اقتصاد وأعمالمدارات

الدولار يُحطم رقماً قياسياً ويصل “30” جنيهاً مقابل العملة المحلية


حطّم الدولار رقماً قياسياً مقابل الجنيه السوداني وواصل ارتفاعاً غير مسبوق في السوق الموازي وبلغ “30” جنيهاً لأول مرة وسط توقعات بأن يوالى الارتفاع خلال الأيام القادمة.

وقال تجار يعملون بالسوق في استطلاع لـ “الصيحة” أمس إن ارتفاع الدولار مقابل الجنيه بهذه الصورة المتسارعة يرجع إلى شح المعروض في السوق وزيادة الطلب عليه من شركات كبيرة أغلبها يعمل في مجال الأدوية.

ولم يستبعد تجار في أن يواصل الدولار الارتفاع أكثر خلال الأيام المُقبلة حال استمرار الشح في الأسواق وارتفاع الطلاب عليه من قبل الأفراد والتجار وشركات الأدوية.

وكان البنك المركزي قد وضع حافزاً على التحويلات لجذب مدخرات المغتربين، لكن لم تساهم هذه السياسات حالياً في وقف تراجع قيمة الجنيه أمام الدولار.

صحيفة الصيحة


‫6 تعليقات

  1. ليه م يصل كدا ونحنا بلد هملة الاجانب فيها بقو اكتر من السودانيين والحكومة عاجزة عن حصرهم وطردهم..

  2. دعوة الي الحكومة السودانية اذا ارادت اصلاح حال البلد.. اطردو جميع الاجانب وألغو اللجو وفعلو نظام الاقامة المحدودة فقط..

  3. والله نحنا بلد هامله اي من هب ودب يخش البلد وياكل ويشرب ويشتغل ويعمل الدايرو!!.. ملايين الاثيوبين وملاييين السوريين وملايين الجنوبيين وملايين الارتريين وملاييين المصريين وملايين التشاديين وكم مليون من غرب افريقيا.. والله نحنا المواطنيين بقينا الجالية السودانية في السودان

  4. الناس عينا للفيل تطعن في ظله ؟؟!! وين وداد و الفريق طه و الجاز و عبد الرحيم و المتعافي و الناس العدموا البلد التعريفة و بنوا ناطحات السحاب في ماليزيا و أولادهم في أوروبا كله إستحواذ على مجهود المواطن البسيط و سلب لثروات البلد و تجنيب للمال العام ، و بعد ده كله الناس تجي تقول الأجانب ، خليكم موضوعيين شوية و أنظروا إلى عين المشكلة

  5. جبل الجليد كلامك صاح مية في المية الفساد دمر الاقتصاد زي السوس في الاسنان.. وكل الناس عارفين الحكاية دي لكن لو في بلد نظيف وعفيف وما فيه فساد واقتصادو قوي مثلا قول الكويت بلد منظم وما فيهو فساد واقتصادو قوي جدا لدرجة انو الدينار الكويتي بساوي ثلاثة دولار لو الحكومة الكويتية فتحت الباب لكل من هب ودب من الاجانب يجي يقعد في البلد ساي لا اوراق ولا اقامة ولا يحزنون ولا حتى عدد الاجانب يكون معروف.. اتخيل لو مشى ليها 3 مليون سوداني و4 مليون مصري و4 مليون اثيوبي واريتيري و6 مليون تشادي و4 مليون سوري ماذا تتوقع ان يحل بهذه الدولة في ظرف سنة او سنتين؟ اكيد سوف تنهار اقتصاديا لانو الطلب ع السلع الاساسية والنقد الاجنبي حيزيد وحتتدهور في فترة قياسية جدا.. فما بالك ببلد زي السودان فيها فساد وفيها حكومة ضخمة جدا الاف المسوؤلين بمخصصات ضخمة جدا وفيها حروب وصراعات في كل جزء من اجزاءخا وحولها جيران حاقدين فكل هذه العوامل دمرت السودان وتستمر في تدميره..
    لكن الملاحظ ان مشكلة الوجود الاجنبي الكثيف لم تجد حظها من النقاش ولم تجد الانتباه اللازم لخطورتها..

  6. السوال المهم: اين اللجنة العليا لمتابعة سعر الصرف؟؟؟؟؟؟؟؟؟?؟؟؟