زواج سوداناس

ولاية الخرطوم تتعهَّد بإنهاء العطش والنفايات في مائة يوم



شارك الموضوع :

تفقد والي الخرطوم بالإنابة محمد حاتم سليمان يرافقه وزير المالية عادل محمد عثمان ومعتمدا الخرطوم وجبل أولياء وأمين عام الحكومة وأمين عام المحلس الأعلى للبيئة، ومدير عام هيئة نظافة ولاية الخرطوم نظافة السوق المركزي الخرطوم وسوق اللفة بالكلاكلة أمس.

ووجه سليمان بإعداد العدة لإطلاق برنامج الـ100يوم للعبور بملف النظافة لمرحلة الاستدامة في تقديم الخدمة ضمن حزمة الخدمات الثلاث للوصول لـ(زيرو عطش، زيرو كوش وزيرو حفر) عبر مصفوفة بقيودات زمنية ومسؤوليات محددة سيتم إسنادها بمحفظة تمويل تشرف عليها وزارة المالية.

وأضاف سليمان أن زمن الاجتماعات انتهى وستكون الزيارات الميدانية ركيزة التقييم والتقويم لخطة الـ100 يوم التي ستنطلق في 20 سبتمبر الجاري وبنهايتها سيتم إنفاذ حزم السياسات الكلية وتطبيق قانون منع الأكياس الخفيفة بولاية الخرطوم.

ووعد بإصلاحات كبيرة في مجال تحسين بيئة عمل الموارد البشرية والآلية والإمداد لضمان اختراق مستدام في شأن النظافة مشيداً بالاختراق الكبير والواضح في ملف النفايات الطبية والبيطرية.

صحيفة الصيحة

شارك الموضوع :

تعليقات الفيسبوك

تعليقات


8 التعليقات

إنتقل إلى نموذج التعليقات

      1. 1
        الصريح

        والله انت زيرو والوالى بتاعك اكبر زيرو وكلكم مجرد اصفار على الشمال … فالحين فى الكلام المنمق والكذب على المواطنين … خلاص الوالى كمل كضبو جيتنا انت يامحمد حاتم ؟؟؟؟

        الرد
      2. 2
        حيدر أحمد

        كل الوعود تم تنفيذها 1- اعادة دارفور لسيرتها الأولى 2- حرية التعبير والصحافة 3- تعليم أبناء المغتربين والسكن لهم 4- المحافظة على تثبيت سعر صرف العملة 5- استقلال الغضاء 6- أداء صلاة العيد في كاودا

        الرد
      3. 3
        Ali sdeeq

        والله مماجاءتنا حكومة السجم دي يوم وأحد ماشفنا راحة بال ولا اكلنا شبعنا ولا اتعلمنا مجان ولا اتعالجنا بفلوسنا ولا شفنا يوم سمح
        كل يوم يطلع كضاب جديد عشان القديم كمل كسير تلج
        وأحد لسانه 👅 ثلاثة ونصف كيلو وغبي والثاني عصا موسى معه ومنتكي والثالث حرامي وشحاد وبشتهي عليك الله دي بلد دي هي
        ماسوره حكومة مليونين وزير وست ملايين غفير
        وقدرهم سواقين لنسوان الوزراء يعني البلد بقت طابونة علي بابا
        عيييييييك وحليل زمن الشاي بالزلابيه في السوق الشعبي وبصات ابورجيلاء
        والقطن الطبيعي المتعافي مش القطن المحور بتاع المتعافي قطن صيني نتن وسخ لهط منو وملأ جيوبو وراااااااح
        وتاني بتاع الثروة الحيوانية قال عاوز يصدر الإناث من الماشية بجميع انواعها عليك الله دا بني آدم عندو ذره من وطنية…عليك الله صدر الإناث من السودانين خلينا ملط بدون نساء غباء وسرقة مقننة وضمير زيرو نخوه وزيرو كبرياء وزيرو شفافية وزيرو شنو
        نضافة قال هو نحن لاقين نأكل رقيف بي موية عشان ننضف حاجة.. أنتم خليتو لينا صفحه ننقلب عليها.لك يوم يا غافل والسيل جايييييييك
        والي قديم معتق مثل عنقريب الجلد الزمان بتاع الجرتق ونحن صغار كرعينو كاسات كاسات ورجولوا مدورات حمر معفن ونتن نقعد نحرسو من الكلاب
        وين يعلم الله مما فتحت عيني وأنا في الغتاس هي الإنقاذ اقصد من دون في دون لي يومك هذا
        وربنا يكضب الشينة

        الرد
      4. 4
        ابو كريم

        لا أحب اساءة الظن لكن أخشى ما أخشى أن تكون ” فرفرة وحركات” لأجل خلافة التعيس ” اللمبي ” في الولاية. لم نعتد منكم على الإخلاص المفاجيء كهذا. اللع يكضب الشينة.

        الرد
      5. 5
        ابو كريم

        الله يكضب الشينة

        الرد
      6. 6
        زول ساى

        ولو اعطيناكم مائة قرن ما حا تعملوا حاجة شبعنا ضحك على الذقون

        الرد
      7. 7
        ابونضال

        محمد حاتم الذي ادانته المحكمة في اختلاسات التلفزيون وتمت تبرئته لاحقا بقدرة شياطين الإنس عايزين الليلة تخبوا الاثر وتجملوهوا لينا وتعيدوا انتاجه في شكل المصلح للعاصمة؟ والله صحيح الاختشوا ماتوا..والله لو حولت الخرطوم فيينا_ واكيد اكيد لن تفعل_ برضو ما ناسنك ولا مسامحنك الا توري ااشعب ده كلو وديت قروش التلفزيون دي وييييييين

        الرد
      8. 8
        عابد

        الزول دا وعد 100 يوم نشوف هل ما اتهم به بالتلفزيون صح ولا الزول دا عملي ومضايق

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *