الوطني: النوبة اصل السودان والحديث عن انفصالهم ( عيب)
أكد حزب المؤتمر الوطني ان النوبة اصل السودان واعتبر الحديث عن انفصال النوبة وتقرير مصيرهم ( عيب) بينما شددت قيادات نوبية بأن التمرد اقعد بجبال النوبة وولاية جنوب كردفان، وقال الوطني في حفل تكريم القيادي بجبال النوبة العقيد الامير كافي طيار البدين من قبل فعاليات سياسية ومنظمات بولاية الخرطوم امس ان الحكومة وضعف برنامج السلام من الداخل من اجل وحدة السودان وان السودان واحد لاانقسام فيه،
وقال اميلي العجب رئيس القطاع السياسي بحزب المؤتمر الوطني ان التوبة هم اصل السودان وعيب ان النوبة (يقولوا عايزين يفصلو السودان وعيب ان سيد البيت يطلع يخلي الضيوف) مشيراً إلى ان الحوار الوطني توحد حول السودان واننا سودانيين لازنوح لاعرب لا افارقة
وحذر العقيد كافي طيار مما اسماهم محدثي الفتنة في دارفور، وقال في حفل تكريمة الذي شارك فيه وزراء من قيادات جبال النوبة بينهم الطيب حسن بدوي وزير الثقافة وتابيتا بطرس ( الخرب دارفور في جنوب كردفان ماتجيبو ا لينا) ودعا التوبة لعدم الاستماع الي احاديث التمرد منوها إلي ان التمرد يعيدهم للوراء، وقال للنوبة انه سيعرض علي رئيس الجمهورية اي مطالب للنوبة. وقال ان التمرد ساهم في تراجع النوبة واضاف ( النوبة كتار التمرد خلاهم بسيطين) ورفض الحديث عن دعاوي التهميش وقال ( انت همشت نفسك ماتجي تقول مهمشين) . وقال لابناء التوبة( اي زول في الحركة عايز يرجع يتصل بي).
الاحداث نيوز
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
لا يمكن لاي كان ان يدعي انه اصل السودان… لان حدود السودان الحالية تعتبر حديثة جدا بمقياس الامم و الشعوب…
يعني جبال النوبة هذه كان يمكن ان تكون تابعة لدولة اخرى… لو قرر الانجليز ذلك…
يعني بالمنطق ما معقول انت من جبال النوبة تقول لي ادروب في اقصى الشرق .. انا اصلي و انت لا… لمجرد ان جمعتكم حدود سياسية لا تعني له شيئا..
خلاصة القول.. كل واحد اصلي في منطقته.. و حر في خياراته..
فاهل الجنوب كانوا يزعمون بانهم اصل السودان.. و اخيرا انفصلوا …