الخرطوم تدشن تطوير شارع المك نمر
دشنت محلية الخرطوم مشروع تأهيل وتطوير شارع المك نمر بطول (2) كيلومتر من تقاطع المستشفي وحتي مدخل كبري المك نمر ؛ واكد معتمد المحلية الفريق ركن احمد علي عثمان ابوشنب عقب تفقده بداية العمل بان المشروع يأتي ضمن (72) شارعا رئيسيا ستبدأ المحلية في تأهيلها حيث يشمل المشروع مراجعة واستبدال كامل لشبكات انارة الشارع بنظام LED الحديث ومراجعة لمنظمومة الصرف السطحي والصحي في الموقع اضافة الى اعادة رصف جوانب الطريق والجزيرة وسط الشارع مع استبدال اللوحات الاعلانية بنظام حديث يراعي السلامة المرورية لعابري الطريق.
وعلي ذات الصعيد شرعت ادارة الشئون الزراعية بالمحلية في فتح مسارات شارع المك نمر وتشذيب الاشجار والتي كانت تغطي اشارات المرور وكاميرات المراقبة المرورية؛ واكدت الادارة بقيام عمليات التشذيب بصورة علمية وبواسطة مختصين وفق تصاديق ممنوحة من جهات الاختصاص حفاظا علي قيمة الاشجار والبيئة حول الشارع والمؤمل ان يكون من الواجهات الحضارية بالخرطوم بعد إكتمال تأهيله .
الخرطوم 12-8-2017م (سونا)
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
ليس هدا هو المطلوب يا سادتنا!!!!!
والله اعتقدت بان تعلى هدا الطريق ليصبح طريقا طائرا من تقاطعه مع شارع الجامعة حتى الخرطوم اتنين. يعنى عبور وسط الخرطوم طائرا لفك الاختناقات المرورية الارتباكية المعروفة عند تقاطعاته مع الشوارع الرئيسية .
عاوزين حلول جدرية وكفاية المعالجات السطحية والتفكير السطحى دا.
ابراهيم هارون
مهندس طرق
انا ارسلت تعليق هدا الصباح بمناسبة تاهيل وتطوير شارع المك نمر ولم يتم نشره لا ادرى ما العيب فى دلك التعليق…
بالله انظروا لدول العالم الثالث من حولناوخلينا نحاكيهم فهم ليس بافهم مننا ولا مواردهم اكثر من مواردنا.
شوفوا شارع 6 اكتوبر فى مصر وشارع محمد على باشا فى مومبى فى الهند وخلينا نمشى على نسخهم ونطلع من التواتضع والتقليدية بتاعنا الغرقانين فيها دا يا السيد المعتمد ويا الوالى.
شنو يعنى تغيير اللمبات والبوهية والانترلوك……ارحمونا يا جماعة الخير والله عاوزين نمشى خطوة لقدام, نلنا استقلالنا فى 1956 والان فى عام 2017 والعالم تضحك فينا….شوارعنا غرقانة فى قطرة مطر والانفاق العملناه رغم تواضعها هناك ضحايا فى كل رشة مطرة….
شارع السيد عبدالرحمن حوالى السنتين شغالين فى معالجة عطب فى خط التصريف عند تقاطع شارع القندول واكتملت قبل عدة اشهر وتمت سفاتة الطريق بصورة غير هندسية وعشواعية لان المجارى الجانية تم دفنها للابد ولكن الغريب فى الامر تم اعادة ازالة الاسفلت وبدا الحفر من جديد فى نفس المكان لاعادة صيانة نفس الخط وفى نفس الموقع…ما هدا يا القائمين على الامر..من المهندس المسؤل من هدا العمل وكيف له ان يفعل دلك ومن الدى يحاسبه, اليس هدا اهدار لموارد البلاد.
ارجو من الاخ المعتمد والمسؤلين من امر الولاية النزول للشارع لمشاهدة العجب العجاب.
ارجو النشر.
ابراهيم هرون
مهندس طرق
وكان من المفترض يا مهندسين والناس ماشين من بحري للخرطوم تكون نهاية الكوبري بعد اﻹشارة مش انا نازل من كوبري تقابلني اشارة مرورية.
والله اذا في باب للاقتراح انا اقترح حاجة ☝
هو شارع المك نمر مالو ؟؟؟ ما عندو مشكلة لكن عندنا مئات الشوارع الناس ما قادرة تمشي فيها برجولها خلي بي عربية .اسأل سؤال الاهم اي فيهم شارع المك ولا شوارع المواصلات الحيوية البتخدم الناس اكتر ؟؟
مجررررررررد اقتراح وسؤال
اين معتمد محلية ام درمان من الاعمال التطويرية لشوارع المدينة؟؟؟؟؟؟ اين هو من منظر الشوارع المغطاة بالاتربة؟؟؟؟؟؟ اين هو من فوضى الاسواق واوساخها؟؟؟؟؟؟ اين هو من المطاعم التي لا تراعي الاشتراطات الصحية؟؟؟؟؟؟؟ اين هو من برك المياه الاثنة والراكدة؟؟؟؟ اين حملات الرش الجوي والارضي لمكافحة نواقل الامراض؟؟؟؟ اين هو من الاهتمام بزيادة الرقعة الخضراء والتشجير للشوارع والميادين ؟؟؟؟
صح النوم يا محلية.
ههههه يا حليل الهندسه والمهندسين كليات بتخرج منظرين فقط
الجماعة ديل يعملوا هيلمانة كبيرة وإعلام وتصوير وصحافة وتلفزيون عشان يرقعوا ليهم شارع زلط!!
ديل عاملين ذي الايرانيين الفرس بحبوا البهرجة وتسليط الأضواء عليهم حتى ولو عادوا العالم كلو.