كشفت المطربة السودانية الشهيرة ندى محمد عثمان القلعة عن تفاصيل أزمتها بمطار القاهرة قبل فترة ليست بالقصيرة مع ضابط مصري.
وحكت ندى كل تفاصيل الحادثة في حوارها الذي قرأه محرر موقع النيلين من صحيفة المجهر السياسي السودانية حيث قالت سيدة الغناء: “كانت مشكلة بيني وبين أحد الضباط المصريين الذي أساء للسودانيين إساءات بالغة.. وأنا أسأت ليه وأسأت لدولته ذاتها وما سكت نهائي.. لأنو (هبش السودان) واتكلم كلام فارغ.. وأديتو سطرين قلة قيمة لما فِهم حاجة.. وتم حجزي في مطار القاهرة وطالبت بحضور السفير السوداني في القاهرة”.
وواصلت ندى حديثها: “في النهاية جاء مدير المطار ومدير المباحث.. واعتذروا لي وفي النهاية لقوني على حق.. الضابط قال لي السودانيين يطلعوا أيه؟؟ قلت ليه الليلة ح أوريك ال(أيه) دي ح يطلعوا شنو.. وعملت مشكلة لرب السماء ونبزتهم على قدر ما الله أداني، وفي النهاية وصولني طيارتي ولو كنت ضعيفة ما كنتوا ح تكونوا عارفني وين هسه”.
محمد عثمان _ الخرطوم
النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
متين حنعرف انه في عبارات خاطئة و غير مقبولة. بس لو نفكر قبلما نتكلم و قبلما نكتب. يعني شنو مشكلة لرب السماء. تعالى الله عما يقولون علوا” كبيرا
لا فض الله فاك
يعني مشكلة كبيرة لدرجة الوعيد و الحلفان برب السماء و الدعاء على الآخر بان رب السماء يرسل ليهو بلاء يخمه
بالنسبة لندى اهم حاجة يكون الشريف مبسوط منك
مهما قال المصري الملعون فلن يسيئ للسودانيين بقدر اسائتك لهم في حفلة الشريف المبسوط منك
عفارم عليك..ديل لازم ياخذو بالجزمة صباح مساء وياريت الناس تبطل تمشى ليهم…..أثيوبيا يا أخت بلادى وقطر يا شقيقة
دون خوان دي ماركو : دا إسمك مالك ومال الدين.
مفروض اسكت و ما اتكلم عن تجاسر من هب و دب على ربنا سبحانه و تعالى من حيث يعلمون او لا يعلمون؟ مش؟ طيب انت الاسمك احمد ما شايفك علقت على الموضوع الخاص بالتجاسر على رب العباد؟ وينو دينك؟ و لا زعلان على ندى قلعتك دي؟؟
كفيت ووفيت …. بس تانى ما تمشى مصر ح يخلصوا حقهم اصلهم ناس اوغاد
عاملوهم بالمثل في السودان …
يعني نبقى زيهم ولا كيف ؟؟؟
بعدين معاملة المثل من طبائع البهايم أجلكم الله
انتى اصلا الموديك ليهم شنو غلطانه وتستاهلى ديل ناس الواحد يمشى ليهم
في القوانين الدوليه التي وضعتها الامم المتحده تجد مبدأ المعامله بالمثل بفرعيه الخاص و العام
و في
وفي وجهة نظري المعامله بالمثل افضل من عتاب بلا نتيجه
و يالقرض انت كيف عرفت امعامله بالمثل من صفات البهايم ????
لو داير تعرف صفات البهايم بالجد اقرأ كتاب الشاة للاصمعي …كتاب مفيد
يا سلام .. و بعدين
بالمناسبة مسألة سوء المعاملة والاستفزازات التي يتعرض لها السودانييون علي أيدي سلطات مطار القاهرة أصبحت أمرا يستوجب تدخل السفارة السودانية بالقاهرة فقد سمعت الكثير من القصص المحزنة عن هذا الموضوع وتعرضت أنا شخصيا وعددمن السودانيين لاستفزاز شرطية مصرية (نفر ولا امينة شرطة) لا أدري!! بالرغم من أننا كنا في مهمة (حكومية) تتعلق بدورة تدريبية في احدي مؤسسات الجامعة العربية وعند ما اعترضت علي طريقة التعامل تم حجز جوازي ولم يتم تسليمه لي الا بعد اعلاني الاستعدادالعودة للسودان … فالمسألة باعتقادي تجاوزت كل الحدود واصبح تدخل الدولة أمرا واجبا حفاظا علي كرامة المواطن السوداني.