السودانية جواهر المبارك تعتذر لجهاز الامن والمخابرات الوطني.. فيديو

انتي واحدة منافقة و يبدو ان الجماعة في جهاز الامن اجبروكي علي اصدار هذا الشريط و الاعتذار علنا

دي إمرأه إنت العامل فيها راجل دا لو لموا فيك ناس الأمن بوروك الطفى النور منوا

انت م بتعرفنى انا … يا ازرق انت … انا سوبر مان لو ما عارف اعرف … لكن مفروض الشخص يكون عنده مبداء رجل كان او امراءة

تذكرت ان السودان ملئ دهب و معادن و البترول سائل لشارع الزلط عشان كده نجيب عمالة اسيوية
و كل تحت طوبة تلقي حبشي او تشادي
—— لابد من التصحيح و احي اجهزة الدولة الساعية في هذا الموضوع
و اتذكر موضوع ليه فترة ان شركة صينية عندها عمل في الفاو جابت 105 عامل من الفيليبين ببلاش
ال105 ديل كانوا معزولين في الفيليبين لان عندهم الايدز و ارادوا التخلص منهم ففكوهم لينا
و اكتشف الموضوع من قبل الاجهزة الامنية و تم تداركه و لكن هل هؤلاء المرضي عملوا شئ قبلها او لا لم تظهر حقيقة مؤكدة في هذا الموضوع
و لماذا لا نلزم الشركات الاجنبية العاملة بالسودان بان تكون العمالة سودانية فقط
اها و لما تجي للواقع تجد السبب مننا نحن الواحد ما عاوز يشتغل عامل و اذا اشتغل البعض منهم تسيب و لم يلتزم فالشركات
الاجنبية معروفة تكون صارمة في الحضور و الانصراف و ليست مثل وزارة الري الموظفين و العاملين فيها الفين و المواظبين 20
و تعال نشوف المصانع في المنطقة الصناعية بحري او ام درمان او الخرطوم العمالة 90% حبشية او ارتيريه
فبعض شبابنا هداهم الله عاوز يلبس نظيف و يتعين افندي و لا يحب العمل اليدوي او عمل الورديات
و سبحان الله اغلب رجال الاعمال العصاميين بدأوا حياتهم بعتالة او العمل البسيط اليدوي لانهم لم يوفقوا اكاديميا فاتجهوا للاعمال الحرة او العمل اليدوي –
و اذا عينت في السودان رئيسا ساغلق الجامعات فورا و كفاية اساس و اترك فقط المثاق العلمي ( طب – هندسة – صيدلية ) و يستمر فيه الناجحون في مجال نفسه و كفانا ادبي شبعنا منه و الباقي كله يمشي الزراعة و العمل الحرفي و استعيض الجامعات بالمعاهد الفنية
( عندنا نقص الان في الكادر الفني ) فالكل اتجه اكاديمي و نسي الصنعة و زمان الانجليز لما طلعوا قالوا السودان دولة زراعية و رعوية و فعلا لما الانجليز دخلوا السودان كان 85% من السكان في مجال الزراعة و الرعي و هو راس مالنا ( الان الدولة يدون مزراعين شباب )الا من رحم ربي
و ربنا بعدله في الكون جعل ارض السودان كذلك و هل يصدق الناس ان نص سكان فرنسا مزراعين و راعاة و عندهم اقوي نقابة في العالم و هل نصدق ان استراليا تعتمد علي الزراعة و الرعي و كذلك نيوزلاندا ( اكثر دولتين في العالم يصدرون الاغنام ) و استراليا من الدول المسيطرة الي سوق القمح العالمي – و الاتجاه المفروض يكون للزراعة و كما صنفت منظمة الاغذية العالمية سنة 1975 ان ان السودان سلة غذاء العالم فكان الموضوع و التقرير صحيح و لكن اولاد المزراعين بقوا افندية و نسوا الطورية – و كنا من القطن بس جنيهنا اقوي من الدولار و الاسترليني –