زواج سوداناس

ممثل أسرة فقيد المريخ “دبيب” يشكر الوالي والمجلس الحالي ويتحول من تشجيع الهلال إلى المريخ



شارك الموضوع :

خاطب التوم عثمان الأستاذ بالمدارس الثانوية انابة عن أسرة الفقيد كمال الدين إبراهيم الحضور في مراسم العزاء وتقدم بجزيل شكره لأسرة نادي المريخ، مبيناً أن حضور البعثة من المطار إلى العزاء خفف الكثير من الأوجاع، وأكد مدى الترابط الكبير بين أسرة نادي المريخ، وأشار التوم عثمان إلى أن موقف نادي المريخ تجاه الراحل كشف له الكثير عن معدن المريخاب، وقوة الترابط فيما بينهم والتراحم.

وقال في حديثه الذي قرأه محرر موقع النيلين من صحيفة الصدى: أنا هلالابي ولكن ما قدمه المريخ تجاه ابننا كمال الدين إبراهيم غيّر الكثير من المفاهيم بالنسبة لي، وأعلن أمامكم اليوم أنني قد غيرت انتمائي الرياضي وأصبحت مريخياً اعتباراً من اليوم، وليكتبوا ذلك في وسائل الإعلام، المريخ أكد على القيم الاجتماعية الكبيرة في النادي، والمعدن والأصالة في هذا النادي، وهو نادٍ رائد وقف معنا بقوة في محنتنا، وتابع: نشكر رئيس النادي السابق جمال الوالي الذي لم يقصر تجاه الأسرة في العزاء إضافة إلى مجلس الإدارة الحالي وإعلام المريخ والأقطاب والرموز، وكلهم توافدوا إلينا في المقابر وفي منزل الأسرة.

محمد عثمان _ الخرطوم

النيلين

شارك الموضوع :

تعليقات الفيسبوك

تعليقات


13 التعليقات

إنتقل إلى نموذج التعليقات

      1. 1
        عطبراوي

        الرحمة والمغفرة للمتوفي…
        لكن مافي داعي انك بقيت مريخابي دي لانو شفع الاساس بيمشو لزميلهم العيان زيارة ومعاهم فواكه وحلاوة فما بالك من العزاء )شكلك زمزاغ كشتينة وليدو ساي)

        الرد
      2. 2
        غصن الشوك

        نسأل الله العلي القدير ان يتغمده بواسع رحمته ،،، لكن لو وجه لك الهلالاب سؤال لماذا تحولت الى تشجيع المريخ ؟؟؟ و لا امكن جمال الوالي دفع مظبوط و عجبتك الخته غيرت رأيك من اللحظة دي ،،، انت معلم خليك في حدود مآثر الفقيد و الترحم عليه و تشكر كل من اتى معزيا او اتصل لأن كل من قام بواجب العزاء له مكانته و احترامه

        الرد
      3. 3
        خال أماسى

        لم يزيد المريخاب ولم ينقص الاهلة مثل هذا لا مكان له بين الاسياد

        الرد
      4. 4
        ساري الليل

        الله يرحم الفقيد – لكن شكلك لو جاك البشير كنت قلبت مؤتمر وطني – لا المريخ استفاد ولا الهلال تضرر من تحولك

        الرد
      5. 5
        دكوة

        يا اللللللللله .. والله خسارة كبيرة .. بل كارثة .. يعني الخمسة وثلاثون مليون هلالابي نقصوا واحد .. وللا قول حسبناك اثنين .. شكلنا حننزل الليق .. الحقنا يا كردنة

        الرد
      6. 6
        دكوة

        ياخي ده استاذ ثانوي .. عرفتوا مشكلتنا وين؟

        الرد
      7. 7
        abdelrahim

        اولا نسال الله للفقيد الرحمة والمغفرة ، صحيح القلم ما بزيل بلم ، من انت حتي يكتبوا في وسائل الاعلام ، الآن عرفنا لماذا تدهور التعليم في السودان

        الرد
        1. 7.1
          tango

          و الاغرب من كده انو صحيفه الصدأ جايبا الخبر فى الصفحه الرئيسيه
          شفت كميه الجهل و التخلف النحنا فيها

          الرد
          1. واحد قرفان جدا

            اولا الرحمة و المغفرة للفقيد … و الصبر و السلوان لذويه و أهله و معارفه

            دا يكون منو التحول لتشجيع المريخ …يا ربي دا واحد من اعلام المجتمع ونحن ما عارفين … و بعدين صحيفة الصدأ ( الصدي ) واحدة من اشكال الجهل و التخلف الذي نعيشه … فرحانيين بواحد نكرة مع احترامي له لا بزيد قيمة المريخ و لا بنقص قيمة الهلال … بئس الاعلام

            الرد
      8. 8
        الصريح

        ههههههههههه فى ستين الف داهية … انك ميت وانهم ميتون … واللبيب بالاشارة يفهم !!!!!!!!!!!!

        الرد
      9. 9
        الشاكوش

        أولا نسأل الله للفقيد الرحمة..اما تحولك من تشجيع الهلال للمريخ يا أستااااااااااذ غريب وعجيب لسبب بسيط وهو .. الفقيد خدم نادي المريخ وبالتالي يستحق التكريم من نادي المريخ وهذا حقه وليس من الهلال لانه لم يخدم في الهلال ولم يقدم شيئاً للهلال .. ولا عشان سيادتك بتشجع الهلال كان مفروض الهلال يقيف معاكم ؟… هل حقيقة انت أستاذ ؟

        الرد
      10. 10
        ...joi

        معقووووول أنت جاهل و سطحي للدرجة دي .. الله يكون في عون الطلبه

        الرد
      11. 11
        محمد طيفور

        أوع يكون هو متحول جنسيا

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *