أبرز العناوينرأي ومقالاتمدارات

السودان إن هو (قام بشيء واحد معين) اختنق السيسي


الأنس مع عثمان

عثمان.
> الإيجاز يكفي.
> ومبارك .. في أيامه واجتهاده لإيذاء السودان يؤذي نفسه.

> وطرفة نرسم بها الأمر ونقول إن مبارك هو (الرجل الذي أراد أن يغيظ زوجته فخصي نفسه).
> والسيسي الآن يعيد الحكاية.
> والطرفة تقول إن الرجل الذي يدعي الجنون يظل يلطم هذا ويشتم هذا والناس يسكتون لأنه مجنون.
> والرجل.. يوماً.. يلطم شخصاً غضوباً.
> والغضوب يجلد به الأرض ويركب فوقه يلطمه.
> والآخر.. الذي يدعي الجنون.. يمد رأسه من تحت هذا وهو يصيح
: آ ناس.. قولوا للمجنون دا.. أنا مجنون.
> ومصر ظلت تشتم السودان وتلطم السودان.. والسودان صامت.
> ومصر تلطم إثيوبيا..
> وما حدث معروف.
(2)
> وعثمان.
> السودان يعرف كيف يصنع.
> والسودان .. منذ زمان ومنذ بدايات الإنقاذ ينظر.
> ومصر أول التسعينيات تلطم مواطنين سودانيين في القاهرة (تلتقطهم من الأسواق والمقاهي.. وتضربهم).
> والسودان يلتقط مصريين من الأسواق ويضربهم.
> في القاهرة مخابراتهم تتعمد الاصطدام بعربة تابعة للسفارة.
> وفي الخرطوم.. الخرطوم تتعمد الاصطدام بعربة تابعة للسفارة.
> ومخابرات مصر تستقبل طائرة سودانية ومسافرين عاديين وتضربهم بعنف.
> والسودان (يلبد)
> يلبد لأنه يريد شيئاً معيناً.
> والشيء المعين يصل بعد يومين (طائرة تحمل معلمين وكلهم من الشباب).
> والخرطوم تعلم القاهرة كيف هو (الضرب).
> بعدها..
> بعدها السفه المصري يتوقف.
> وأسلوب (التفاهم) السوداني ينجح.
(3)
> ونحكي الحكايات عن أسلوب الخرطوم في التفاهم مع (جهات) وجهات.
> والخرطوم تنجح لأنها تعرف كيف تحسب.
> والحساب يجعل الخرطوم تعرف أن أفورقي/ حين تقوده مصر للعداء/ هو شخص يطعم جنوده وشعبه.. من طعام السودان.
> والسودان يغلق حدوده.
> والطعام يوقف.
> والمسألة انتهت.
> والسودان حساباته تجد أن ما يزيد على خمسة ملايين مصري يعملون في السعودية.. وأن السعودية تطرد نصفهم الآن.
> وتتجه لطرد النصف الآخر.
> ومليارات المغتربين/ التي تدعم نصف طعام مصر/ تتوقف.
> والسودان (يستفيد) من التجربة في التعامل مع مصر ومع إريتريا.
> فالسودان إن هو/ تحت ليلة واحدة/ أحاط بمليونين اثنين من الإريتريين وقام بشحنهم الى إريتريا تحولوا إلى جنود ضد أفورقي.
> والسودان إن هو قام بشحن مليون جنوبي إلى جوبا.. طار سلفا كير.
> والسودان إن هو (قام بشيء واحد معين) اختنق السيسي.
> و.. والسودان لا يفعل لأنه يكتفي بهز العصا في وجه البعض.
(4)
> الهوامش هذه أستاذ عثمان نماذج صغيرة تجيب على حديثك الساخط الذي يتهم السودان (بالهوان والعجز).
> يبقى أن حديثك عن السوداني المضلل حديث يجد أغرب إجابة.
> فقطعة الخبز الآن بجنيه.
> وحديث (الثورة) على مواقع الشبكة من يجيب عليه ليس هو الدولة
> حديث المغاضبة .. والدعوة إلى الثورة من يجيب عليه هو وعي غريب عند المواطنين.
> وصارخ يصرخ.
.. الرغيفة بجنيه.. اخرجوا وقاتلوا.
> ومواطن يجيبه بأنه .. بعدها او عندها.. لن تجد الرغيفة ولو بمائة جنيه.
وانظر حولك.
وصارخ
> رجعونا إلى حيث كنا يا أهل الإنقاذ.
> وآخر يجيبه بقوله
.. نعم.. إلى ايام عيش ريغان .. ورغيفة تجدها حين تنهض في الثالثة صباحاً.. وطعام السودان من الذرة كان هو بقايا الذرة التي ترفضها الخيول في أمريكا بعد أن تعفنت.
> و..
> يبقى أن البرلمان يجب أن يدعو الى جلسة مفتوحة ومذاعة على الشاشات.
> والحساب ولد.
> عندها .. يرى الناس بعيونهم من هو اللص.
> ومن هو المنقذ.
> ومن هو.. وما هي الأصابع التي تريد أن تصنع بالسودان ما يجعل خيول مصر في الخرطوم.
> و…
> ويبقى أنه على وزير المالية إما إشراك الشعب في معرفة ما يحدث أو أن يذهب.

إسحق فضل الله
الانتباهة


‫32 تعليقات

  1. الدولة العميقة يا إسحق..
    المشكلة أنك ترى زعيمها نبيا.
    أجمعوهم في ليلة واحدة واحلبوهم حتى النخاع يستقيم كل شيء.

  2. اذا كنت تلمح الى ان وزير المالية السوداني عميل مصري يطبق سياسة مالية بايعاز مصري اذا يجب عزله من منصبه و تقديمه للمحاكمة بشكل عاجل.

  3. يا Sabir..
    إنت حيرتنا ياخ ..لا عرفناك حنضلة ولا بطيخة..
    امبارح ما بقيت كويس وصفقنا ليك ..
    الليلة مالك داير تبقى مشاتر ..
    الله يهدينا ويهديك..

  4. اولا للمدعو صابر صابر دا ياشباب مصرى اسود من السود المصريين الذين يواجهون صعوبة فى التأقلم هناك او بالأحرى كدا من المنبوذين فى مصر من لونة الأسود الذى لونا دا فأنا شفت البروفايل. حقة فى الفيس اول حاجة خاتيها هى ( الجيش المصرى شرف ) وهو اسوانى اسود ذينا كدا فأحيانا ياتية الحنين الى بلده الأصل السودان والنَّاس إللى زيو ويقول كلام معسول للسودانين ولما يغلب علية الطابع المصرى المتعجرف يرجع الى حظيرته المصرية المتعجرفة فى الفارق و يرجع يشمت على السودانيين ولا كيف يا صابر صابريكا الدور الجاى حانزل اسمك الحقيقى .ممكن كنت اهكر حسابك لكن لقيتك إنسان غلبان ساهى بعدين انتى من بنى جلدتنا لكن متنكر بالجلباب المصرى المتعجرف تمام ياصابر صابريكا

  5. دار حامد استحلفك بالله كلامك ده متأكد منو لانو الشخص ده انا اعتذرت ليه قبل كده علي اساس انو سوداني ودي وجهت نظره.. لكن لو كلامك ده صح يبقي ده عميل ولا كيف … خساره ياصابر ولا اصلا انت ماصابر

  6. والحساب يجعل الخرطوم تعرف أن أفورقي/ حين تقوده مصر للعداء/ هو شخص يطعم جنوده وشعبه.. من طعام السودان.
    > والسودان يغلق حدوده.
    > والطعام يوقف.
    > والمسألة انتهت.

    حقيقه واهل الشرق وخاصة كسلا يعلمون ذلك تمام العلم …

  7. ما عايزين مهاوشة و تلويح في الفاضي .. يالبشير يا خوي أنحنا معاك في الحرب دي و حنأجل احتجاجنا على زيادة الخبز بعد نخلص من الموضوع ده .. الان عايزنك تجمع و تسلح الأخوان المسلمين المصريين الموجودين عندك و الفي تركيا و ترسلم للجماعة عشان يتأدبو و بالنسبة للأرتريين رسل ليهم حميدتي بجيب ليك أفورقي زي موسى هلال

  8. الناس لما مايكون فى الحديث كان لما حضر المانجلك فى السبعينيات بدايات القرن العشرين ….
    مالكم مستغربين ماياهو كلام الراجل المخرف البتقرو ليهو من زمااااااان .. اللهم لك الحمد

  9. للاسف ضعف الحكومة اغرئ المصريين.. يجب طرد السفير المصري والغاء اتفاقية الحريات الاربعة و حظر استيراد اي منتج مصري ومعاقبة من يستورد منتج مصري ومصادرة جميع المنتجات المصرية من السوق.. ريجب منع التصدير لمصر.. ويجب طرد جميع الارتيرين وارجاعهم فورا الي بلدهم.. وطرد جميع الاجانب حتى الاثيوبين لكي لا تكون العلاقات ع حساب المواطن وموارد الدولة التي يستهلكها ملايين الاجانب(اكثر من عشرة ملايين اجنبي) من اثيوبيا وارتيريا وتشاد ونيجريا ومصر وسوريا والصومال واليمن والبقية من جنسيات مختلفة من غرب افريقيا.. يجب طردهم جميعا وتنظيم الوجود الاجنبي بالاقامة والغاء اللجوء لان السودان دولة فقيرة لا تستطيع استقبال الاجئين..كذلك لابد من اتفاقية دفاعية ملزمة مع تركيا واثيوبيا لكي تردع المخطط المصري الارتيري الاماراتي..
    كفئ الحكومة خنوعا ومجاملة ولتبدا باتخاذ قرارات حاسمة الان فورا..

    واقولها صرااااحة يجب محاربة الوجود الاجنبي في البلاد ويجب طردهم وارجاعهم جميعا الى دولهم.. التي هي اغني من السودان واعتقد ان الوجود الاجنبي الكثيف في البلاد هو ضمن مخطط ضرب البلاد اقتصاديا لان استهلاك الموارد يزيد الطلب وبالتالي تزيد اسعار السلع الاستهلاكية.. بالاضافة الي ان الاجانب يستهلكون النقد الاجنبي بتحويل مدخراتهم الي دولار.. ويجب سحب الجنسية السودانية من جميع من حصل عليها بالتجنس وارجاعهم الي دولهم فورا.. ودي اول خطوة لو عملتها الحكومة بتكون بدت تصلح غلطة انها فتحت البلد هملة لكل من هب ودب يدخل ويشتغل وياكل ويشرب ويستهلك ع حساب المواطن.. وللاسف لو نظرنا للفائدة الدبلوماسية نجد ان هذه الدول التي آوئ السودان مواطنيها لم ولن تقدر هذا الجميل بل ازدادت ازدرا وحقرة بالسودان ومثال ع ذلك مصر وتشاد وارتريا وحتي اثيوبيا تحتل جزء من السودان.. لذا يجب ان نترك الطيبة الزايدة والمجاملة الغير مبررة وان نبرز شخصية الدولة المحترمة ذات القوانين القوية ونطرد كل الكم الهاااااائل من الاجانب من بلدنا وبعد ذلك سوف تبدا تدريجا الازمة الاقتصادية في الانفراج وسوف تحترم الدول السودان وتقدرها..

  10. أبا حسين :-
    Sabir ( الذي ) صفقت له بالأمس ليس أنا ..
    هنالك ( Sabir ) آخر يكتب بإسمي للتشويش أسألوا عنه ( من أهل

  11. أبا حسين :-
    بارك الله فيك ..
    Sabir ( الذي ) صفقت له بالأمس ليس أنا ..
    هنالك ( Sabir ) آخر يكتب بإسمي للتشويش أسألوا عنه ( من أهل العوض ) ..
    . Sabir ( التاني ) يكتب لغرض ( أو ) لمرض ..
    نجح في ( التشويش ) وتفريغ مضمون بعض مشاركاتي ..
    ..
    ..
    من قبل ( فعلها ) آخرون ..
    وصبرت ( و ) رابطت ..
    وكذلك ( أفعل ) إن شاء الله ..

  12. انتو لسا بتمنو علينا بانقاذنا؟
    بعد 3 عقود كفاية ضياع الجنوب وحلايب والفشقة
    كفاية الجهوية والقبلية وضياع الجيش والوطنية والنزاهة السودانية
    كفاية والنهب والاختلاس والتحلل وفقه السترة
    رجعت الصفوف وارتفعت الاسعار وازددتم غنى وزاد الشعب فقرا
    اخترتم الوقت غير المناسب لرفع الاسعار. فبثمن الرغيف تستطيع مخابرات مصر الكثير البطون الخاوية
    حكومة لا تستطيع توفير الخبز والدواء لشعبها وجب عليها الانتحار.

  13. اجمل مافى القرار التخلص من قبيلة البنى العامر هذه القبيلة التى تعمل بوجهين وهم من يستخدمهم افورفى كعملاء وجواسيس
    وانا اشك فى وجود ابراهيم محمود حامد هذا االمتخلف من قبيلة البنى عامر ان الاوان للتخلص من هذه القبيلة وارجاع الحق لاصحابه البجا هم اسياد الشرق ولاتجدهم غير سودانيين

  14. رسالة الي الرئيس العظيم عبدالفتاح السيسي
    نحن شعب السودان ماعندنا علاقة بالاخوان الكيزان اللي بيعملوا في حركاتهم دي من عام 1989م
    نحن شعب واااااااحد ونيلنا واااااااحد
    فليمت الاخوان بغيظهم
    اخيرا عندى ليك حاجة واحدة بس ختها في بالك
    الكيزان بتاعين جعجعه بس وحركاتهم دى علي ورق الجرائد والمواقع الاسفيرية
    فابشر بطول سلامة

    نادية عابد

    1. ???????????????????????????????????????????????

      ?????????????????? لو ما كنت امراة لا جاك رد . شوفي حلتك ولا غسيل عدتك . الله يهدينا ويهديك

  15. دار حامد … لوقت طويل كنت احسب ان النوبة المصريين اقرب لنا ولكني وجدت غير ذلك فهم يرون انهم مصريين فقط ويعتزون بمصريتهم بل وللغرابة ينظرون لانفسهم افضل من السودانيين.

  16. رجعونا محل ما انقذتونا ونحن راضين تمام الرضا
    منو الكان بدس الرغيف عشان الجماهير تثور مش انتو ذاتكم

  17. ياعمو إسحق كلامك دا ما بفش لينا غبينة … المصريين محتلين حلايب وماسحين بينا الواطة والسودان ما شفنا لي رد فعل

    الحكومة دي خليها تشوف لينا غلاء المعيشة دا .. والجيوش الجرارة من الوزراء والدستوريين ديل لزومهم شنو
    والعيشة بقت بجنيه …

    وأصلا وزير المالية يرفع الدعم عن القمح مع إنو سعر القمح المستورد بحساب اليوم ما بصل السعر دا .. يبقى القصة شنو
    وبعدين الناس الماليين السودان والخرطوم دي الحكومة ما قادرة تطردهم واللا شنو .. أرتريين وجنوبين واللا مصارى نحن ذنبا شنو ما كل زول يشيل قشوا ويعمل مارق

    ياعمو إسحق قالوا الزول بونسو غرضو … بالله أكتب لينا في المفيد وقبل لينا على ناس الحكومة ومعاش البني آدمين .. وخلي مصر تعوس في عواستا ناس الحكومة ديل ما بشيلوا لينا تار

  18. انتو لسا بتمنو علينا بانقاذنا؟
    بعد 3 عقود كفاية ضياع الجنوب وحلايب والفشقة
    كفاية الجهوية والقبلية وضياع الجيش والوطنية والنزاهة السودانية
    كفاية والنهب والاختلاس والتحلل وفقه السترة
    رجعت الصفوف وارتفعت الاسعار وازددتم غنى وزاد الشعب فقرا
    اخترتم الوقت غير المناسب لرفع الاسعار. فبثمن الرغيف تستطيع مخابرات مصر الكثير البطون الخاوية
    حكومة لا تستطيع توفير الخبز والدواء لشعبها وجب عليها الرحيل

  19. كلام كثير مالي البطون..نختصر منو
    اولا:- حسبو دا منو . نائب رئيس الجمهورية..كان وين وتاريخو شنو ..حسبو دا نكرة والله لم ما ترضيات الحكومة لمتمردي دارفور كان عمك حسبو صفر بالشمال.تطق من يا حسبو تضرب الشعب وانت وامثالك ممن أتوا علي حين غرة وسبعمائة ألف وزير وثلاثين ألف نواب برلمان وكلبهم معهم معتمدين محليات و….مثلهم ولاءه ولايات ووزراء ولايات ايه السفه هذا والعبث ..وحكومة مترهلة. رواتبهم مكاتبهم عرباتهم مسيراتهم بيوتهم أولادهم سفرهم حلهم ترحالهم كله من عرق جبينا نحن الغبش التعابا وفي الآخر تطلع يا حسبو (صفر) في الجرائد وتقول البطلع مظاهرات بنكتلو ؟؟؟ من انت حتي تتجرأ أن تتفوه علي الشعب الذي لم ولن يخاف من تهديدات انت لست بأهل لها..الشعب آثر عدم الخروج في مظاهرات لأنه رأى بأم عينيه ما أصاب الدول العربية التي خرجت وتظاهرت فنعمت الأمن والأمان لا تقدر بثمن هذا ما ركن اليه الشعب وصابر عليه وهو أي الشعب واعي وفاهم ومراقب حصيف لما يدور حوله من دسائس ومؤامرات تحاك ضده لذلك اخلد الي فقه الصبر وليس الخوف كما تظن انت يا حسبو..
    لكن اعلم انه ما أن تمر سحابة الصيف هذه والا تجد نفسك في ام صفق عراض أو خور كجور.
    ثانياً مثل ماذكر كم من تعليق إذا كان وزير المالية عميل مصري فلماذا لا يقدم لمحاكمة عادلة ويشنق أو يعدم لانه خائن وعميل لماذا نقدس الشخوص أكثر من السودان لماذا ؟؟؟؟
    أما موضوع مصر فهم أكثر خوفاً من النعامة والدجاجة.لماذا يستقون بارتيريا إذا فيهم رجولة فاليعلنوا الحرب عيان بيان
    أما موضوع حلايب وشلاتين فمقدور عليه بإذن الله تعالى
    أما ضرب الموطنين السودانين من اتي علي متن الطائرة فهذا فعل السفهاء والجبناء هولاء ضيوف علي مصر ليس من شيم العروبة والنخوة أن تضرب الأعزل او من نزل عندك ضيف

  20. والله نحنا الخانقنا في السودان دا الاجانب الكتاااااار ومساااخ ديل اكتر من 10 ملايين ينهشو من السلع الاساسية دقيق وسكر وزيت ودولار وكلو والحكومة تعاين ليهم ساي مفتكرين دي كدا حسن الضيافة واكرام الجار وهو دا قمة العوارة والمسكنة والضعف والهوان.. والحاجة التانية الخانقانا في البلد دي السلع الضاربة والمغشوشة خاصة المحلية والمصرية دا منتجات ممرضة وقاتلة.. لانو مافي تطبيق لنظام جودة الانتاج فيها ما زي نظام الجودة في دول الخليج عالي الصرامة والتطبيق.. وتاني الخانقنا العدد المهووووول من الوزراء ووزراء الدولة والمعتمدبن ومعتمدي الدولة دا عدد مبالغ فيه.. ولاية الخرطوم براها في حوالي 70 وزير في المقابل امريكا الحاكمة العالم كله فيها 15 وزير فقط لامريكا كلها.. دي اكتر حاجات لو اتعالجت المواطن والاقتصاد بشم جزء من العافية..

  21. صابر ايها النجس لا تشر باسمي في كتاباتك النجسة. تيقن ان رجال المخابرات السودانية الابطال يرصدونك جيدا و يعلمون اين انت الان. عاشت بلادي حرة ابية و الموت لمن يعاديها. بحبك يا سودان..بحبك مما قمت..بحبك حتى الان..همي اشوفك عالي و متقدم طوالي.

  22. * خلونا من صابر مصري ولا نوبي ولا شيطان أحمر خلوهو يبرطع هو أحد الحشرات التي تزن في أضان فيلوما تعملوا ليهو هيلمانه
    * تمعنوا في السيناريو بتاع إسحاق فضل الله ، عاوزين يطبقوا على السودان من كل الجهات لكن السودان قادر عليهم
    والخسران المصري وسلفا والأريتري الكان مشرد في الخرطوم والحلو صدقنوا لو تدخل دي نهايته *****أثيويبيا لن تقف مكتوفة الأيدي والسد العالي في خطر وقطر وتركيا يراقبان الموقف. وما تخافوا على السودان .

  23. من أهل العوض :-
    بارك الله فيك ..
    ..
    ..
    قلت لك ( فيما ) سبق ..
    أنَّ المؤمن كيِّسُُ فطن ..
    وذاك قول الرسول الكريم صلَّ الله عليه وسلَّم ..

  24. استاذ اسحق الكاتب العبقري نتمنى الدولة تحميه من اولاد فوزية الحاقدين الله لا جاب باقيهم

  25. منذ زمن الرجل الجليل الشيخ اسحق يكتب ويكتب ويصيح ويصيح ما فاضل ليه إلا يشل عكاز ويضارب عن ما يحاك في الشرق.
    الأمر الآن حقيقة كل ما قاله اوكتبة الأستاذ إسحق اصبح حقيقة لا يخفي عن العين. المصري يريد شيء ومعظم الدول تريد شيئا.
    السودان اصبح قبلة للطامعين.
    اليس كذلك.

  26. استاذ محسن خير لك التحية على تعليقك ماقل ودل وكلام اراحنا كثيرا ان البلد مش نائمة على هذه الحقارة فقط موضوع رغيف ريجان مش مقبول ابدا ابدا

  27. إنتو ربنا ما أداكم عقول تفكروا بيها ،، الكلام البكتبه صابر دا ما أسلوب بتاع مصريين ، صابر دا سوداني حاقد ومتزوج واحده جذورة مصرية .

  28. العملاء بتاعين السيسي في هذا الموقع مكشوف امرهم امثال ندى ومش مهم وصابر المصري بقول ايهم خبتم وخابت ايها الخائسين افضل لهم انا لا يكتبو في هذا الموقع لانهم والسودان سيزيدون كرايه للمصرين المحتلين لارضنا في حلايب وشلاتين