والي الخرطوم يدعو لتصحيح الأوضاع بشأن الخريف
طالب الفريق أول ركن مهندس عبد الرحيم محمد حسين، والي ولاية الخرطوم، بأهمية تصحيح الأوضاع وإيقاف التعديات الهندسية على مصارف الأمطار، ودعا لإحكام التنسيق مع جميع الجهات عند قيام وتشييد المرافق الجديدة.
واطمأنت السلطات بولاية الخرطوم على خطة تصريف مياه الأمطار ومعالجة الإشكالات الطارئة التي صاحبت هطول الأمطار صبيحة أمس (السبت)، ووقف الوالي على عمل وكفاءة المصارف والمعالجات الجارية بمحلية الخرطوم، رافقه معتمد المحلية الفريق ركن أحمد علي عثمان أبوشنب، ووزير البنى التحتية بالولاية العقيد مهندس ركن خالد محمد خير.
واطلع الوفد على موقف تصريف مياه الأمطار بعدد من الشوارع الرئيسة بكل من الجامعة – النيل – الطابية – السيد عبد الرحمن والنجومي، فضلاً عن مواقف المواصلات التي شملت كركر والاستاد.
صحيفة اليوم التالي
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
انت فاكر نفسك رئيس دولة عشان توجه؟ توجه من يا والي الهنا؟
انت والي ولاية ومسئوليتك تنفبذية في المقام الاول. يعني تقعد مع الاتيام بتاعتك وتخطط وتنفذ وتصرف أموال الولاية في مصارفها الصحيحة وتكون قدوة لمن حولك في محاربة الفساد. توجيهاتكم يا سيادة الوالي توجه لمن حولك وليس للاستهلاك الإعلامي. انا كمواطن ما بهمني انت وجهته منو والا قلت شنو. انا يهمني انو موية المطر تم تصريفها والبنية التحتية مكتملة ومخطط لها من بدرررررري.
عاصمة زاد عدد سكانها عن عشرة مليون ومازالت ترحل مواطنيها بالهايسات والأمجاد والركشة. مواعين لا تتعدي سعة أكبرها 15 راكب.
يا أخي استحوا على دمكم. 30 سنة وانت زي الجوكر من وزارة لوزارة واخيرا حاكم ولاية وكلها فشل في شل. بالله قل لي ماذا قدمت للبلد؟
السودان يدار بعقليه عسكريه تصدر الاوامر من الحنرالات لينفذها صغار الضباط والذين يلونهم , وهذه الطرق التنفيذيه مصممه لاداره معارك وحروب والدفاع عن تراب الوطن !!!
اما الجهات التنفيذيه للدوله المدنيه فمن المفترض ان تكون المعرفه الفنيه والادرايه بتفاصيل اداء العمل متوفره في المدير المسؤل ومساعديه وان يقوموا بانفسهم بالاشراف والعمل التوجيهي والاداري من موقع العمل المخصص لادائه !!! فالمهندس في المصنع او البنايه والخبير في الحقل او المعمل والطبيب مع المرضي في المستشفي وهكذا …… اما حكايه
اصدار التعليمات والتوجيهات فللمسؤل الاول كالرئيس و الملك والامير ,, ولايه الخرطوم جهه تنفيذيه بحته تتلقي التوجيهات وتقوم بالتخطط والتنفيد !! قيام المؤسسات وتطبيق اسس الاداره الحديثه سيوقف سماعنا لتوجيهات الوالي التي لاتنتهي ولاجدوي ولامنفعه منها الا لقله والله اعلم.
خريف شنو يا عمنا دى نهايه اغسطس ومنتصف او اخر سبتمبر ينتهى الخريف يعنى تعالج المشاكل بنهايه الخريف ؟ خلى عنك بالله دى ميزانيات رايحه فى الهواء او فى جيوب انتفاعيين انتهازيين …وفر ميزانيه السنه دى لو اساسا ماطلعت واتنهبت مع ميزانيه السنه الجايه لو ما طلعت واتنهبت ..ميزانيه سنتين لو ما اتنهبوا مقدما يمكن يعملوا ليك شغل كويس بعد تلاته سنه ….خريف شنو لينا الله وحراره الشمس التى تساعد على تبخر مياه الخريف …وبعدين الناس ساكنه فى الشوارع الرئيسيه عشان تهتموا بالشوارع وله عشان تجوا سايقين عرباتكم نضيفه وانتوا نضيفين والباقى فى ستيين وبعدين المركبات البتجى المواقف دى ح تجى وتقيف فى محلها ؟ لو رجعت الكلاكلات او امبده ح تغرق …..يا سيدى الفاضل من فضلك اعترف بفشلك الذى يشهد لك كل يوم واستقيل لانك لا ترقى مع الاعتزار لمستوى مسؤل عن ولايه ( عاصمه البلاد)وهى كل يوم تئن من الاهمال والاختلاس والامراض…