زواج سوداناس

جمهورية السودان الفنية !!



شارك الموضوع :

ماذا عسانا أن نفعل حينما يتحول ثلث شعب السودان نساءً ورجالاً الي حرفة واحتراف كتابة الأشعار وصناعة الألحان والعزف علي الآلات الموسيقية وخصوصاً (الدلاليك) والغناء؟

إلا تحتاج هذه الدولة الي الطبيب والمهندس والمكنيكي والمزارع؟ انستجلب العمالة والكوادر في شتي المجالات من الدول الأجنبية ودول الجوار ام ماذا عسانا فاعلين؟ وان افترضنا انه حل فهل السودان دولة اقتصادية عملتها تنافس اليورو والدولار والاسترليني والريال القطري؟ وهل يمكن أن تعتمد علي مواردها حتي تشجع وترغب الأجنبي في الاغتراب بها حتي يتفرغ الشعب السوداني لصناعة الفنون وتصديرها ؟

علي كدا قد نمنح لقب جمهورية السودان الفنية !! الدولار وصل (٢١) جنيه سوداني يعني لو جبت لاجئ يقعد عندك قعاد لله ساي (ويشحد) ببقي عندو في القعدة عندك رأي !! فنان أجنبي يعمل حفل في السودان يلقي نصف الشعب السوداني حافظ اغنياته وبناتنا بيغمروا كمان في حين أنهم مابيعرفوا شاعر وملحن نشيد الوطن!! مافي مهنة فيها منافسة واكتظاظ فني بلا فن أكثر من مهنة مطرب وعازف وشاعر سوداني والاغنية السودانية مانطت أطراف الخرطوم سلام يابلد.

بقلم الشاعر
هيثم عباس

شارك الموضوع :

تعليقات الفيسبوك

تعليقات


6 التعليقات

إنتقل إلى نموذج التعليقات

      1. 1
        Abu mahamad

        هذا نظام التمكين الذي وعد به الاستاذ علي عثمان محمد طه الشعب السوداني فى بداية نظام الإنقاذ محاضير محمد في عشرين عاما حول ماليزيا إلى عظمى نظام الإنقاذ ثلاثين سنة حول إلى ما انت كتبت والي قبائل كلها يحمل السلاح هل كان هذا الشي يحدث في عهد الرئيس النميري عندما كان كل الشعب السوداني قبيلة واحدة لا يعرف إلا شي واحد بس اسمه السودان كان في الماضي الرجل المناسب في المكان المناسب أما اليوم الرجل الغبي في المكان الغبي

        الرد
      2. 2
        محمد

        سبحان الله، وماتضيف وكاتب فني زي نوعك ده ماعنده غير الفنانة الفلانية والعلانية وده فن هابط وواطي ماعارف وعالي.. الفن كلو هابط والوسط الفني وسط عفن ووسخان بمافيهو كتابه من امثالك.
        ماتكتب عن الاقتصاد والهرجلة الحاصلة في كل مناحي الحياة في السودان بدل القرف البتروج ليهو ده!!!

        الرد
      3. 3
        بكر

        اها سمعناك
        لكن يا اخوي انت زاتك شغال شنو هسي
        ما تقول لي ناقد سجمي!!!اقصد فني

        الرد
      4. 4
        Fahim

        شافوك بتكتب اي كلام هايف وعداداتك رامية قالوا مالو نكتب طالما القصة ساهلة… يعني اقيف من الكتابة انت اول

        الرد
      5. 5
        فن قال !!!

        وانت ماتثتسني شخصك منهم انت ظهرت ايضا معهم

        الرد
      6. 6
        Saeed

        الكمساري دا ظهر تاني

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *