اقتصاد وأعمال

جهاز المغتربين: حوافز جاذبة للعاملين بالخارج


أكد وزير رئاسة مجلس الوزراء أحمد سعد عمر رئيس مجلس إدارة جهاز المغتربين، جدية الدولة وسعيها لتقديم أفضل الحوافز والخدمات للسودانيين بالخارج من أجل استقطاب رأس المال السوداني المهاجر ودمجه في الاقتصاد الوطني لرفع مؤشر الإنتاج.
وناقش مجلس إدارة جهاز تنظيم شؤون السودانيين بالخارج في اجتماعه الأول لعام 2017 بكامل عضويته بمقر الجهاز بالخرطوم، الحوافز المقدمة للمغتربين من أجل استقطاب مدخراتهم واستثماراتهم.
وقال وزير رئاسة مجلس الوزراء، إن الدولة جادة في تقديم أفضل الحوافز للمغتربين بما يحقق أهداف اقتصاديات الهجرة وإعادة الثقة بين المغتربين والنظام المصرفي السوداني.
من جهته، جدد بنك السودان التزامه بتوجيهات رئاسة الجمهورية ومجلس الوزراء بتوجيه وإلزام المصارف السودانية بتسليم المغتربين المبالغ المحولة من الخارج بذات العملة المحول بها “دولار بدولار- ريال بريال”.

الشروق.


‫15 تعليقات

  1. بعد استلام الدولار بالدولار
    والريال بالريال ثم ماذا
    نذهب للسوق الاسود مثلا

    1. هههههههههههههه

      دا اسمو تفسير الماء بالماء

      ديل جربندية الاقتصاد السوداني … رحم الله عبدالوهاب عثمان

  2. المغترب لا يحتاج الي حوافز ، المغترب يحتاج الي حل قضاياه وهي معروفة

  3. الحوافز ما التحويل ، الناس عايزه حوافز الاعفاءات الجمركية وخاصة السيارات وحل قضايا التعليم لابناء المغتربين .خلاف كدا دي ما حوافز .

  4. ا الناس عايزه حوافز الاعفاءات الجمركية وخاصة السيارات وحل قضايا التعليم لابناء المغتربين .خلاف كدا دي ما حوافز .

  5. ضحكتنى (إن الدولة جادة في تقديم أفضل الحوافز للمغتربين بما يحقق أهداف اقتصاديات الهجرة وإعادة الثقة بين المغتربين والنظام المصرفي السوداني)

    سبحان الله
    الكلام سمح
    لكن الناس كان ما شافوا الفعل
    ما في زول بصدق

  6. وين الحوافز في كلامكم دا ؟؟؟؟ يعني احول ليكم درهم تسلموني درهم ؟؟ أعمل بيهو شنو في السودان؟؟ ارجع ابيعو في السوق الاسود؟؟ طيب ما أحسن من الأول ابيعو في السوق الاسود على الاقل اوفر رسوم التحويل!!!!!. دي ما اسمها حوافز . اديك درهم وترجعوا لي درهم كده حفزتني بي شنو؟؟؟ ما اخليه معاي زي ما هو درهم . أنا شخصيا ما مستعد ادخل في الغلوطية دي

  7. وين الحوافز في كلامكم دا ؟؟؟؟ يعني احول ليكم درهم تسلموني درهم ؟؟ أعمل بيهو شنو في السودان؟؟ ارجع ابيعو في السوق الاسود؟؟ طيب ما أحسن من الأول ابيعو في السوق الاسود على الاقل اوفر رسوم التحويل!!!!!. دي ما اسمها حوافز . اديك درهم وترجعوا لي درهم كده حفزتني بي شنو؟؟؟ ما اخليه معاي زي ما هو درهم . أنا شخصيا ما مستعد ادخل في الغلوطية دي

  8. واضح التلكوا فى تنفيذ وحل قضايا المغتربين على ارض الواقع واسال الاخ د. التهامى بالله كم لجان وكم سنمارات وافكار والخ اين هى من التطبيق والتحفيز وهل يعقل بكلام منمق ومن مسئول لا حوله له ولا قوة بتنفيذ تلك القرارات الانشائية والى متى نظل نعيش فى هضم حقوقنا والمفترى بها لمصلحة الحزب الحاكم واعوانه من التجار بالسوق الاسود؟ وهل يعقل طيلة 30 عاما ما قادرين تصدروا قرارا واحدا يصب فى مصلحة الوطن والمغترب والى متى نظل نسوط ونعوم فى الفاضى والعبرة ليست بالكلام بل بالتنفيذ وصدق المواقف وانت بنفسك اعلنت هناك حوافز للمغتربيين اين هى وما هى؟ وبالتالى كذبت علينا ؟ وعاوز تخدعنا مرة اخرى مش حرام الكلام ده والمهم برى نفسك واستقيل لانك صرحت بذلك وارجع لتصريحاتك السابقة وانت مسؤول عنها شرعا وقانونا ؟ ويمكن فتح بلاغ لدى وزراة العدل بالوطن والعدل الدوليه لرفع الظلم وهضم حقوقنا المشروعه ؟ فى التعليم والصحة والخ واخيرا الظلم لا يمكن ان يستمر ويدوم وانتم بممارسالتكم والتقاضى عن مشاكل المغتربين هذه سوف تجعلوا المواطن يلجا لمنظمات دوليه ضدكم وهنا واضح الظلم فى حقوق الانسان لعدم الشفافية والضبابيه فى كل شىء وسوء التطبيق والعدل؟

  9. يا مغتربين فتحو عيونكم وختو اصابغكم في إضنيكم من كلام جهاز المغتربين ولو الحكومة ادتكم حافز قروش كاااش ختتا في ايديكم ماتصدقوا – ولا مؤاخذة الحكومة ( ريالتها سايلة) في قروش المغتربين ومحاولاتها كلها تديهم مخدر لعملية تسرق بيها كلاويهم – ما تحلمو بإعفاء السيارات من الجمارك اذا كان واحد اشتري سيارة ب 50 الف ريال سعودي دفعو عليها جمارك 165 مليون جنيه سوداني يعني الحكومة شايلة اكتر من مجموع ما يلي
    1- خام الحديد + ارباح منجم الحديد
    2- تكلفة صناعة السيارة + ارباح مصنع السيارات
    3- تكلفة الشحن والتأمين من اليابان الي السعودية
    4- الضريبة والزكاة والتخليص الجمركي بالمملكة
    5- ارباح المورد السعودي
    6- اجرة نقل السيارة من جدة الي مسلخ جمارك السودان
    انا مقتنع انو 1+2+3+4+5+6 اقل من 165 مليون معقول حكومة زي دي تخلي لبكم قروش زي دي بتصل لحدي خشمها وهي خالفة رجل فوق رجل لا نجمت لا صنعت لا رحلت – وقد صحت التجارة فأخذت المرة والحمارة – اسمحو لي يا مغتربي وانا منكم نحن بقر حلوب في مزرعة حكومة السودان للمغتربين – نحن يتم حلبنا بدون علف

    1. والله يا أخي نحن بقينا محلوبين بره وجوه ولسه راجينا حلب كتير مع إنو خلاص نشفنا ..

  10. الحوافز يجب ان تكون اعفاء من الضرائب او الجمارك او تسهيل انشاء مشروع استثمارى او حافز قطعة ارض كما تعمل دولة اثيوبيا لمواطنيها اى مواطن يحول مبلغ معين تمنحه الدولة قطعة ارض سكنية.
    وقبل كل هذا ما تنسوا تصلحو معاملتكم الجافة مع المغتربين فى السفارات السودانية بالخارج وتسهيل الاجراءات وتقليل الجبايات حتى يشعر المغترب بالثقة التى فقدها فى جهاز شئون المغتربين