عودة الاحتلال التركى !!
* التركى (أرودغان) يريد أن يستعمر السودان من جديد، وبوابته الى ذلك مدينة سواكن، التى أعطاها له البشير وكأنها ملك شخصى له يتصرف فيه كما يحلو له، ولا يدرى أحد على أى أساس أعطاها له، وبأى قانون، وأى علم سيرفع عليها؟!
* الدكتاتور التركى الذى تسبّح الجماعات الاسلامية بحمده ليل نهار، وتدّعى انه الحاكم الاسلامى القدوة الذى سيعلى شأن الدين ويكتب اسمه بأحرف من نور على صفحات التاريخ البشرى، ويثبت للعالم اجمع ان الاسلاميين هم الاجدر بالحكم بسبب ايمانهم المخلص لله تعالى ونظافة يدهم وعفة لسانه، يريد إستعمار السودان، ويزيده فسادا على الفساد الذى يعانى منه بسبب المتأسلمين ونظامهم الفاشى!!
* نعم، يزيده فسادا، فهو حاكم فاسد مثل غيره من المتأسلمين الذين يتاجرون باسم الدين، ولقد أثبت ذلك المدعى العام التركى قبل بضعة اعوام، عندما وقف بشجاعة وراء تحقيقات الفساد فى تركيا التى طالت عدد كبيرا من ارفع المسؤولين فى حزب (اللات والعزى) الشهير ب(العدالة والتنمية)، واتهم (أردوغان ) وزبانيته الذين يتسربلون بلباس الدين ويضعون على رؤوسهم عمائم العدالة ليظهروا للناس وكأنهم رسل العناية الإلهية الذين ابتعثوا لانقاذ العالم من الشرور والمفاسد، باعاقة سير العدالة ووضع العراقيل فى طريقها بتيسيير هروب إبن اردوغان الى جورجيا!!
* وكانت التحقيقات قد طالت الابن المدلل (بلال أردوغان) وعددا من أبناء وأقارب المسؤولين منهم ابن وزير الداخلية، وابن وزير الاقتصاد، وابن وزير البيئة وغيرهم، إلا أن تدخل الاب والحاكم الاسلامى (النزيه) أوقف سير التحقيقات، وسمح بهروب الفاسدين الصغار!!
* وكلنا نذكر تصريحات المدعى العام (معمر أكاش) التى نشرتها معظم صحف العالم آنذاك، بإن يده قد كُفت عن ملف الفساد الذى فتحه، وأوقف بسببه عددا من المقربين من أردوغان وكبار اعضاء الحزب الحاكم، واشتكى من ضغوط على القضاء، وانتقد الشرطة التى تتبع لوزير الداخلية ــ وهو والد احد كبار المتهمين فى الملف ــ بأنها لا تنفذ أوامره!!
* هذه هى (العدالة) التى ظل المتأسلمون وأذناب أردوغان يخرمون بها آذاننا حينا من الدهر، الى ان اتضح زيفها عندما اقتربت من أبناء السلطان، كما اتضح ان (التنمية) التى ظلوا يهللون ويكبرون لها، انما هى تنمية الفساد والثروات المنهوبة من تبييض الاموال القذرة وتهريب الذهب، والعبث بأموال الشعب التركى المخدوع باسم الاسلام والدين واستعادة أمجاد الإمبراطورية الزائلة!!
* الامبراطورية التى يريد السلطان الجديد إستعادتها عبر إعادة استعمار السودان، فاصدر أمرا سلطانيا بإعطائه (سواكن) وكان له ما أراد، وهكذا بعد أن دمر المتأسلمون السودان، جاء الوقت الآن مع حلول الذكرى الثانية والستين للاستقلال لعودته الى حضن الاستعمار من جديد .. ولكنه هذه المرة أسوا بكثير .. الاستعمار الأردوغانى الاخوانى الفاسد الضليل!!
مناظير – زهير السراج
صحيفة الجريدة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
رغم خلافي وكثيرين مثلي مع الإسلاميين، إلا أن مقالك فيه عدم موضوعية، وتحامل أجوف، يا زهير السراج، أكتب بموضوعية ومنطق تجد المؤيدين، والقراء السامعين !!!!!!!!!!!!!!!!!!!!!!!!!!!!!!!!!
انا سوداني وعايش في تركيا واقولها بواضح العبارات البشير بدأ بالفعل بيع السودان وذلك لانه لا يفهم في السياسة وكل طعم يرمى اليه يتلقفه بكل بساطة
ولماذا تعيش فى تركيا من دون دول العالم كلها ؟
يعنى تركت كل دول العالم الديمقراطيه والتى تنعم بالعدل والرفاهيه وقررت تعيش فى تركيا التى قال عنها زهير بلد الدكتاتور اردوغان وبلد الفساد .
أنا سوداني …… من الحاج يوسف … فرع جزر المالديف
يا زهير …. يا أخي … أنت … زعلان ليه بس يعني
يا أخى … ثورة (الإنقاذ ) دي … أحسن ثورة
ثورة سمحة … شديد ….. سمحة …. لمن بي عادي
وبعدين يا أخى … عمنا بشه …. ما قصر معنا
وشهم شديد ….. لمن بي غادي
قاعد … 27 سنة … ما (هاين) عليهو .. العُشرة … ما عاوز … (يفارقنا )
أصلو … متأثر بي … أغنية سيد خليفة .. (فارقكم … لا لا ما تقدر)
وناوي …. يقعد أكتر ..كمان
علي (بالهناي)…. عمنا بشه … زول أصيل
مش كدا …. وبس
كمان …. زول كريم شديد …. كريم (كرامة) … لمن بي غادي
جاب لينا … حاجات …. كتييييرة … يا أخي
ووفر لنا … أي حاجة … لمن … بقت … مافي حاجة .. مافي
وآخر … (تقليعات) عمنا بشه … بعد ما جاب لينا (أي حاجة) !!!!!!
جاب لينا … (الناس) …. كمان !!!
أسع … جاب … لينا … (أرودغان … في السودان … أهداه … سواكن)
شفت كيف !!!
بكرة … كمان … لمن الأحوال (تتبدل) …. والشغلانة (تظبط)
ح .. يجيب لنا .. نتنياهو… و ح … يديهو (منطقة جبل البركل .. وآثار مروي) هدية
مش …. نتنياهو … أصلا (شايقي) … مولود هناك !!!!
وكل شوية … ح يجيب … لينا … (زول) … ح يديهو .. (حتة) .. هدية
يعني … يا شيخ / زهير … ما تستبعد … بعد فترة كدا …. تلقا … (مدينة بُري ) … تابع لي (كوريا الشمالية)
مش في … حته في بري … إسمها (كوريا) …. طيب !!!!
يعني … (هناي) داك …. يقول … أنا … سوداني من بري … فرع كوريا الشمالية
وهناي … دا … يقول … أنا سوداني … من الحاج يوسف … فرع جزر المالديف
والله … يا جماعة …. عمنا بشه …. (ما فيش زيو )
زول .. كريم … وشهم … لمن بي غادي
والله …. عمنا بشه … دا … (زول) …………. كدا
بس عندي …. سؤال … برئ لي عمنا بشه …. برئ جدا … جدا جدا … يعني … برئ لمن بي غادي
يا عمنا بشه … إنت ح تقعد معنا ….. كتير ؟
والله الزول حقو يدوه الجنسية المصرية ويمشي يعيش في مصر بين اهله. وكانه يتكلم بلسان الاعلام المصري. بعدين الحزب اسمه حزب اللات والعزي يعني حزب يعترف بالاصنام ويعبدها وانت تمجده. انت ملتك شنو يازول وجاي من وين اكيد انت ما سوداني
انت واعي لمن كتبت الكلام دا دي شنو الطرطشة دي …………… بالله ديل صحفين ديل لا فهم ولا معرفة تاريخ ….كل من هب و دب يحلل و يكتب ما شاء ……..لا ضابط ولا رقيب…..انت فرق شنو من الكيزان ال بتقول ما فاهمين ……..حسبنا الله و نعم الوكيل فيكم يا صحفين يا اشباه الصحفين………….المفروض مهنة الصحافة وتحليل الاخبار تكون بعد تدريب وتاهيل للصحفين واجتياز اختبارات ومهارات التحليل للاحداث السياسية والاقتصادية …دا شنو دا الهبل دا….والله كلامك يخجل يدل على عدم الوعي وعدم المعرفة
انت السراج واللبده والبردعه
جهلكم وحصر اي شئ في الاسلام والإسلاميين
ويقر بطن الامه اشياء تتفننو فيها .. باع لي أردوغان …
خلاص لم اجي اربطها في سفينه واجرها اقطعو الحبال
الله سوف يسأل عن كل شيء ابقي قول اسبابك المنطقيه يوم الحساب لانو البشير ورجب طيب سوف يقيفو كما كل البشر للسؤال
انت اضر من نافع واسواء من علي عثمان
ماتنسوا الزول دة اصولة مصرية من الاخر يهمة مصلحة بلدة الام …. وضح الامر
اسكت يا كلب المصريين والله نحن تانى اى عرض للمصريين يتاخد بالجزمة على افاه و زهير السراج( حلبى) و وراق معرص مصريين والهندي عزالدين تاب ورجع للملة ومرحب بيه
الحمد لله والشكر لله وحدة امقتكم ولا اقول اكرهكم… مكجنكم لله كدا بس.. انت وذاك الوراق الارعن ….
وراق لعن وسب الوطن والدين وعلي شفاء شبر من انكار الدين… نسال الله السلامه..
وانت لا فرق بينك وصعاليق الانقاذ تلعن وتسب الوطن وتبطن تحت تحت للدين …
تبا لكم ومن نهج نهجكم المضمحل المنحل…
وابشرك وازيدك علما لماذا الكيزان لسه قاعدين في راسنا وكاتمين نفسنا… عشان المعارضه الزيك دي لا لشي سواء الكسب الشخصي ..
نسيتوا الوطن … بل بعتوا الوطن والدين… زمرة من الصعاليق والفاقد التربوي والأخلاقي ومتاجرين بجراح الوطن…
لا فرق بينكم وكلاب الكيزان وحرامية المعارضه التي ما كفات تنبح حتي نالت كرسيها من السلطه …
اخس عليكم انحطاط اخلاقي وخلوء فكري ونشاذ باسم الوطن…
مجرد رويبضة تافه وحقير…..والله إكتفيت فقط بعنوان مقالك المدفوع الأجر من المخابرات المصرائيلية يا تافه يا ذليل
رئيس وحزب فى السلطة ل13 عام بالانتخاب الحر المباشر فأذا كان فخامة الرئيس رجب طيب أردوغان ديكتاتورا فمرحبا بالديكتايورية أما بالنسبة للفساد فالرجل وحزبه سددا جميع ديون تركيا وأرتفع الناتج القومى الأجمالى لأكثر من 835 مليار فى المركز ال18 بدون نفط أو غاز خلف هولندة وقبل السعودية التى تصدر 14 مليون برميل فى اليوم فأذا كان فخامة الرئيس رجب طيب أردوغان فاسدا فمرحبا بالفساد زهير السراج حدث العاقل بما يعقل من حقك أن تختلف سياسيا معه لكن الارقام لا تكذب يبدو أنك من الذين أصيبو بأرتفاع فى ضغط الدم بسبب فشل الانقلاب العسكرى ضد الديمقراطية والتعددية التى طالما صدعت رؤوسنا بها يا فرخ سيسى عبدو
نعم مرحب بهذا النوع من الفساد……….. و الله لا يوفق مثل هؤلاء الصحفين الجهله الذين لا علم ولا معرفة لهم بالاحداث والتاريخ ولا يفرفقون بين الوطن وحزب المؤتمر الوطني
أنا متابع لمقالاتك يازهير … مقالك سلبي ينم عن غضبك من النظام ولا يفيد القراء بشيء …
نتمنى أن تكون موضوعي في نقدك …
مقال تافه وينم عن حقد دفين وقلب للحقائق ..
أنت تخاطب بشر مش بهايم عشان يصدقوا أي كلام تكتبوا
احترم عقولنا …
إن كانت هناك حسنـة في مقالاتك وبالذات هذا المقال
الذي تفوح منه رائحة الحقد والتشويه والكذب والتضليل
فهي أنك أثبت أنك منهم أصلاً وفصلاً
لعنة الله على من إذا خاصم فجر
ألا هذا الحد ؟؟