خرطوم بنص مبلغ اللي بتقبضو الشركه المغربيه دي والله الخرطوم دي شهرين تبقي انظف عاصمه .
    لكن لا المواطن لو اشتغل في الاتفاق مثلا اليوم 250 و لما يجي نهايه الشهر يقبض نص المبلغ الاكلو منو ما بعرف
    الحكومه بتشوف القروش اولي بيها اجنبي
    شجعو المواطن يا

    باختصار??
    مشكلتنا حاميها حراميها
    اخوكم #السناري

  18. سعادة حاكم الخرطوم … جميع مدن و قرى العالم تتوفر فيها براميل و حاويات للاوساخ في كل الاحياء و الشوارع يلقي فيها المواطن زبالته لتاتي عربات النفايات و تفضي الحاويات لنقلها … في بلاد المشروخ الحضاري يحتفظ المواطن بزبالته في البيت حتى تصبح عدة شوالات ثم تاتي عربة النظافة بالصفارة و هي مسرعة و احتمال المواطن يلحق يرفع كل الشوالات و احتمال ما يلحق .. و اذا فاتت العربة يحتفظ المواطن بالزبالة لايام اخرى مع الزيادة في كمية الزبالة … و الشوالات نفسها يعاد استعمالها لذلك تجد المواطن يسلم عامل الزبالة الشوال و يجري خلف العربة حتى يلقي اليه العامل الشوال الفاضي ..
    مسئولين زبالة و حكومة زبالة …
    غسيل الشوارع كويس و مظهر حضاري لكن يا ربي حتغسل شوارع الخرطوم كلها؟ و الغسل حده وين؟

  19. المهم المحافظة علي التجربة والتطوير لان النظافة تقلل نسبة انتقال الاوبئة والامراض واستجلاب التجربة والعمالة من الخارج خير من الردحي والمهاترة في عدد العطالة فمن يحسبون انهم غير عطال ويعملون سماسرة و تجار كسر اؤلي باستجلاب تجربة لمحاربة هذه العطالة المقنعة

  20. الجماعة البقولو ادوا القروش للسودانيين حينضفوها — متاكد حيشيلوا القروش و يعدوها فسحة فطور و مشاوير فواتح و سمايات — تاني الموضوع راجع للتربية الوطنية تقديس العمل و المحافظة على النظافة اكيد ما من ميزاتنا– انا ما عارف ما جربت تجيب عامل سوداني يشتغل ليك شغلانة في البيت — بناء – سباكة – يلخبط الدنيا و يقول ليك زيد لي القروش – ده لو اشتغل — خطوة مباركة و انشالله نتعلم من الاجانب عشان ما نضطر نجيبهم-

  21. حسناوات المغرب ..
    ما لقيت ليك عنوان افضل من كدا ..
    انت صحفي محترف ولا صحافة سوق .. ولا مبتديء دا لو كنت صحفي أصلا والموقع محترم
    وين المهنية

  22. المشكلة ماف برنامج النضافة في حد ذاتو اكيد طبعا…لانو النضافة حاجة كويسة..
    لكن الزول لمن يكون مقمل ومودك ما بيجى يلبس هدوم جديدة اكيد الافضل يتنضف قبل ما يلبسها
    دا بالضبط الحاصل
    هنا
    فالخرطوم تحتاج الي صرف صحى اول حاجة تفرغ الموية بتاعت الغسيل دى قبل كل شئ،تانيا البلد كلها تراب والارصفة تراببة كتير فبالتالي عملية النضافة دى ح تكون خسارة قروش كتيرة لانو التراب تانى ح يجى نفس اليوم يغطى ما تم غسله اضف الي ذلك النفايات والاوساخ تحتاج اعادة نظر لانو النفايات العربات بقت ما مكفية ومرات تتدفق في الشوارع.
    المهم ..ايضا كذلك ثم لو.

  23. (( صور حسناوات “المغرب” يغسِلن شوارع الخرطوم !))……. الترابة التكيل خشومنا!!! يا ناس الكلام دا كيف؟ معقولة المواطنين ما لاقين الموية في مواسيرهم مع إنهم دافعين قروشها مُسبقاً، والحكومة تجيب شركة نظافة أجنبية عشان تنظف الشوارع؟ يا عيب الشوم والله. يا ربي كيف بيدفعوا للشركة ؟ وكم البدفعوهو ؟ بالطريقة دي أثبتوا إنو الشعب كسلان ، لكن السبب إنتوا وليس الشعب لأنو هذا الشعب هو نفسه منذ ستينيات القرن الماضي حينما كانت الخرطوم أجمل مدينة في إفريقيا.