أبرز العناوينسياسية

الفريق طه عثمان: “أنا أول شخص اتصل بالرئيس البشير وأخبره برفع العقوبات عن السودان”


قطع مدير مكتب رئيس الجمهورية السابق الفريق طه عثمان، بأن السعودية والإمارات لعبتا دوراً محورياً وأساسياً في رفع العقوبات الأمريكية عن السودان.

ولفت طه في مقابلة حصرية مع (الصيحة) إلى أن الإمارات العربية المتحدة قامت مؤخراً برفع اسم السودان من قائمة الدول التي يُحظر على مواطنيها الدخول إلى أمريكا. داعياً إلى عدم نكران دور السعودية والإمارات. لافتاً إلى أن الرئيس الأمريكي دونالد ترمب أبلغه في القمة الإسلامية الأمريكية التي أقيمت في السعودية، بأنه سيرفع العقوبات.

وكشف المدير السابق لمكتب رئيس الجمهورية عن لقائه مع مساعدة وزير الخارجية الأمريكية، ومع عناصر من الـ”سي آي أيه”، بجانب مقابلاته السرية مع فريق من الكنجرس والتي تمت بترتيب من وزير الخارجية السعودي عادل الجبير، وقال إنها أسهمت في إنهاء الحظر الأمريكي.

وأكد طه أنه لم يتوقف عن العمل في ملف العلاقات بين أمريكا والسودان، ومضى يقول: “أنا أول شخص اتصل بالرئيس البشير وأخبره برفع العقوبات”. مؤكداً استمراره في العمل من أجل إزالة اسم السودان من قائمة الدول الراعية للإرهاب، وأضاف: سوف أعمل بمساعدة السعوديين والإماراتيين لهذا الغرض، ولن أتوقف لأنني أقوم بدور وطني، وأعمل من أجل بلدي”. مشدداً على أنه لا يهتم بالشائعات، وأردف قائلاً: “لا يهمني الأشخاص، وأنا أعمل من أجل الشعب السوداني، وأعمل على دعم الرئيس البشير وهو رجل ما ساهل وقلبه كبير”. ونفى طه وجود خلاف بينه وأشقاء البشير، وقال: أنا على تواصل يومي مع الرئيس، ومساء (الجمعة) كنت أتحدث معه، وقام بتهنئتي برفع العقوبات، وأنا أسأل بصورة يومية عن الحاجة هدية، وعلاقتي مع إخوان الرئيس في قمة الانسجام ولا يوجد خلاف معهم مطلقاً.

الخرطوم: عبد الرؤوف طه
الصيحة


‫28 تعليقات

  1. بالله !!! يعني غندور قاعد ساي !!! عليك الله اشتغل لكن من غير تصريح !!! نحن عارفين السعوديه ليها دور كبير و الشعب السوداني بيشكره عليه شديد , بس انت ما تكبر كومك كمان خالص عشان ما تعمل اخراجات دبلوماسيه عشان انت الان تمثل دوله اخري و ليس السودان , يبقي من المفترض ما تقول انا بعمل من اجل وطني السودان حتي ما تحرج من قبل مرؤسيك الجدد . دي بس نصيحه من سوداني اغبش

    1. الموضوع بسيط جدا
      السودان اصبح لاعب اقليمي رقم ١ف المنطقه وما جاورها
      اعتراف ال cia بان الجيش والامن والمخابرات السودانيه هي الاقوي بلا جدال
      ف اختارت الخرطوم مقرا لاكبر مكاتبها حول العالم
      دخل الجندي السوداني اليمن مع اشقائه ف اختفي صوت القاعده واخواتها الي الابد وكانت ترعب حتي الامريكان وتدمر سفنهم وغواصاتهم
      السودان اكبر منتج و موزع بعض انواع السلاح بالمنطقه وما جاورها باعترافات دوليه
      عندما غض السودان الطرف عن زحف المهاجرين الي اوربا شكت شوارع البندقيه ومقاهي باترا اليونانيه وبيوتات الشانذلزيه
      وحدائق فرانكفورت ومدينه مالمو السويديه
      وبكت ونعت من كثافه الهجوم الزاحف للمهاجرين
      رويه 2030 الزراعيه للامير القوي بن سلمان اسال لعاب ترامب لارض السودان والرويه تقول تمويل سعودي خليجي ارض وماء سوداني و اليات امريكيه وهنا اعذر المصري لو لم يفرح لرفع العقوبات لان لا مكان له ف هذا المشروع الضخم ال ح اكسر الدنيا ع قولهم
      واخيرا لا ننسي جنوب السودان ف الجيب الخلفي
      تشاد اثيوبيا افريقيا الاوسطي وارتريا وحكومه ليبيا لنا افضال عليهم كثيره وهم الان اخوة لنا ونخطط معا ونسير معا
      كل الكلام الفوق ده
      طبخ ع نار هادئه
      بقياده حكيمه و قويه وشرسه
      تمازج فيها الجيش والامن والمخابرات والخارجيه وانتجت لنا هذا العصير
      بفضل الله الليهو رفع العقوبات
      والقادم احلي لنا
      واصعب وامر واقسي للاعداء والغواصات والحركات والطابور
      شعارنا القادم
      الانكفاء ع الذات والعمار والانتاج والانتاجيه
      ومعاش الناس
      شعارات ال الترابي ماتت وشبعت موت
      ليس لنا دعوه ولا ناقه ولا جمل ف اي موضوع الا مصالح بلادنا العظمي
      شعارات اسرائيل ودان عذابها وهذه الخزعبلات رميناها ف زباله التاريخ
      الان نحن ناس مصالح فقط ليس لنا اي احساس الا بمصلحتنا فقط
      ومن اراد حمايتنا وصداقتنا مرحبا به من غير ان يسبب لنا اذي
      كل الحسابات والعلاقات تبني ع المصالح المشتركه فقط لغايه نهوض بلادنا
      الله اكبر
      لا رب الا الله
      سيدنا محمد رسول الله وحبيب الله وسيد المرسلين

  2. الاختشوا ماتوا
    سارق البلد وشغال جاسوس في مكتب رءيس وتقول قلبك علي البلد وانه البلد بتهمك
    وعايز تهمش وزير الخارجيه
    لاحول ولا قوه الا بالله

  3. غندور كان واضح في الندوة أن الحوار مع الأمريكان كان مباشر
    وإجتماعات المتابعة والتقييم دورية بخطة و جدول زمني واضح ، لقاءات مع عدة أطراف في الحوكمة الأمريكية ، كل طرف يهتم بمسار ما ، وكل طرف لديه طلباته وشروطه …. والتي وطبقها السودان لدرجة جعلتهم يجمعون على رفع العقوبات !!!
    بعد دا الناس مصرة تنفخ في بعض الدول و تضخم دورها ؟؟!!
    السعودية لا تملك أن تؤثر في المؤسسات الأمريكية ، والا لكان أحرى لها أن تمنع مرور قانون جاستا وغيره

    الناس تفكر بمنطقية شوية !

  4. غندور ما ليه أى دور فى رفع العقوبات بل طه هو الذى تحرك ونهى فرض العقوبات على السودان ……. وأتصاله فى البشير وأبلاغه برفع العقوبات يوضح بأن المذكور مصاب بمركب نقص ويحب الظور والمظاهر الخادعه ……. فنتبهوا يا شعبنا الابى …

  5. إخوان الرئيس
    إخوان الرئيس
    إخوان الرئيس

    رحم الله عبدالناصر مات وفي حسابه البنكي 617جنية وعربية واااااحدة وشقة واااااحدة

    وحب الملاييين من الناس

  6. طه شاغل الناس فى جميع الحالات ، مدير مكتب الرئيس أو صديق الرئيس أو صديق أخوان الرئيس ،،، الخ ،،، الله يشغلك يا طه ،،،

  7. لا ينكر احد دور الامارات والمملكه في تقريب وجهات النظر وكانت دوما الامارات مكان امن لكل من زارها لكم التقدير ابناء الرجل الاسطوره زايد رحمه الله ولك التحيه الامير الشاب محمد بن سلمان وللملك سلمان قائد الركب ولكن ياطه الناس ديل عملو كل الكلام ده للسودان ماليك انت انت منو وصفتك ايه اغرب ياقبيح

  8. ههههه … اعرف طه في القران الكريم يعني الرسول( صلعم (قبل ١٤٠٠عام هجري اها طه السوداني المولود في القرن الماضي لم يعرف من اي مصدر؟؟ فتشت الانجيل مالقيت..الزبور برضو مافي..التوراه كذلك برضو مافي~ وبعد تفحيص ومحص وجدت اصل كلمه طه جايه من كلمه امات طه يعني اي زول اسمو طه في السودان لابد ا تلحقه طامه كبري ام صغرى حسب زمن ولادته..عندك علي عثمان طه عندوا طامه كبرى…عندك طه هذا عندو فضيحه بطامه كبري وملفب بالجاسوس وفي روايه اخري غواصه..في برضو طه بتاع البنك الزراعي سابقا وحول لوزاره الماليه ضبط مع مزه وخرج بفضيحه وعملو معه فقه الستره الله يستر علي باقي الطاهات!

  9. الله يلعن عبدالناصر كذاب ومنافق وعميل مستهبل وسبب بلاوي العرب ديل كلهم

  10. لمن تكونو مواطنين فى دولة يحكمها صعاليق و مشردين و مستجدبن نعمة توقعو أكثر من ذلك.صرنا نتشبث بعطف السعوديةو الامارات و قد كنا عاصمة أللاءات ألثلاثة،، يا حليل زمن الأزهرى و زروق و المحجوب.. بألمناسبة متى يدنو عذاب أمريكا أم رفع عنهم ألقلم و راحت أأناشيد ألفطائس سدىً

  11. والله كل من له بصر وبصيره يعرف ان رفع العقوبات تم بناء علي تنازلات كبيره جدا من جانب حكومة السودان
    وذلك ما سوف تكشفه الايام في القريب العاجل
    اكيد قدم السودان تنازلات كبيره جدا خاصة في الشرع والدين وسيادة البلد

    اما القول بان ل طه والسعوديه والامارات يد في ذلك فهذا هراء

    عرب الخليج عباره عن دمي تحركهم السياسه الامريكيه حسب مزاجها

    ولكن ان يكون لهم تاثير في السياسه الامريكيه فهذا محال

  12. الله يحلنا منك يا طه
    كرهتنا
    واصلك شليق شلاقه مبالغه فت الكبار والقدرك…
    كلللللل الشغل الاشتغلوهوا الناس ديل ما ملا عينك..
    وبعدين السيد ترمب كلمك شخصيا برفع
    باااالغت يالقاش ما كان يوريك البنود والشروط الهو ذاتو ما عارفها…
    ناس ما تكبر عقليا ابدا..
    اها وانت اول زول كلم سعادة الريس بالفك .. الامريكان تجاوزو البروتوكولات وسفيرهم والقائم بالاعمال وصرحوا ليك انت مباشرة بحكم شنوا يعني…
    غايتوا الواحد لمن يصدق ويفكها في نقسوا يفتكر الناس اغبياء …
    بعدين يا لذيذ كلها خريفين والاجلاف ديل يمصوك ويرموك عضم … انت مجرد حاجه وقتيه..

    بعدين في واحد سال سؤال وجيه جدا… عبدالناصر الدخلو هنا شنوا .. نحن ناس نضاف

  13. طه الجاسوس ده تاني الجابو شنو ده واحد مرضان ساي وكضاب خدع بشه ومشى يخدع عرب الخليج الموهومين ديل مابخلي كضبو ده ي طه كرهتنا

  14. البشير ما ليهو يد في رفع الحظر وطه ما ليهو دور في رفع الحظر وغندور بعيد عن رفع الحظر والسعودية لا دخل لها من رفع الحظر والإمارات لم تتدخل في رفع الحظر، كل هذه جاءت في تعليقات الجماعة أعلاه ، أفيدونا بالله من له الفضل في رفع الحظر.

  15. برضو الحاجه هـدية

    يااااخ دي أم الرئيس في البيت

    في العمل العام لا تدخلو الحاجة

    وإلا فإنها لحاجة في الـنفس

  16. على راى القذافى من انت؟

    هل انت وزير خارجيتنا ونحن لا نعلم؟

    ام انك مازلت تحلم بانك مدير مكتب الرئيس؟

    ام ان هنالك تصفية حسابات بينك وبين غندور؟

    فحدثنا عن الصفة الرسميه التى تجعل لك دور في تحريك هذا الملف.

    نفهم ان امريكا دولة مؤسسات هل منصبك كمساعد لوزير خارجية السعودية هو الذى هيأ لك هذه السانحه التى ليست من حقك ولو كنت وزير خارجية السعودية نفسه ولست مساعده فحسب لان هذا الحق حق اصيل للخارجيه السودانيه دون سواها.

    وان كان الامر كذلك لماذا تقبل على نفسك بان تسئ الى خارجيتنا وتسلب حقها فى تحريك هذا الملف الحساس خاصة وانك لم تشير الي اسهامها فيه لشئ فى نفسك.

    المؤسسية تقول ان اولوية معرفة هذا الخبر هى من حق خارجيتنا حيث انها طرف اصيل فيه وهل نفهم من حديثك بانه لا غنى لنا عنك وهل هناك ما يدفع امريكا لتجاهل مؤسسيتها وتخطر الخارجية السعوديه التى تتمنى لها انت قبل ان تخطر خارجيتنا صاحبة الشأن؟

    فان كان ذلك صحيحا فهذى صفعة على خد خارجيتنا التى عليها ان توضح لنا حقيقة ذلك الامر ولو على لسان وكيلها، اما انت ان كان لديك احساس بالانتماء لهذا البلد لما صرحت بهذه التصريحات التي تسئ اليه ولو كانت حقيقة.

  17. يا اخونا أحمد أزرق
    الناس البيتكلموا كلام سياسيه صاح لم يقولوا ان غندور والبشير ما عندهم دور!!!!!
    بل قالوا ان لغندور دور كبير جدا في رفع العقوبات … لكن السؤال كيف؟؟؟
    قالوا ان غندور وخارجية السودان قدموا تنازلات كبيره جدا خاصة في الشرع والدين سيادة البلد
    وطبعا بعلم البشير اليس كذلك … لذلك رفعت العقوبات

    اما المدعو طه والسعوديه والامارات وبقية العرب العاربه فليس لهم اي دور … فهؤلاء تحركهم الرياح الامريكيه كما تشاء
    لكن لا يمكن ان يؤثروا في القرار الامريكي!!!

    يعني قرار رفع العقوبات جاء نتيجه لتنازلات كبيره من جانب حكومتنا ووزارة خارجيتنا

  18. الله يرحم السودان وشعبه بالله دي حكومة ولا دولة ولا روضة اطفال ولا مزرعة .. طه خرج من السودان بصورة لن توضح حتى الان وكان امر مخزي ومهين في حق البشير وثم الشعب السوداني واي مسؤول سوداني كشف لنا كيف يدار ويحكم السودان شيء مخيف

  19. طه الجاسوس باع اسرار الدوله الكان مأتمن على اسرارها زول يخون وطنو تاني شن فايدتو انت ياطه مفروض تنطم كلامك فارغ ولا قيمة له ولا قيمه لك

  20. ستظل البلد هاملة طول ما انتم على راسها. الطيور على اشكالها تقع .. طه والبشير لقاء التعيس مع خايب الرجاء.

  21. طه الان مدتو انتهت في السعودية و غير قابل للاستعمال .. عشان كدة بحاول يكسر تلج و يظهر في كل خبر يخص السودان عشان يرجع .. غايتو طه ده كان خليتوهو يرجع تكونو بالغتو عديل كدي