اقتصاد وأعمالمدارات

الدولار يخالف توقعات رفع الحظر عن السودان ويواصل الارتفاع مقابل الجنيه السوداني


واصل الدولار الامريكي الإرتفاع مقابل الجنيه السوداني في الخرطوم، وفي جولة لصحيفة كوش نيوز وسط الخرطوم يوم الثلاثاء تراوحت أسعار الدولار في السوق الأسود بحسب رجال أعمال وتجار عملة تحدثوا للصحيفة بين 21.30 و21.50 جنيه، بينما أصبح الريال السعودي بين 5.60 – 5.65جنيه.

يوم الإثنين تراوحت أسعار الدولار في السوق الأسود بين 21.00 و21.20 جنيه بحسب رجال أعمال وتجار عملة تحدثوا للصحيفة، بينما أصبح الريال السعودي بين 5.50 – 5.55جنيه، وأعلى سعر للدولار مقابل الجنيه في العام الجاري كان 21.90 جنيه.

الدولار عاود الإرتفاع مجدداً يوم الأحد 15 أكتوبر الجاري ، فاتحة أعمال الأسبوع لأسواق المال في الخرطوم، وتراوحت أسعار الدولار في السوق الأسود بين 20.60 و20.90 جنيه بحسب رجال أعمال وتجار عملة تحدثوا للصحيفة، بينما أصبح الريال السعودي بين 5.35 – 5.40جنيه.

وفي جولة لصحيفة كوش نيوز وسط الخرطوم نهار يوم الخميس الموافق 12 أكتوبر الجاري تراوحت أسعار الدولار في السوق الأسود بين 20.00 و20.50 جنيه بحسب رجال أعمال وتجار عملة تحدثوا للصحيفة، بينما أصبح الريال السعودي بين 5.25 – 5.35جنيه .

الخرطوم (كوش نيوز)


‫12 تعليقات

  1. اي توقعات واي خرافات واي كلام فارغ يجب السيطره تماما على هذه المافيا والعصابات التى تحارب الاقتصاد وتزيد معاناة هذا الشعب الميت ماكانت العقوبات سببا وما كان لها اثر بقدر ما يفعله مافيا العمله والحكومه تنظر ولا تحرك ساكنا لم نرى العمله تباع في الشوارع الا في الخرطوم وكانها لالوب واللا نبق واللا ليمون بل العمله متوفره اكثر هيبة الدوله وتطبيق القوانين تجلب الامن والامان والاستقرار الاقتصادي وليس مصالحة امريكا وحدها

    1. يا الحبيب انت مفتكر تجار العمله والمافيا هم مزارعين الجزيرة لا يا اخى هم الوزراء والولاء يعنى هى الحكومة ذاته العامله كدا يعنى انت منتظر الحكومه تحرك ساكنا هناك نافزين فى النظام كانو متخوفين من رفع الحظر لشى فى نفس يعقوب لكن انا بقول ليهم اطمانو الوضع كلو زى بعضو لان المساله ليس له علاقة برفع الحظر ما دام هنالك فساد اداري ومالى واقتصادى واخلاقي فكيفه اقتصادنا يصبح اقتصاد متعافى من الامراض المزمنه التى لا علاج لها الا اذا شخصت من قبل اخصائيا مهره وعلماء زو كفاءة عاليا.

      1. الحق ما قلت ، أيدك بشدة بأن رؤوس كبيرة هي التي تسيطر علي العملة الصعبة.

  2. يا ناس خليكم واقعين , الدولار بجي بزيادة انتاج و زيادة الصادر. نحن في السودان عندنا جيش جرار من الحرامية يعتمدون على الآخرين اي غير منتجين على اطلاق. فبتالي من وين نجيب الدولار. كل شئ داخل فيه الدولار.

  3. حمدى العمل سياسة التحرير
    قال يجب رفع الدعم
    يجب تعويم الجنية
    وقال الدولار عرض وطلب وممكن يصل 50 جنية

  4. الوضع دة مؤقت يا احباب ولاسباب موضوعية وفنية .. كلها كم يوم وتشوفو تجار العملة يتجارو من الكشات.. والدولار مش ينزل يهوى عديل .. روقو المنقة بس .. ادوها اسبوع كدة تقريبا وحتشوفو

    1. هو تجار العملة منو انت قايل، هم كلهم من الكيزان والجبهجية الحرامية ديل، يعني زمن ناس ود الجبل ولى، عشان كدا الدولار حيطير السماء لأنه مافي حرامي بيكش ليه حرامي زيه

    2. ههههه تجارة دولار هصبح بموبايل من بيع لشراء و خارج السودان كمان. انتج انتج و اتبع سياسة جديدة لادارة البلاد و الاقتصاد ز سوف ترى بام عينيك الدولار يكون وديع كيف امام جنيه السوداني الشبل. خلي الاماني الوردية,( خلاص عقوبات اترقع و دولار حينزل) يلا شيل ليك طورية و امشي الزراعة و شيل مفاتيح و صلح المكنات العطلانة.

  5. كلامك صحيح ميه في الميه يا ابزرد .. اثني علي كلامك بشده …

  6. ههههه تجارة دولار اصبح بموبايل من بيع لشراء و خارج السودان كمان. انتج انتج و اتبع سياسة جديدة لادارة البلاد و الاقتصاد ز سوف ترى بام عينيك الدولار يكون وديع كيف امام جنيه السوداني الشبل. خلي الاماني الوردية,( خلاص عقوبات اترقع و دولار حينزل) يلا شيل ليك طورية و امشي الزراعة و شيل مفاتيح و صلح المكنات العطلانة.

  7. هو الاتغير شنو عشان ينخفض؟؟؟؟؟؟؟
    رفعو العقوبات؟؟؟؟
    اها وبعد داك الحصل شنو؟؟
    بقينا نصدر؟؟ ولا صلحنا السطة حديد؟ ولاسودانير؟ ولا المغتربين بقوا يحولو بالبنوك؟؟ ولا الشركات الامريكية بقت عاملة استثمارات في السودان؟
    سبحان الله قبضو تجار العملة واقعدو كذبو قولو جاتنا وديعة وماعارف شنو
    المشكلة ابدا ماكانت في العقوبات براها
    المشكلة في البلد وفي الحكومة وفي السودانيين ذاتهم
    يعني مستنين العقوبات تترفع والسودان يبقى زي امريكا كدة طوااالي
    هو قبل يفرضو العقوبات مش العيش كان بالبطاقة التموينية والسكر بالجمعيات التعاونية
    رفع العقوبات ح يعمل شنو للتعليم والصحة والبنية التحتية والصناعة والزراعة وغيرها اذا نحن نفسنا بندمر فيها
    الحكومة هي الجابت العقوبات وهي وحدها المستفيدة من رفعها عشان تمص اصول السودان الخارجية دة لو فضل فيها حاجة
    لكن انت يامحمد احمد ليك الله بس
    كبرو مخكم شوية
    البلد دي وقعت في الهاوية خلاص
    وما اظن تتطلع منها