كوش نيوز .. أخبار السودان بين يديك

فيديو.. خبيرة التجميل الشهيرة سوسن الخفجي للعروسات: (مدي كراعك على قدر لحافك وانتي ما قادرة ما تجيني)



شارك الموضوع :

كشفت خبيرة التجميل السودانية الشهيرة سوسن الخفجي عن سبب ارتفاع أسعار الميك آب الخاص بها ورسوم تجهيزها للعروس وذلك من خلال استضافة لها عبر قناة الشروق.

وأكدت الخفجي في حديثها الذي شاهده محرر موقع النيلين أنها بالفعل من أغلى خبيرات التجميل سعراً في السودان وقالت: “مفروض العروس على قدر لحافها تمد رجليها” ولذلك يجب على العروس أن تفعل ما تقدر عليه, وأنت وتعني العروس ما قادرة ما تجي لسوسن الخفجي.

لكنها عادت وأكدت مساعدتها لكل عروس طرقت بابها من أجل تجهيز نفسها, وقالت: “سوسن الخفجي ما عندها أي مشكلة فاتحة ليك بابها وسوف تراعيك إن شاء الله”.

الجدير بالذكر أن سوسن الخفجي هي والدة نجمة السوشيال ميديا الإعلامية آلاء المبارك الشهيرة باسم لوشي.

 

تقليل تكاليف الزواج | يارشا انتي برايه ??انتي ما قادره ما تجي #لسوسن_الخفجي مطي كراعك قدر لحافك كريمات التجميل عندنا ماركة أكان جبت حاجات صيني سمعتي انتهت انحنا بنعمل حاجات وكويسه لفئات (للشينات)بتساعدهم كتير الولية دي خبيره بتتكلم كلام زي الفل

Posted by ‎سودانى جـريء‎ on Montag, 23. Oktober 2017

محمد عثمان _ الخرطوم
النيلين

شارك الموضوع :

15 التعليقات

إنتقل إلى نموذج التعليقات

      1. 1
        ali alsudani

        ع وزن ضحكت طارق جيبو ههههههههااااي و تاني هههههاااي …. خليكم من الجرتاكة دي .. امووت داير اعارف الراجل المعهم دا شغلو شنو ؟

        الرد
        1. 1.1
          assim

          ده المطرب المعروف وليد زاكي الدين!!!!!

          الرد
      2. 2
        عبدالله

        لية ان شاء الله من الخفجي ولا المفجي فاتحة القسطنطينية سعادتك ولا محررة القدس ولا خولة بنت الازور المقاتلة الصحابية المدافعة عن رسول الله ولا عالمة طاقة نووية … انتي حتة كوافيرة طلعتي ولانزلتي بلا تكبر علي الفاضي يافارغة عقل ودين

        الرد
      3. 3
        أحمد أزرق

        إنتي وبتك بتظهروا وبتجدعوا في السوشيل ميديا وين راجل البيت؟؟؟؟؟ اللهم أحفظنا وأحفظ أولادنا.

        الرد
      4. 4
        محمد احمد

        هو لو البيت فيهو راجل زى عينه محمد عثمان يكتب شنو ويعمل شنو ؟ بالله الزول دا مسمينوا على افضل الخلق صل الله علي وسلم والاسم الثانى من الصحابه رضوان الله عليهم ومن المبشرين بالجنه وانظروا الى كتاباته واخباره التى ينقلها .

        الرد
      5. 5
        محمد احمد

        بلله خلى عندك دم وشرف مهنه وغيره على شرف الناس وبطل الفارغه البتعمل فيها دى واقرأ ليك حاجه تنفعك واكتب لينا حاجه تنفعنا

        الرد
      6. 6
        Atbara

        دي زوله متعجرفه و متكبره ساي و علي شنو ما تعرف … هي ذاتها محتاجه عمليات ترميم عشان تشبه النسوان. ما عندها شغله هي و بنتها غير التبرج بزينتها و تفتن العباد

        الرد
      7. 7
        الاغيبش

        الله يصلحنا ويصلحك يا محمد عثمان !
        انجض شوية وخلك من البتسوي فيه ده !

        الرد
      8. 8
        mukh mafi

        حاجة من جد تحير شنو هي قصة الموقع دا مع لوشي وامها يكونن اشترن الموقع ونحن ما نعرف ..او يكون محمد عثمان خطب البنية ..لانه والله والله كدا فات حد المعقول والبنت لو اعلامية صحيح كان عرفت ان هذا ليس في صالحها وانما يحرقها سريعا . في المجتمع ..
        وبعدين يبدوا ان محمد عثمان مهجوم بمثل هذا المظهر والشعر المفكوك .. يكون عنده عقدة ؟؟

        الرد
      9. 9
        أبو أنس

        يا حليل أيام زمان البنت تتحبس فى البيت ويبدأوا فى تجهيزها بالدخان والبخور والدلقة وأكل الدجاج والحمام والشوربة طبعا” الزمن كان سمح وكل حاجة رخيصة وطازجة يعنى بعد شهر البنت تطلع قمر 14 وكل التغيرات ثابته وتدوم طويل مش كريمات ودهانات وبوهية بعد ما تغسلها تظهر حقيقتها هههههههههههههههههههههههى

        الرد
      10. 10
        طيفور

        اللهم اعد علينا الخلافه

        الرد
      11. 11
        ABOAHMED

        محمد عثمان المشاااااااااااااااطه……………
        خبرك زي وشك……الله يفلعك من النيلين ويفكنا….

        الرد
      12. 12
        الفارس

        محمد عثمان قول لي سوسن انا عايز البت دي علي سنة الله والرسول وفكنا

        الرد
      13. 13
        السايقى

        يا جماعه سؤال بري ، البنات معرسات ؟ إذا ما معرسات بدق صدرى واعرس واحده منهم واجبها كندا وافككم من بلاويهم

        الرد
      14. 14
        ameen

        الجهلة والاغبياء هم من يصنعون مثل هؤلاء .. ويصنعون الطغاة كذلك ..

        لو الناس عاقلين وما بمشوا ليها هذه السوسن من وين بجيب العجرفة دي ؟

        وهل لو الناس ما مشو ليها في حد ح يعرفها ؟

        مفروض ياخي تحمد الله على ما اعطاها وتتواضع لكن شكلها طالعة في العالي ..
        خلي ينفعك بعدين كان بنفع

        غايتو جنس مصائب بتحل علينا ..

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *