اقتصاد وأعمال

الحكومة: (شغالين بالدين في مطار الخرطوم الجديد)


قال مدير شركة مطارات السودان القابضة الفريق إسماعيل برمة، بأن العمل الذي يجري في مطار الخرطوم الجديد يتم بـ(الدين)، وأضاف (شغالين بالدين في مطار الخرطوم الجديد)، واعترف بأن شركات الطيران لاتملك امكانات، وأضاف نحن في الشركة القابضة نعاني ونطالب الدولة بالاهتمام بمطارات الولايات، ودافع مدير سلطة الطيران المدني أحمد ساتي باجوري، عن زيادتهم لتعرفة تذاكر الطيران، وقال إن أي تعرفة نفرضها توجد مقابلها خدمة، وأوضح باجوري في ورشة (إستراتيجية الطيران المدني) بالبرلمان أمس، أن وزارة الدفاع سلطة إشرافية على الطيران المدني فقط دون تدخل في سياساتها، ووعد بتعديل القوانين حال كانت سبب في مشاكل الطيران .

عمر دمباي
اخر لحظة


‫7 تعليقات

  1. ياخى انتو مابتبقرو من المصريين الحلب ديل اعملو لينا مطار زي الناس ومترو في الخرطوم اشتغلو جيبو منح جيبو تمويل دي حكومة شنو دي حاربو الفساد

    1. والله صدقت يا الشايقي وبعد دا كله عندهم فلسفة غبية بعرفوها براهم ونبز و طولة لسان وهم اخمل منهم ربنا ما خلق
      بس الانتقاد الفالحين فيهو غير كدا مطلقا لا يفقهون شيئا لا شغل لا عمل لا تتطوير لا تقدم لا تكنولوجيا مافي بلد في الدنيا بقولو الشبكة واقعة غير في السودان ناس قمة في الجهل للأسف كل يوم وكل ثانية راجعين لي للخلف الف خطوة

  2. كلام غريب بتاع شغالين في المطار الجديد بالدين, يعني انت عندك كاش أصلا عشان تقول بالدين, ما كلها قروض..

  3. والله العظيم اذا كنا بنضمن انو الفلوس سوف تصرف على بناء المطار الجديد وما تروح وتضيع كغيرها لجمعناها هنا فى بلاد الغربة لتمويل بناء مطار يليق بالسودان ولكن الفساد الفساد ثم الفساد

    1. صدقت والله، الفساد أصل كل المشاكل دي..
      كلامك مية في المية وأقرب مثال تمويل سد النهضة جزء منه عبارة عن سندات اشتروها مواطنين أثيوبيين

  4. صدقت والله، الفساد أصل كل المشاكل دي..
    كلامك مية في المية وأقرب مثال تمويل سد النهضة جزء منه عبارة عن سندات اشتروها مواطنين أثيوبيين