زواج سوداناس

سوداني يحتفل بمرور 25 سنة على زواجه ويتحسر من بقاء الانقاذ ويعتبرها غصة في حلق حلمه الممتد



شارك الموضوع :

احتفل السوداني الأصل رشيد سعيد يعقوب الإعلامي والناشط السياسي الذي يعيش في فرنسا ويحمل جنسيتها بمناسبة مرور 25 سنة على زواجه من رفيقة دربه (هالة بابكر النور)، وأهدى زوجته إحدى أغاني الأستاذ أبو عركي البخيت.

وكتب رشيد يوم الخميس (أغسطس 1992م- 10 أغسطس 2017م، مابين تاريخين، انقضت سنوات نحسبها قصيرة بلغة الحب ولكنها طويلة بمنطق الحياة. 25 عاما من المحبة والرفقة والعمل قضيناها سنويا، أثمرت في كثير من الأحيان و كانت ثريا وسالي شمعتي هذه السنوات وبجانبهما الكثير من النجاحات و أيضا العثرات و الفشل. سنوات ليست كلها وردية ولكنها دون شك مفعمة بالأمل والتطلع نحو الأفضل على كل المستويات).

وأضاف رشيد بحسب ما نقل عنه محرر النيلين (إذا كانت من غصة في حلق هذا الحلم الممتد 25 عاما، أن الخلفية ما زالت قاتمة والمشهد ما زال حزينا فالإنقاذ ما زالت تجثم على الصدور. كل سنة و انت طيبة يا هالة وما حاشتغل بالناس البقولو لي دي حركات أولاد صغار وأهديك لحنا أحببنا أن نستمع إليه سنويا في البدايات).

وقال رشيد سعيد (هل لي أن أمل في 25 عاما أخرى بجانبك حبا ورفقة وعمل… الأمنيات مجانية ولكن تحقيقها باهظ الثمن والتكلفة. كل سنة وانحنا طيبين).

اصبح رشيد سعيد يعقوب اول فرنسي، سوداني الاصل، يخوض الانتخابات البلدية في فرنسا ويبلي فيها بلاء حسنا. وفازت قائمة اليسار الموحد، التي تضم المرشح السوداني، برئاسة بلدية فونتيني اون روز من الدورة الاولى، وصار يعقوب مستشارا في المجلس البلدي وعضوا في اللجنة الاجتماعية والصحية وذلك بحسب خبر قديم من صحيفة الشرق الأوسط بتاريخ ( 20 مارس 2001 العدد 8148).

وجاء فوزه بالمنصب البلدي في يوم عيد ميلاده الثامن والثلاثين. ويعقوب من مواليد الخرطوم، وقد تعلم الفرنسية في معهد اللغة بمدينة فيشي عام 1988 موفدا من الخارجية السودانية في دورة دراسية.

الخرطوم/معتصم السر/النيلين

شارك الموضوع :

تعليقات الفيسبوك

تعليقات


18 التعليقات

إنتقل إلى نموذج التعليقات

      1. 1
        دكوة

        اها وبعدين؟
        نحن دخلنا شنو ؟ .. والبهمنا في الموضوع شنو؟

        الرد
        1. 1.1
          mobarak shddad

          كلامك صح — زول زمان بدل جنسيتi و اصبح و لائه للغير

          الرد
      2. 2
        حيدر

        والله موقع النيلين أصبح زي الراكوبة وأسوأ كمان ده شنو ده القرف ده ……مره لو شي أكلت كمونيه ومره سراج النعيم راح ومره بنات النيل الأزرق خطبوهم الواحد بقي يخش الموقع ده ومتوقع يلقي ليه خبر عن سمايه واحده ولدت او واحده مرقت من الحبس .لو دي طريقتكم أخير نمشي الراكوبة.

        الرد
      3. 3
        ودتكتوك

        رشيد من الوجوه السودانىية المشرفة فى الخارج صحفى ومحلل سياسي لكثير من القنوات العالمية مثل فرانس٢٤ وغبرها صاحب حضور وتحليل ممتاز مزيد من التوفيق

        الرد
        1. 3.1
          mobarak shddad

          مشرف لنفسه — يا ود تكتوك — الشخص تجنس يعني اصبح فرنسي و اذا ما كان فرنسي كان ممكن نقول
          ذي المصريين قادننا باحمد زويل احمد زويل – احمد زويل ده اذا ما نال الجنسية الامريكية و ناد بالتطبيع مع اسرائيل كان قاعد يبيع جرائد في العتبة ( الله يرحمه ) ذي نجيب محفوظ اذا لم ينادي بالتطبيع مع اسرائيل في كتباته ماكان نال الاوسكار مع ان في كتاب في مصر نفسها احسن منه مثل محمد عبد الحليم عبد الله و احسان عبد القدوس بس ديل وطنيين و مخلصين و ده الفرق
          الدنيا مصالح و ولاءات و اي نعم ان السودان او مصر او غيرهم قد لا تجد فيهم تتطور لمشاريع البحث العلمي و اساليب التطور الفكري الا ان هناك من نفتخر بهم مثل الاديب الراحل عبد الله السوداني الاصيل الله يرحمه ( رقم واحدفي عصره ) و هذا اللي يشرف
          و عموما احترم رائك و حببت فقط اعقب و شكرا

          الرد
      4. 4
        زمن اللعب انتهى

        شيوعي ومتزوج بت المقدم بابكر النور أحد إنقلابيي الحزب الشيوعي الذي أعدمه المرحوم نميري، أحلامه هي وأد الإسلام ونشر الإلحاد فلا عاد ولا أعاده الله، وبابكر النور ورفاقه قتلوا الضباط في بيت الضيافة وهتف الشيوعيين عند إنقلابه الفاشل: الخرطوم ليست مكة.. كلابات.

        الرد
      5. 5
        ودتكتوك

        اكبر عدوا للاسلام لا يستطيع يسي للدين ربع الاساءة الاساو ليها الكيزان تجار الدين
        حكاية اتهام الناس بااشيوعية وغيرها ما عادت تنفع كحيلة الشعب السودانى حاليا اكتر وعيا وعرف انو تجار الدين هم الد اعداء واكثر ضرر للدين

        الرد
      6. 6
        ممكون و صابر

        هههههههه
        الكلابات محتجات و زعلانات في (زمن اللعب إنتهى)
        هو هو هووووو

        الرد
      7. 7
        sudani

        بالله اسا دا خبر تنقلوه ونحن مالنا لو احتفل بزواجه دخلنا شنو بس وبعدين هو مواطن عادي وبره البلد زعل ولا رضي مالنا ومالو

        الرد
      8. 8
        رضا المهدي

        رسالة ل حيدر . . البشوف كلامك العجيب يقول موقع النيلين شايل عصاية وواقف فوق راسك عشان تدخله. .
        .
        هل أنت تحدد لموقع أو شخص ما ينشره … اقرأ الذي يعجبك واترك الاخر

        الرد
      9. 9
        راشد

        ود تكتوك. ما شاءالله عليك تعليقك إيجابي وتشجيعي لابن وطنك مش زي باقي الحثالة تربية الإنقاذ. زي البقول دخلنا بالموضوع شنو دا.

        الرد
        1. 9.1
          mobarak shddad

          قصدك كان ابن البلد —- ده باعها بدراهم معدودة لا تثمن و لا تغني من جوع و ان شاء الله يحشر معاهم
          انا شخصيا لا يشرفني و لا يعني لي شئ و اقراء الموضوع للاطلاع فقط
          و احترم رائك و اشكر الموقع لاثارئه المعلومة

          الرد
      10. 10
        غصن الشوك

        و الله فعلا خبر اكثر من تافه ،،، و اقول ليك الانقاذ جاثمة على صدر الشعب ،،، بالمناسبة ناس الانقاذ زي نوع ده لو بدخل السودان كل شهر ما فارق معاها و لا بعبروك لأنو ما عندك وزن داخل البلد ،،، خليك مع عيد زواجك و بس

        الرد
      11. 11
        ابو عبدالرحمن

        والله لو كان للإنقاذ حسنة واحدة, إنها خلصت البلد من الوسخ الزيكم يا قاذورات اليسار ومتسولى الصهيونية العالمية…بالله عليك أسى مرتك المتصور جنبها دى كان حلقت شنبك البفرزكم منو؟؟؟؟؟؟؟؟؟؟؟

        الرد
      12. 12
        wad nabag

        العلمانيه وفرعوها ,الماديه الجدليه والاشتراكيه العلميه (الشيوعيه ), والقوميه العربيه البعث, الناصريه, وكتاب القذافي الاخضر,الشيعه ولايه الفقيه والعلوين وحزب اللات , وحتي الطائفيه ,,, كلها نظريات علمانيه ضاله اومضله,, استولت علي السلطه في بلدان المنطقه بانقلابات قسريه وفشلت في اداره الدوله وتركت شعوب المنطقه في تخلف اقتصادي وضعف عسكري وجهل ومرض وفقر بالاضافه لديون لاتستطيع الدوله دفع فوائدها ناهيك عن اقساط السداد كعائق يشل قدره الاجيال الجديده علي البناء !! واخونا الناشط السياسي الذي يتحسر علي فشل واحد من انقلابات السؤ التي لو نجحت لكان نهجها ومصيرها الماساوي كانقلاب القاتل منقستو اواخيه المقبور القذافي او المخلوع حسني او زميله الهارب بن علي او في احسن الاحوال كمصير الاتحاد السوفبتي نفسه الذي انهار من الداخل بسبب عقم النظريه العقيمه والمرفوضه من كل شعوب المنطقه التي تعود الان لثقافتها ودينها الحق تدريجا .

        والفشل المبكر لانقلاب يوليو في يقيني محمده ورحمه لاهلنا في السودان , كذلك للذين هاجروا في ارض الله الواسعه لاختلاف وجهات النظر الايدلوجيه والسياسيه!! والمجتمعات الغربيه نفسها وبصفه عامه تتجهه اليوم نحو الاسلام عن قناعه لانه يقدم السلم والامان مع النفس ومع الاسره ومع الناس ومع الله ويقدم الحلول العمليه لمشاكل المجتمع المعاصر !!! نهنئ اخونا الناشط السياسي المهاجر في فرنسا بعيد زواجه ونتمني له ولاسرته دوام السعاده ونسال الله لنا ولهم الهدايه والحريه والامان والعمل
        مع الاخرين لنشر الدين الحق اسوه بتاريخ اسرتهم المشرق.

        الرد
      13. 13
        أخو البنات

        شيوعي وسخان وخليك جالس بره لأننا بنضف في السودان من أمثالك .

        الرد
      14. 14
        Abu Ahmed

        مادام إنك أخذت الجنسية ومجدع في فرنسا ليك 25 سنة مالك متحسر على بقاء الانقاذ … نصيحتي ليك أبقى عشرة على بناتك ديل وأسترهن وخلي السودان للسودانيين

        الرد
      15. 15
        أحمد أزرق

        رجع أولادك السودان وأجلس لوحدك عشان تتحشر معاهم يوم القيامة بإذن الله ، وخلي لينين ينفعك.

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *