أبرز العناوينسياسية

حاكم ولاية سودانية ينقل الطلاب في سيارات المسؤولين “فضل ظهر”.. صور


في أثناء تحركه من ربك والوفد المرافق له باتجاه تندلتي لافتتاح مركز غسيل الكلى الذي نفذته منظمة ذي النورين الخيرية توقف والي ولاية النيل الابيض السودانية د. عبد الحميد موسى كاشا في الطريق وأمر السيارات التي ترافقه بنقل طلاب وطالبات صادفهم في طريقه الي مناطقهم على طريق المرور السريع.


وقد وجدت الخطوة الاستحسان والاشادة من مرافقي الوالي الذين كان بينهم وزير الدولة بوزارة الرعاية والضمان الاجتماعي ابراهيم ادم وممثل مفوضية العون الإنساني د. محمد مصطفى السناري الذي ذكر الحادثة أثناء مخاطبته حفل الافتتاح.

النيل الابيض: لؤي عبدالرحمن


‫21 تعليقات

  1. طيب ما كان تركبهم جدام محل الكندشه وتتم اجرك ولا الحكاية ظهور وخلاص

    1. الشفع البنوتات ديل بيخافوا يركبوا في شئ مقفول .. لو قلتا ليهم أركبوا جووا المضلل ده بيرفضوا. وبيمشوا كداري

      1. دي في حالت إنه زول غريب هم بخافو من روحهم لكن دا الوالي الحكومة كان دايرك بشيلك ف بيتكم زاتووو … تبريرك ضعيف …

    1. في النهاية تصرف كويس يستحق الإشادة، خليك منصف.. علما بأني معارض وأمقت الحكومة وسياساتها الرعناء لكن واحد إذا اتصرف صاح ماله

  2. نقلتهم ليوم واحد فمن سينقلهم للايام التاليه…..لهم الله وهو سائلك عنهم (كلكم راع وكلكم مسؤول عن رعيته)

  3. نقلتهم ليوم واحد فمن سينقلهم للايام التاليه…..لهم الله وهو سائلك عنهم (كلكم راع وكلكم مسؤول عن رعيته)

  4. كنت اتمنى نفس شعور الاخ الوالى الكريم الفاضل كاشا يعم نفس الخير وحق المواطن فى ولاية الخرطوم بان كل سيارات الجيوش من الوزارات تقوم بنقل الطلاب الى مدارسهم صباحا خدمة واعادة جزء من عطاء المواطن الى المسئوليين فى العمر ولو مرة لانهم اعطوه المنصب والسيارة والمخصصات وبالتالى مذا قدموا له فى وقت الضيق ؟ وهذا السؤال محول لكل وزارات الدوله فى ولاية الخرطوم؟ واخيرا ازرعوا بسمة الصباح فى المواطن السودانى والله المستعان ؟

  5. يعني عرباتكم دي من حر اموالكم ما عشان انتو تركبو العربات دي خلق الله دي داقه الكدر

  6. دا تصرف نادر خارج عن العادة و المألوف في السودان و لن يتكرر. لا تتعجلوا الشكر. نشكره عندما تكون هذه المبادرة متواصلة بشكلها هذا او ان ابتدع شكل اخر مثيل لها.

  7. الجماعة ديل ما مضمونين و فوق القانون احسن الناس يحذروا اطفالم ما يركبوا مع الغرباء يقوم يمكن يطلع عيالاتي والعياذ بالله يغتصبم ويكتلم و يرميهم في الخلا
    كان الاحرى به توفير وسيلة مواصلات رسمية لهم بدل الصرف في الدجل و الحفلات والتكريمات و صيوانات الكيزان بتاعة الرجوع لله و شنو كدة ما عارف

  8. كاشا ليست غريبه عليه مثل هذه المواقف واستحضر عندما كان في نيالا يدخل السوق بالعراقي والسروال وبدون حرس ليقف ع الاسعار الحقيقية للسلع لك

  9. والى النيل الابيض قد اراجع فى حساباتو ؟مرة عازم ركاب بص م
    عطل ومرة كدارى،،،،،،لكن هيهاة هيهاة

  10. يا سلام التصرف الجميل ده أصلا ما غريب علي كاشا من زمن كان والي علي جنوب دارفور

  11. والله موسي كاشا ده راجل تقي وقلب حار وبيعامل الناس كانو أخو شقيق .. انا شاهدتو في مستشفي السلاح الطبي بالخرطوم وهو وحرس وهو يقوم بإنزال شنط كتيره ثقيلة الوزن مع حراسو يدا بيد .. الحق يقال يا جماعه والله الرجل نبيل ويعرف الله ويخافو وأسأل الله أن يعينو وييسر أمورو ويرحم والديه ..