رأي ومقالاتمدارات

السودان الآن هو الدولة الوحيدة في المنطقة التي لها القدرة علي مكافحة الإرهاب، وجهاز أمنه هو الأعتي، وجيشه الأقوي


وتكسرت العصي.
▬▬▬▬▬▬
– في الأيام السابقة طفت كثير من الأحداث علي الساحة السودانية، ولعل أبرزها هو تعطيل رفع العقوبات نهائباً لمدّة ثلاثة أشهر قادمة، وهو الأمر الذي تحدثنا عنه من قبل، حيث قلنا أن هناك سفارات ودول عربية تستخدم شمّاعة الإرهاب لدعم المرتزقة من أجل أعادة الحرب في السودان.

– ولعّل الجولات الماكوكية في الأسابيع الماضية في العاصمة الأمريكية وبعض الدول الأوروبية من قبل أطراف تصارع بكل قوتها لإبقاء العقوبات علي السودان، هي دليل واضح علي الضغط الصهيوني للإدارة الأمريكية، فاللوبيات الصهيونية وبمساعدة بعض الدول المجاورة، وبتقارير مفبّركة من قبل منظمات “الفوتو شوب”، أدّي إلي تأخير الرفع، وربما إلغاءه بالكلية، فقرار رفع العقوبات عن السودان هو قرار سياسي بالدرجة الأولي، خاصة وأن السودان كان عصّياً علي الطوع الأمريكي، لذا فقرار عدم رفع العقوبات عن السودان بعد الثلاث أشهر القادمات، هو قرار راجح وبشدّة.

– العقوبات الأمريكية، كانت واحدة من العصّي التي وضعت في دولاب الدولة السودانية حتي لا تتحرك ولا تتقدم ولا تستفيد من مواردها، وأتت الحرب أيضاً التي أشعلت في السودان، ومكايدات الجيران، وتشويه صورة السودان في المحافل الدولية، كلها عِصّي تكّسرت ولم تأتي أكلها المطلوب.

– فإن كان الهدف من العقوبات الشاملة علي السودان هو إسقاط النظام، وتثبيت أركان التمرد، ففشل هذا المشروع فشلاً كبيراً، وإن كان الهدف من دعم الحرب في السودان، هو إيصال المرتزقة إلي سدّة الحكم، فأيضاً باء هذا المشروع بالفشل، وغيرها الكثير، فدولاب السودان ليس كغيره ممن توقفه تلك العِصّي البالية.

– السودان الآن هو الدولة الوحيدة في المنطقة التي لها القدرة علي مكافحة الإرهاب، وجهاز أمنه هو الأعتي، وجيشه الأقوي للمساهمة في الأمن والسلام، وأي محاولة للقفز دون المرور ببوابة السودان، هو قفز في ظلام المجهول والفشل، فجوادنا اليوم هو المتصدر، ودونه الجواد الخاسر، وكل كبواتنا السابقات، زادت السودان قوة وصلابة ومنِعة.

– إن موضوع العقوبات كان الكرت الأخير لأمريكا لإبقاء السودان تحت طوعها، وفشل هذا الكرت وإتحرق، وليس في جعبة الولايات المتحدة الأمريكية جديد، لا هي ولا غيرها، وكل قرار جديد أو فبّركة أو محاولات لتشويه سمعة السودان – كما يحدث هذه الأيام بحرب الشائعات، كل تلك المحاولات ما هي إلا عِصي جديدة ستتكسر علي دولاب الصلابة والعزّة.

بقلم
أسد البراري


‫16 تعليقات

  1. قول كلام يخش العقل الكلام دا قلتوة كتير اذا كنتم أقوياء ليش البكاء لأميركا برفع الحظر وين التقدم وين الاقتصاد وين الأمن الفالح فى قتل المتظاهرين و مصادرة الصحافة واعتقال المساكين وكشات ستات الشاى وين الجيش والبلد انفصلت والباقي الحرب ممزقة الأخضر واليابس وين الصحة والكوليرا في كل مكان وين الخدمات والكهرباء ما فايتة بيت الريس وين التعليم وين البنية التحتية خلينا الكلام الفارق وامشي مترين من مكتبك بعدين اكتب الدجل دا بس انت عايش خارج السودان فى دبى مال التمكين ما همك الشعب الحافى الجايغ المريض الصابر ما فينا نتحدى العالم بشعارات من القرون الوسطى لأننا فشلنا فى كل شى إلا لسانا الطويل احنا أبو الدنيا انحنا أحفاد العباس انحنا اللبنسنا افريقيا اصحوا واعرفوا العالم اتغير الشعارات بيان بالعمل مش لعب عيال كفاية

  2. أسد البراري بالتأكيد أنت إنسان مريض وتحتاج إلى علاج مكثف .. نسأل الله لك الشفاء مما أنت فيه .. بالمناسبة مرض الوهم من أخطر الأمراض انصحك بسرعة مراجعة الطبيب ..

  3. بلا أسد براري بلا حركات معاك يا عبد الرحيم حسين أصله مافي زول بقول كلام أهبل زي ده غيرك انت قال جهاز الأمن الأعتى وجيشه الأقوى قال دوووووووول

  4. هههههههههه
    الزول ده انا شاكي انو سراج النعيم
    شنو يا سروجة بقيت بتاع سجارات والا شنو
    قالو في باعوضة وقعت في كباية عرقي مرقت متحمسة و قالت صقر الجديان جاااااااكم

  5. طيب وينكم انتم وكل يوم تقولوا ان الحكومة ما بتم عشرة يوم وكل مرة طالعين لينا بان الحكومة خلاص سقطت تسقط سنونكم

  6. اعوذ بالله منكم عملا. زاهي الجنرال ودالشيخ العمده ودالبكري ناس وهميين مافيكم وطنيه

    1. ود الحاجة
      فعلا نعوذ بالله من الخونة والعملا.
      زاهي ، الجنرال ، ودالشيخ ، العمده ، ودالبكري ، صابر ، الاسيوطي وغيرهم من الناس الوهميين عديمي الوطنيه

  7. الله أكبر والعزة للإسلام
    الله أكبر والعزة للسودان
    يمكرون ويمكر الله والله خير الماكرين
    ولن ترضى عنك اليهود ولا النصارى حتى تتبع ملتهم
    ومن يتوكل على الله فهو حسبه
    اللهم إنا توكلنا عليك فانصرنا على القوم الكافرين
    وحقا” علينا نصر المؤمنين

  8. من المفترض ان تكون في وطنية والنَّاس الذين يعلقون لان هذا الكلام
    ينشر في دول كثير ونحن من المفترض نرفع روح الجيش والأمن
    والشرطة كل يعمل في هذه الإجهزة الحساسة التي تعمل من اجل
    الوطن والمواطن حتي اذا كان بها خلل نشوف أين العيوب ونعالجها
    وليس بالتهكم لان الشرطة والجيش‏ والأمن مهم من أبناء هذا الوطن
    العزيز اذا نريد التهكم علي الحكومة لا يكون علي مصلحة الوطن
    لأننا لازم نعلم ابنائنا حب هذا الوطن ليس بالسلاح والقتل والتشرود
    هذا الوطن هو بيتنا الكبير فهل الواحد يرضي ان يهينوا له بيته
    طبعاً لا لازم من التفكير جداً عندما تتحدث عن وطنك لا تتجسس
    علي وطن مهما دفعوا لك ولاتضحك علي نكتة تقال علي بلد
    حتي لو كانت صحيحة هذا والله عيب كبير نري ناس من اجل
    مصالحهم الشخصية ممكن يعطيك أي شي عن هذا البلد العزيز الذى ينذيف من الشرق والغرب والجنوب والشمال والوسط

  9. – السودان الآن هو الدولة الوحيدة في المنطقة التي لها القدرة علي مكافحة الإرهاب، وجهاز أمنه هو الأعتي، وجيشه الأقوي للمساهمة في الأمن والسلام، وأي محاولة للقفز دون المرور ببوابة السودان، هو قفز في ظلام المجهول والفشل، فجوادنا اليوم هو المتصدر، ودونه الجواد الخاسر، وكل كبواتنا السابقات، زادت السودان قوة وصلابة ومنِعة.

    طيب ليه ماقادرين تحرروا حلايب وشلاتين وابورماد وهي محتله ليها عشرين سنه………….
    شاطرين في الكلام بس ……………..
    حسبني الله عليكم …………..