مداراتمنوعات

بالصورة..تفاصيل القصة الأكثر رواجاً داخل مواقع التواصل السودانية.. تبرعت لابن عمها بكليتها فرد لها الدين بالزواج منها


شهدت ساحات مواقع التواصل الاجتماعي بالسودان تداولاً واسعاً لقصة أبطالها شاب وابنة عمه ضربا أجمل أنواع الوفاء ورد الدين للدرجة التي جعلت قصتهما الأروع داخل صفحات موقع التواصل فيسبوك بالذات.

القصة التي رصدها وتابعها محرر موقع النيلين حقيقية ولكنها لا تمت للسودان بصلة حسبما نشر رواد فيسبوك.

وحسبما تابع ودقق محرر موقع النيلين فإن الشاب والشابة صوماليين الجنسية يعيشان في مقديشو وفقاً لما نشرت إحدى الصحف الصومالية.

ويقول ناشر الواقعة محمد علي حسن شاب صومالي عانى من مرض الفشل الكلوي وأكد الأطباء أنه بحاجة لزراعة كلى, ووسط هذه المعآناة تدخلت ابنة عمه ساجال عبدي حسن لتعلن تبرعها له بكليتها التي أنقذت بها حياته.

وبحسب رصد ومتابعة محرر موقع النيلين فإن الشاب محمد لم ينسى جميل ابنة عمه التي قامت بإعطائه جزء هام من نفسها ليرد لها محمد الدين بالزواج منها كما هو موضح في الصورة.

محمد عثمان _ الخرطوم

النيلين


‫8 تعليقات

  1. شنو هو ضربا أجمل أنواع الوفاء ورد الدين … يعني بت عمو دي لو ما اتبرعت بي كليتها ما كان عرسها … ما عارف المثير شنو في القصة عشان اصابحها زاتهم ينشروها … فعلا من اين اتى هؤلاء ؟؟؟

  2. اقسم بالله العظيم واحد قريبي كان يرقد في مستشفيي احمد قاسم بسبب فشل كلوي قبل خمسة عشرة سنة
    تبرع له واحد شهم بكليته لا يمت له بصلة لا من قريب ولا من بعيد
    فقط حصلت بينهم معرفة داخل المستشفى وكان شاهدا علي توافد المتبرعين من اخوان واخوات المريض ولم يجدوا الشخص المناسب والمتوافق مع دمه
    وتقدم هذا الشخص للكشف وسبحان الله توافق معه في التشخيص
    وعند سماع الاهل بالموضوع كلهم قالوا بان المتبرع سوف يتراجع عن قراره
    ويشهد الله انه لم يتراجع حتي تم عملية النقل
    والمريض لا يملك من حطام الدنيا شيء لكل من يفكر بان المريض قد يكون دفع مال مقابل التبرع له بالكلية
    الشهامة في السودان موجودة نعم قلة ولكن لم تمت .

  3. الله يسعدهم
    ويمتعهما بالصحة والعافية
    وما في للتعليقات المسيخة

  4. ياخى فكك من الحنك دة؟؟

    الصومال مليانة جثث — يعنى لو عايز مليون كلية بتلمها من اقرب زقاق فى 5ى دقائق

    شنو ؟ اتبرع ليها واتبرعت لية–

    وبعدين زرعوها لية وين فى الصومال؟؟

    واللة اعلا زرعها الزرع الكيزان فى السودان

  5. سؤال؟؟؟ هى الصومال دى مش اتقطعت بالحرب؟؟!!! فاذا مقديشو فيها مستشفى فيهو امكانيات عمليات زراعة اعضاء!!!! فكيف يقولوا ان الصومال بلد متخلف بسبب الحروب؟؟؟!!!

  6. انا سوداني ولا اعرف عن الصومال شيئا

    لكين اعرف انو الصومال في وضعه الحالي رغم الأخبار السيئة اصبح افضل حالا من السودان من كل النواحي

    نحن عندنا نظره متعاليه فارغه للصومال وتشاد واريتريا واثيوبيا وهذه البلدان كلها ماشه تبقى احسن مننا وبعض منها افضل مننا بي مراحل

    عشان تعرف تعالج دائك لابد ان تضع يدك على موضع الألم وتعترف بأوجاعك وإلا فلن يعالج اي طبيب فى هذا العالم

    ولا عزاء للشعب السوداني

  7. يعني ديل ما اخوان؟ عمومة بس؟ محاسن؟ محاسن انتي اديت الجماعة ديل شنو؟