أبرز العناوينسياسية

السودان.. البشير يقول إنه سيدعم حاكم ولاية الجزيرة في انتخابات الرئاسة 2020


قال الرئيس السوداني عمر حسن البشير يوم الخميس إنه سيدعم حاكم ولاية الجزيرة محمد طاهر أيلا في انتخابات الرئاسة عام 2020 إذا قرر الترشح.

وقال البشير في كلمة بثها التلفزيون الرسمي ”أيلا لو اترشح للرئاسة فى 2020 أنا حارشحه“. وأيلا رئيس فرع حزب المؤتمر الوطني الحاكم في ولاية الجزيرة.

الخرطوم (رويترز)

إعداد مصطفى صالح للنشرة العربية – تحرير علي خفادي


‫19 تعليقات

  1. غايتوا ايلا لو اترشح للانتخابات اتوقع كل الشعب السوداني حايلتف حوله لانه شخص بحارب الفساد ودي الحاجه الناقصه السودان عشان يتقدم . بس مااتوقع كيزان السوء يدوه الفرصه دي وحايحاربوه بشتى السبل بعد المعركة الخسروها معاه في الجزيره

  2. يالله يا كريم يتشرح ايلا للانتخابات …
    دي لو حصلت ، السودان كلو حطلع الشارع بالفرحة

  3. أرشح حميدتي للرئاسة..
    د.كامل ادريس لرئاسة الوزراء
    غازي صلاح الدين لرئاسة البرلمان
    ..
    وأي مجمجة نلحقكم السافنا الفقيرة .. أقصد (المعوقة)..

  4. ثمانية وسبعين مليار ( و ) شويَّة حجم ( الإعتداءات ) على المال العام ( في ) ولايَّة الجزيرة ٢٠١٦ ..

  5. ارشح د. محمد طاهر ايلا بشدة رئيس للسودان لمحاربة الفساد وكل لوبيات المفسدين في السودان وهو قادر على ذلك لانه حارب بشدة وضراوة عصابة مفسدة حرامية لصوص قابعة على مر العهود الماضية في ولاية الجزيرة كانما ولاية الجزيرة تمثل حق لهم وحدهم . و كما تلاحظون الان ولاية الجزيرة انطلقت فيها تنمية حقيقية واضحة لكل مواطني الجزيرة وخارج الجزيرة ..كل المواطنين يؤيدون ايلا لانه عمل على تنمية الولاية بصورة حقيقية في شتى المجالات . اطالب من رئيس الجمهورية المشير عمر البشير باالقبض على المفسدين الحرامية ومحاسبتهم على كل ما الاموال التي نهبوها من الولاية وارجاعها الى حكومة الولاية .

  6. نؤيد ترشيح ايلا وتكفيه تجربتين في الإنجاز لاختياره

  7. يملك هذا الرجل أدوات النجاح وهى:-
    1..التأهيل الأكاديمي فهو من قدامى خريجى الاقتصاد
    2…الإلمام بالعمل الوظيفى حيث تندرج فى هيئة الموانئ حتى صار مديرا لها
    3…السيطرة التامة على المال الذي تحت ولايته والوقوف على مصادر صرفه
    4….متابعته للوزراء والمعتمدين ومحاسبتهم مما اكسبه الهيبة
    5….عدم مجاملته لأعضاء حزبه خاصة الذين تحوم حولهم الشبهات
    6….التزامه بتنفيذ البرنامج الذي يضعة وفى جميع المجالات
    7…قناعة المواطن بصدق والالتفاف حوله مما أوجد مبادرات شعبيه لتنفيذ بعض البرامج

  8. يعني نقول ( ده ) واحد أفضل من البشير ..
    بإتفاق ( المعقلين ) أعلاه ( إلا ) واحد ..

  9. أفضل السيئين لا يعني أنه جيد..
    لايوجد أذكى من عمنا بشة لأنه قادر على أن يبقى على أكتاف غيره ويغيرهم متى ما استنفذهم .. وعلى سبيل المثال لا الحصر:
    الترابي، غازي، علي عثمان، نافع ، موسى هلال، قوش،اللمبي، رامبو، كرار..
    وغيرهم وغيرهم ..
    حتى مخالب الحركة الإسلامية من المجاهدين استبدلهم الآن بقوات الدعم السريع التي تسيطر على الأرض تماما وولاؤهم للرئيس شخصيا..وهذه من محاسن الفريق المستشار طه..
    وأصبحت أدبيات الإنقاذ تعرض بأسماء قوز دنقو وكافي كانجي أكثر من توريت وهجليج والميل أربعين..
    عموما إذا لابد من أن يكون الرئيس القادم كوزا وهو الأمر المتوقع فالأفضل من الشخصيات المعروفة هو السيد إيلا..
    نتمنى له التوفيق ونرأف بحاله لأنه سيستلم بلدا منهارا..
    والغرقان يتعلق بقشة..

  10. ان كان البشير صادق فى كلامه فليعلن انتخابات مبكرة ويدعم ترشيح ايلا الان قبل ان يجد نفسه امام انفجار شعبى مباغت ينبع من الانهيار الشامل الذى ستظهر نتائجه الكارثية على الطبقه المسحوقة وهى تشكل اكثر من 80 فى المائة من الشعب اليوم .

  11. عييييييك الجاك ~هههههه شغل اونطه كلام بشه شخه طفل كبير في مرتبه دبل جديده لنج~الحاج بشه يبشبش والله لو حلفت قدام قبر الرسول صلعم الملائكه ماتصدقك …المصير هو ق بعدين ت بعدين ل.قيل بشه راء رؤيه توحي بذلك وهذا سر هربه من بلد لبلد من جزيره لقريه تفاديا للقدر المحتوم ولكن هيهات

  12. العلم عند الله ..
    بس ( المنطق ) يقول أن كأس العالم ٢٠٢٢ ليس في قطر ..
    والمنطق ( يقول ) أن السودان أفضل ( و ) حاله أحسن في ٢٠٢٠ ..
    والمنطق يقول ( بل ) يؤكد أن الأفضل والأحسن ( لا ) يلتقيَّان مع البشير والذين يتحكمون الآن ..

  13. ايلا هو اردوغان السودانى ايلا هو مهاتير محمد السودان
    والله العظيم يا بشير لو اتنازلتا لا ايلا تكون انتا فعلا شخص بتحب بلدك والشعب السودانى كلو يغفر ليك البهدلة البهدلتو ليها. وانا شخصيا اعترف انو انا كنتا ظالمك. يابشير نفذ وعدك وحقق حلم الملايين وادخل التاريخ زى مادخلوا سوار الذهب . فر بجلدك يابشير والله الحكم فيه محاسبة عسيرة بعدين

  14. السودان ده من الاستقلال والريس شمالى من الخرطوم ، مفروض باقى السودان ياخد فرصة فى الحكم او تخلى السودان ده وننفصل منه

    1. يا زول انت غواصه ولا شنو
      امسك معاي
      الازهري من الابيض
      نميري من دنقلا
      البشير من شندي
      مافي زول اتولد ف الخرطوم مسك حكم
      الا تقريبا ثوار الدهب مسكها سنه
      بعدين دي العنصريه الرجعتنا وري
      اي رئيس بختارو الشعب والانتخابات وليس
      مخك العنصري
      وانا من الخرطوم وارشح ايلا وكنت اتمني حمدتي الدارفوري رئيسا او الجنرال ود ابراهيم لاننا محتاجين ريس قوي لا يخاف صاحب مهابه وضد الفساد والسرقه

  15. حترشحه يا بشة بصفتك المواطن عمر بشة ولا شنو؟ طبعا انت قلت عام 2020 حتكون مواطن وتقعد في بيتك مع حربمك ولا غيرت رايك؟ وبعدين هو انتو قاعدين للوقت داك!!!!! الله يستر

  16. جميل ايلا وانجازاته .كدى جربو فى كرش الفيل دى .الفيها التماسيح العشارية ان قدر عليها . يكون مرشحنا الأوحد لقيادة السودان فى 2020