زواج سوداناس

الشرطة تعثر على سيارة شيخ “الزين” ” بعد سرقتها من أمام منزله بالطائف


الزين

شارك الموضوع :

عثرت الشرطة مساء أمس الثلاثاء على سيارة إمام مسجد سيدة سنهورى الشهير الشيخ (الزين محمد أحمد) المسروقة بعد ساعات من إبلاغه بالسرقة وذلك تحت جسر النيل الأزرق و أقدم لص مجهول على سرقة عربة “برادو” تخص شيخ “الزين محمد أحمد الزين” فجر أمس (الثلاثاء) من أمام منزله بالطائف مربع (24). وكشف مصدر لـ(المجهر) عن أن شيخ “الزين” وفور اكتشافه سرقة العربة التي قدرت قيمتها بمليار جنيه دون بلاغاً بقسم شرطة الخرطوم شرق، وأحيل البلاغ إلى إدارة مكافحة سرقة السيارات التي كونت فريقاً للعثور على العربة المسروقة، وما زالت التحريات جارية.

المجهر السياسي

شارك الموضوع :

تعليقات الفيسبوك

تعليقات


31 التعليقات

إنتقل إلى نموذج التعليقات

      1. 1
        osama

        والله لكن يا شيخو حكاية البرادو دي__ حتى المعلقين سكتوا .. الله يزيدك من نعيموا

        الرد
        1. 1.1
          اب سن

          ، من اين لك هذا يا زين برادو عرفنا الفتانين عندهم عدادت وناس دنيا … حقو تورينا البرادو حبتها من وين ،، اداك ليها سعود البرير مثلا ،، ولا عندك عدادت بتاع قراءات وبعدين بيت الكائف حقك ولا ايجار ،،، ناس دنيا والسلطة عرفناهم عندهم كوميشنات وعدادات انت عندك شنو تبرعات مثلا ،،

          الرد
          1. sheedo

            مالك ومالو يا خوي
            خليك في حالك احسن.
            ربنا يزيد ليهو ويديك ويدينا من نعمته

            الرد
      2. 2
        جاكومه

        عاطل يملك برادو استغفر الله العظيم وأتوب اليه

        الرد
      3. 3
        لؤلؤة

        منو القاليك عاطل خافوا الله… عينكم في الشجرة الكبيرة.. برضو وزير تقولوا شالها من الحكومة امام مسجد يصلي ويمشي يشوف شغلته علي كلام البعض الا يبيع المسجد. الله المستعان

        الرد
      4. 4
        عثمان عمر

        استغفر الله ،!!! ؟هل من يحفظ كتاب الله عاطل ومن الذي يعمل كيفية فخرااا واجرااا ان نصف سكان السودان يبدؤن يومهم بسماع القران بصوته تترك الخلق لي خالفه

        الرد
        1. 4.1
          العمدة

          أي لو بقول شيخو بخلق زي الله و بتحكم بالكون عاطل و مشرك و كيسو فاضي.

          الرد
      5. 5
        العمدة

        ما نادى الولي ولا شيخو يرجعها له مالو ما قلتوا في الكون متحكم ؟!! نسأل الله السلامة.

        الرد
      6. 6
        جاكومه

        الحمد لله آلاف فى السودان يحفظون كتاب الله هل يركبون البرادو .

        الرد
      7. 7
        Tom

        حافظ كتاب الله يستاهل لو عندكم شوفو الفنانين والفنانات يصرخون ويصدعون اسماعنا ويجنون الملاين في ليله واحده

        الرد
      8. 8
        شكري

        السيارة تتبع لمسجد سيدة سنهوري بعض التعليقات تحتاج ل بِسْمِ اللَّهِ الرَّحْمَنِ الرَّحِيمِ

        قُلْ أَعُوذُ بِرَبِّ الْفَلَقِ (1) مِنْ شَرِّ مَا خَلَقَ (2) وَمِنْ شَرِّ غَاسِقٍ إِذَا وَقَبَ (3) وَمِنْ شَرِّ النَّفَّاثَاتِ فِي الْعُقَدِ (4) وَمِنْ شَرِّ حَاسِدٍ إِذَا حَسَدَ (5)

        الرد
      9. 9
        جاكومه

        خريج خلوة . أساتذة الجامعات مشردين خارج السودان

        الرد
        1. 9.1
          متابع

          وانت بتستخسر فيهو العربية عشان خريج خلوة ؟ زول حافظ كتاب الله افضل من استاذ جامعى سكران ..بعدين العربية ما بتاعتو هى عهدة و تتبع للمسجد

          الرد
      10. 10
        اصيل

        من يتق الله يجعل له مخرجا ويرزقه من حيث لايحتسب تسالوا يوم القيامة بالاتهام الباطل

        الرد
      11. 11
        مسيخ

        من اين لك هذا ياعم الزين وبعدا حنسميك الزين برادو ونسحب منك شيخ الزين حقوا تعقد مؤتمر صحفى تورينا من اين لك هذا،،
        الجماعة الطيبين عرفناهم ناس دنيا ،،انت بقيت زول دنيا برضو ، يعنى القرآن بقى فيهو عدادات نقلب يعنى بدل طب نقراء جامعة القرآن الكريم وتبقى دراسة القراءات اعلى نسبة من الطب والله دا المشروع الحضارى زاتو ،، وبعدين برادو بمليار معناه برادو بصمة 17 ودى مستحيل تنسرق،، لانو مفتاحها كومبيوتر وشفرة ويرلس لايمكن كسرها الا بمفتاحها الاصلى ولا زول يعرف الشفرة ودى مستحيل ولو حاولت تعمل كبرى خارجى مستحيل تدور معاك ،، حقوا ناس المباحث يدرسوا الموضوع كويس ،، غالبا دا زول عندوا نسخة من المفتاح والشفرة ،،،
        وبرضوا من أين لك البرادو يا الزين برادو عدادت ولاشنو ؟

        الرد
      12. 12
        sheedo

        مالك ومالو يا خوي
        خليك في حالك احسن.
        ربنا يزيد ليهو ويديك ويدينا من نعمته

        الرد
      13. 13
        زول ساى

        الخبر واضح جدا ويقول عربة شيخ الزين ولم يقل سيارة مسجد السيده سنهورى، هذا اولا وثانيا مسجد السيده سنهورى ليس كالحرم المكى او المدنى اللذان الصلاة فيهما مضاعفه اضعافا كثيرة، وهما مع المسجد الأقصى يشد اليها الرحال دون غيرها من المساجد حسب الحديث الشريف، فضلا عن انه بيت الله الحرام والثانى مسجد رسول الأمة الإسلامية رضى الله عنه وصلى وسلم عليه، فتلك المساجد لا تمتلك عربات برادو فمن اين لمسجد السيده سنهورى بالعربه البرادو ان اخذنا ببعض تعليقات المعلقين، ولماذا عربه ملياريه وشعب السودان احوج للمليارات لعلاج الكوليرا وللغذاء فالفساد ضارب باطنابه كل ارجاء السودان وهل هذا الفعل يرضى الله ورسوله الذى قال لجامع الزكاه هلا جسلت بيت ابيك وامك ونظرت ايهدى لك ام لا.

        الرد
        1. 13.1
          بت ابوها

          انتو ياناس جنيتو ولا شنو ….شيخ الزين مامسؤول حكومي ولاعضو في البرلمان ولا والي ولاوزير ولا معتمد ولا يحزنون ,,دخله شنو بالكوليرا والفساد لا سرق ولا نهب …احتمال عنده تجارة ولا اي حاجة بيتجيب ليه قروش , بعدين امام الحرم المكي شيخ السديس تاجر عقارات ,,اها دي عنكم فيها راي كمان…..عالم غريبة خلاص . بالمناسبة ماعندي بيه اي علاقة ولا شفته …
          جنكم حسد ,,,ولا الشغلة غلبتكم اعوذ بالله من شر حاسد اذا حسد . خلوا الخلق للخالق واصلحوا انفسكم .

          الرد
      14. 14
        زول ساى

        والله اننى كم حزين لحال حفظة القران الكريم بالسودان فهم لم يجدوا من يقدرهم حق قدرهم ليس هناك اعظم مما يحملونه فى عقولهم وعليهم يقع عبء تعليم ابناءنا علوم القرآن الكريم حفظا وتجويدا فهم حملة النور الذي ينير طريقنا وكم هو عجيب ان يعيش المفسدين فى نعيم وحفظة القران فى ضنك العيش غارقون الفوضى تضرب باطنابها كل البلاد ولا يوجد شئ واحد فى مكانه السليم.

        الرد
        1. 14.1
          sheedo

          يعني حافظ القرأن إللا يعيش في الراكوبه وللا فهمك شنو.

          أطلب من الله وأسعي ربما يرزقك بالكزس

          الرد
      15. 15
        مدحت الهادي

        أخي زول ساي … السلام عليك يا أخي …. والله الواحد يأسف كل الأسف على الحاصل في السودان من نهب وسرقة و و و إلخ …..

        أما بالنسبة أن تقول ((( فضلا عن انه بيت الله الحرام والثانى مسجد رسول الأمة الإسلامية رضى الله عنه وصلى وسلم عليه، فتلك المساجد لا تمتلك عربات برادو ))) لا يا أخي …. صدقني قبل ثلاثة أعوام كنت قي الحج بحمد الله تعالي وشاءت الظروف أن أكون في أحد بيت الشيخ السديس في حي العوالي بمكة فهل تصدق يا أخي (( اللحوم الموجودة في داخل الثلاجات ذبائح كاملة الذبيحة في داخل هذه الثلاجات صدقني سعرها يساوي البرادوا اللي راكبوا الشيخ الزين والأرضيات اللي عاملينها ليهوا في البيت والمسجد تساوى عشرة من عمائر الشيخ الزين يا أخي خليها مستورة بس والله هذا إمام واحد من أئمة الحرم المكي فما بالك في بقية الإئمة إنت تقول ماعندهم برادوا …. حتى يا أخي البرادوا مابركبوه هم بيشوفوه حاجة تافهة يركبوا من لا ند كروزر وأنت ماشي ….يا أخي شيخ الزين ممكن تقول ليه السلام عليكم يقول ليك وعليكم السلام وياخد ويدي معاك لكن بس يا أخوي !!!!!!!! ما قلت ليك خليها مستورة وربنا يهدي الجميع وصدقني شيخ الزين دة بريء ماعندوا ذنب علموه الحرامية الباقين عشان ما يدخولوه معاهم …. والشيء اللي أنا متأكد منه هو بيمشي في بيوتهم وبقرأ ليهم القرآن ….سبحان الله يا أخي نسأل الله الهداية للجميع والله اكبر على الخونة ماكلي حقوق الشعب السوداني الطيب والله أكبر عليهم إلى أن يردوا أموال الشعب السودان والله أكبر ولا نامت أعين الجبناء ….

        الرد
        1. 15.1
          الفاتح النوبي

          يا اخوانا شيخ الزين اهديت له السيارة وهو لا يشغل وظيفة حكومية عشان تقولوا شال من حق الشعب ثم ائمة المساجد في العالم عندهم مخصصات ورواتب .

          الرد
      16. 16
        ابو مغفرة

        عالم تحير ياخي افرض عندو برادو وفيلا عديل وين المشكلة هنا ؟ هل يعني عندكم حامل القرءان شحاد يتلقى الإعانات والكرامات عالة على المجتمع ؟؟؟؟!!!!!!!
        والله اكرم من ناس القرءان في البلد دي مافي ، تزورهم في اقاصي البلاد يكرمونك بالغالي والنفيس من أطيب ما يؤكل ويشرب وبحفاوة بالغة ، وبكرمهم دا أكرمهم الله.
        عندكم صورة نمطية بائسة عن أهل القرءان
        الله يهدينا ويهديكم

        الرد
      17. 17
        زول ساى

        ابو مغفره هل كان الرسول صلى الله عليه وسلم شحادا وانت تعلم انه قد رهن درعه ليهودى فلم يكن من الذين يكنزون الذهب والفضة ولم يكن من الذين يركبون الفارهات فقط نريد من الشيوخ والحكام التاسي بالرسول الكريم لا نريدهم ان يسالوا الناس الحافا بل نريدهم ان يؤمنوا بان من بات آمنا فى سربه مالكا قوت يومه قد ملك الدنيا و ما فيها وان لم يطبقوا روح الاسلام فى انفسهم كيف يطالبون غيرهم بذلك. لا تنهى عن خلق وتاتى مثله عار عليك وان فعلت عظيم.

        الرد
      18. 18
        زول ساى

        فى اول عهد الانقاذ اتى شرطى واخذ يبيع فى البطيخ باسعار زهيدة جدا جدا وصاحب البطيخ لا حول ولا قوة له لقد خسر خسارة فادحة ولم يقوى على سداد قيمة البطيخ للمورد موقف مؤثر ولن انساه عندما اراد جدى ان يشترى لنا بطيخة ونظر الى حال صاحب البطيخ وانصرف دون أن يشتريها وهو يردد هل يعلم هذا العسكرى بكم اشترى صاحب البطيخ بطيخه حتى يبعه له دون رضاه بهذا السعر الزهيد اين الاسلام واين الدين الحق في هذا التصرف الذى لا يرضى الله ورسوله

        الرد
        1. 18.1
          الفاتح النوبي

          ليه ما نهيتوه ونصرتوا سيد البطيخ ؟؟؟؟ المشكلة نحن نساعد في الفساد ونتهم الحكومة بالفساد ناس السيسي حاربوا الحكومة ولمن دخلوا الحكومة و رطبوا نسوا اهلهم وقضيتهم و سكتوا كذلك ناس الشرق اكلوا اعانات الكويت و سكنوا الخرطوم لمن لونهم فتح

          الرد
      19. 19
        .COM

        اللهم أنعم وزد وبارك في مال عبدك شيخ الزين وأبسط له في رزقك الحلال

        الرد
      20. 20
        مرضي

        الفساد. يأتي. من أعلي الهرم. ،،،، من. الراقصين. في. الحج. ( اخر تقليعة ). و معهم. الرأسمالية. الطفيلية أمثال اولاد البرير. ،. السودان. بلد فيه. يزيد عدد حفاظ. كتاب الله. اكثر. من الفساد. و لكن. التسلط و جبن الشعب هو ما أدي الي ما نحن عليه الان و الله المستعان

        الرد
      21. 21
        gogo Fadil

        خيركم من تعلم القرآن وعلمة
        شيخ الزين خيركم

        الرد
      22. 22
        الزيدابي - الجزيرة ام طرفة

        بعد القبض على سارقي سيارة شيخ الزين العقبة لسارق اموال الحجاج المدعو حسين مصطفي جيلاني وما اظن يتم القبض عليه لان لبواكي لهؤلاء الحجاج المساكين الذي هرب المحتال والنصاب حسين جيلاني ابوفاطمة بفلوسهم هي تقدر فوق الاثنين مليار جنيه وجوازات سفرهم .. ومازال المجرم حر طليق بدون ان يتم القبض عليه بالرقم من فتح بلاغ فيه قبل ثلاثة وعشرون يوما بمركز شرطة عطبره .. حسبنا الله ونعم الوكيل ..

        الرد
      23. 23
        علاءالدين

        احيييييييييا .. زول ساي دا غايظني غيظ .. عامل فيها كتاب .. وهو فاهم غلط

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *