فيسبوكمدارات

ايها الانسان السوداني البطل هل تعلم ان قوت يومك يشاركك فيه ست دول محيطة بالسودان؟


أمة الامجاد والماضي العريق..!!!
الشعب الذي ما حسينا يوما بالغربة بينهم، حين يقابلك احدهم بالبشاشة والترحاب وقولة يازول حبابك الف، الشعب الوحيد في العالم الذي يفتح لك بيته وقلبه معا، ويتقاسم معك الملح والملاح ، الشعب الذي علم شعوب العالم كيف يثور وصدر الثورة الى أرجاء العالم في عام ١٩٦٤م. وماكان يتخيل انذاك ان يقوم شعب بطرد حكومة عسكرية، فكانت المعجزة بمعاير الزمان. الشعب الوحيد الذي تمتلك اي اسرة الى وقت قريب ٢٥ فدان للزراعة، وبالتالي كان الجنيه يساوي ٧ دولارات قبل نزول لعنة النفط والاعتماد عليه، وقبل ان يأتي هؤلاء .ويأتي من لا يعرفون الشعب السوداني ويصفونه بالكسول…!!
أمة قل فيها البخيل ،والبخل عندهم حالة مرضية نشاز ويعير صاحب البخل على بخله،،،!!

اموت حسرة على ما يمر به الشعب السوداني من ازمة اقتصادية مفتعلة، في حين ان السودان اغنى من دولة اليابان بالموارد، قارن بين ميزانية اليابان وعدد سكانها الكبير وميزانية السودان التي من المفترض ان تفصل على ٤٦ مليون سوداني فقط، كانما هناك امة من الجن يشاركونه ميزانيته،،،!!

ايها الانسان السوداني البطل هل تعلم ان قوت يومك يشاركك فيه ست دول محيطة بالسودان هذا ان لم ابالغ، تشاد، وافريقيا الوسطى ، والكونغو، وجنوب السودان، واثيوبيا ، واريتريا، بسبب بسيط هو ان السودان الدولة الوحيدة المطلة بحرا على العالم باستثناء اريتريا التي لا تتعامل خارجيا تجاريا، معتمدة على قوت الانسان السوداني والحبل على الجرار..

السبب الاكثر وضوحا هنا في الازمة الحالية هو ان الميزانية توضع على حساب ٤٦ مليون ويأكلها ٢٠٠ مليون نسمة من دول الجوار، ووزارة الصناعة السودانية لا تخصص منتج معين للتصدير فقط “Only for Export” كما هو معمول به في العالم، وعامل الحدود المرنة والمفتوحة على كل الجوار الافريقي ..!!

اتحدى اي مراقب أن يذهب الى اسواق انجمينا وبانقي وكونجوكونجو وسوق الرنك واديس ابابا واسمرا، سيجد كل المنتجات هناك مصنوعة في السودان،وليست مخصصة للتصدير مما يحدث فراغا في كمية المعروض داخل الاسواق السودانية، ويتسرب عبره قوت الشعب السوداني ودولاره وبالتالي ارتفاع الاسعار ، وينتج عنه افقار وتجويع، اذهب الى سوق ليبيا وانظر في منفستو الشاحنات الذاهبة الى انجمينا لتجد السكر والصابون والقمح محملة بكميات كبيرة، عطاء من يستحق لم لا يملك…!!

المسألة تحتاج الى تحديد المنتجات القابلة للتصدير والمستهلكة محليا مع تشديد الرقابة على حركة النقل عبر الحدود..!!
نموذج اغلاق الحدود الشرقية احدث فجوة في ارتريا بأكملها في ثلاثة ايام فقط…والآن يعانون من ارتفاع الاسعار وربما الجوع ان استمر الاغلاق شهرا..!!

أكرموا الشعب السوداني، فقد بلغ كرمكم حد الاهمال وقوموا الى زراعتكم يرحمكم الله…!!

بقلم
شول لام دينق


‫42 تعليقات

  1. والله لقد كفيت ووفيت وشخصت الداء بصورة مبسطة وعميقة أكثر م كثير من المتنطعين والمنظرين الذين يدَعون أنهم علماء فى الإقتصاد. وأزيك من الشعر أبيات, فقد فات عليك الإشارة لجارة السؤ مصر. الجارة ناكرة الجميل التى تاكل من خيرات بلادنا بل تصدر منتجاتنا بزعم أنها صناعة مصرية وفوق كل كل ذلك تقابل أفضالنا التى يمنعنا الحياء والشهامة من الإمتنان بها عليها بل لا تنفك مؤامراتها ومكائدها نحونا تتوقف, نحن نطعم 300 مليون من الأفواه بلا من ولا أذى.

    لك كل الود والتحايا أخى شول لام دينق أنت أيضا سودانى ويحق لك أن تفتخر

  2. شكرا شول
    تعرف الزراعة اهم مافيها الماء والماء ينقطع عند اخر ( شربتين ) وتحرق الزراعة وشقى المزارع
    لذلك الشعب ترك الزراعة لعدم وجود الماء
    الدولة تريد الساهلة بترول ذهب وضرائب ذبحت المواطنين
    المشكلة ليست في الزراعة المشكة في الموية ياحكومه يابجم

  3. صدقت يا اخ شول – فقد كانت تؤخذ الطماطم والمانجو من منطقة كسلا بواسطة المصريين وتصدر الي اوروبا علي انها منتج عضوي – اي زراعة طبيعية من غير اسمدة ومبيدات وبالتالي تشترى بأعلى الاسعار بعد اجراءات التحليلات عليها – في حين انه يتم شراءها من المزارع السوداني بفتات الفلوس – وكذلك حب البطيخ الذي يسمونه لب مصري والذي يصدرونه للخليج بعد تصنيعه وتعبئته – والكركدي وهلم جرا – البلد مفتوحة وبها ناس من غير وطنية – يبيعون البلد بالفلوس – اضافة للجنسية السودانية التي تمنح لكل مواطني الجوار – البلد عايزة قعدة واعادة دراسة وصياغة – اعطوا فرصة للاجيال الشابة عسى ولعل ينعدل الحال ويكونوا خير خلف ويحافظوا علي بلدهم ويطوروها – وكفاكم يا تربية الاستعمار

  4. هكذا يكون ابداء الرأي الاعلامي وهكذا يكون النصح وياليت اعلاميي الغفلة يتحركوا ويتقصوا عن كل ما يهرب ويباع في الدول المجاورة ويتركون امر لوشي وخادم الله .
    نعم شول ابان جزءا مهما وكبير جدا في تقوية الاقتصاد واحداث وفرة في السوق وحصول الحكومة على العوائد من الصادر وكذلك اغلاق الحدود يؤمن لنا عدم النزوح الغير مقنن والذي لا تعترف به الامم المتحدة لتدعم السودان ..
    هل تعلمون بالاضافة الى ماذهب اليه ابن السودان الجنوبي من توضيحات حول ما يصل الى غيرنا ويحدث فجوات فهو لم يشر الى الكم الهائل من المهاجرين واللاجئين والمقيمين الغير نظاميين والتحويلات التي يقومون بها الى بلدانهم او دول اخرى لهم بها اقارب ربما فوق الحمسة ملايين اجنبي في السودان وبالطبع كل هؤلاء ليس في حسابات الميزانية ..

  5. عدد سكان السودان 46 مليون ؟؟؟؟
    هو حاسب الجنوبيين معانا ولا شنو

  6. كلماتك سطرت كالرصاص ولاكن الي أي اتجاه تنوي تسديدها يا شول.. والسودان له الفخر باطعام كل أفريقيا لو استطاع لأن السودان سلة غذاء العالم لو وجد السلام ورد الجميل من الدول المجاورة والاشقاء والسياسات الحكيمة ..ولك التحية يالسودان رقم قصاوة المحن ..

    1. فخر شنو يالحاضر ؟!! نجوع نحنا يعني عشان (الفخر) ؟!! انت مسطح..

  7. اول مرة اعرف ان هنالك ذباب الكترونى جنوبي

    ياشول طراشك الفوق دا عاوز تغش بيهو منو؟

    ياشول انت في نظر الشماليين وخاصة الكيزان مجرد (عبد) او عب بالدارجي

    ياشول انت نسيت كيف طردوكم وفصلوكم في 2011م

    ياشول نسيت الثور الاسود الذبحو الخال المجنون احتفالا بطردكم من الشمال

    ياشول انت نسيت كيف الشرطة كان بتدقكم عشان شراب المريسة

    ياشول شكلك عاوز تجي تانى للشمال فقلت احسن تكسر تلج للرجال

    ياشول يشيلك الله من الدنيا دى

    1. يا nadia abid فقط أريد أن أعرف سبب دعائك على إنسان قال رأيه، بغض النظر عن إتفاقك معه أو إختلافك، نسأل الله أن يرد دعوتك عليه إليك، فيصيبك ما تتمنينه للناس، ماذا إقترف الرجل سواء في حقك أو حق السودان، حتى لو كان أجنبي !!!!!!! قال رأيه فقط، ولم يضر أحد أو يشتم أحد. الجهل مصيبة وفعلاً الجاهل عدو نفسه.

    2. قل خير او اصمت.
      الرجل طرح وجهة نظره بكل موضوعية فالاولي ان تحاججه بالمنطق بعيدا عن الاساءات.
      بخصوص وجهة نظر الاخ اشول انا اتفق مع معظم ما ادلف واضف ان الدولة تتحمل ايضا مسؤولية الرقابة وضبط الحدود.

    3. قبّح الله وجهك شول أشرف منك يا ما عندك فهم والله شول رجل نظيف

    4. نادية
      ما هذا القبح اللفظي في كتاباتك – هذا الرجل قام بتحليل عقلاني للوضوع ووضع يده على إحدى الافات التي سببت لنا التردي الاقتصادي – نعم نحتاج لقفل الحدود وانشاء اليه لتصدير منتجاتنا
      انتي حاقدة كدة مالك على البلد – ولماذا تدعين على الرجل وانتي لا تعرفي خلفيته

    5. من كان فمه مكان لتجمع القاذورات فلن تفيح منه الا الروائح النتنة وهذه الساقطة اخلاقيا ووطنيا لا تالوا جهدا في الشتم والسب في خلق الله وهي بادعائها الوطنية ومحاربة الحكومة تمتطي حصان العنصرية وتنطلق بالفاظ تربت عليها ..
      هذه الساقطة تسمي كل من قال كلمة حق بغض النظر عن لونه انه ذباب الكتروني وهي كما الاعمى أمسك بعصا وترك في طريق فسيح لايعرف جنباته ..
      انا اقسم بالله ان هنا الكثير من هم لا ينتمون للنظام او من انصاره بل المصريون اكثر من السودانين ومع هذا هي متوجسة خيفة انها بين اتباع النظام وكل من قال هذا هو الصاح وصفته بهذه الكلمة القبيحة التي حفّظها لها اسيادها ..
      ومن لهجة كلامها واسلوبها يتضح انها تنتمي للتيار الاقصائي وهو التيار اليساري الذي هو معروف في كل انحاء العالم لايطيق احدا معه في سدة الحكم من الاتحاد السوفيتي الى الصين الى فنزويلا الى كوبا والى كل امريكا الجنوبية ..
      هذه النادية اقصد النابية وغيرها من المغيبين هم من يفسدون كل شيء كل شيء حتى لو اردنا الحكم على الاخوان بالاعدام جميعا فهي تفسد ذلك لانها تحمل رأسا خاويا ونظر مغمض وعقل مغيب ..
      انا من الذين نعتتي بالذباب الالكتروني وهي لا تعرف من انا وبالطبع ومن المؤكد لاتعرف وربما كنت في عمر ابيها وهي لا تعرف اني عاصرت حكومات هي فقط قرات عنها او نقلت اخبارها اليها من ساكني الجحور من اصحابها ..
      ايتها السافهة القول ومشتطة العداء ومطلقة السباب ابعدي عن هذا الطريق وعلقي على المواضيع فقط ولا دعوة لك بتوجهات الاخرين لانك اول من سيكتوي بنار الرد

    6. NADIA ABID

      اتادبي في كلامك و لهجتك و عنصريتك النتنة
      الحنوبي سوداني رضيتي ام ابيتي و الله يجازي و ينتقم من تسبب بفصل جنوبنا الغالي

  8. اخونا شول لام دينق عبر عن واقع ببساطة واصاب كبد الحقيقة و اضاف له الاخوة ما اضافوا من حقائق صحيحة مقنعه . اخونا شول اشار لما لم يشر اليه فريق الاقتصاد الفاشل او حتى المحللين و المطبلين . اغلاق الحدود مع اريتريا فقط وضح ما ذهب اليه . وضعنا الان يحتاج لحكومة جديدة تعرف انها تتحكم بلد غنى له موارد ضخمة وارض و كفاءات و شعب طيب الاعراق . رفع اى شئ عن الزراعة فقط كافى لنكون فى الترتيب الاول .
    حكومتنا تنفذ ما يطلبه البنك الدولى وهو مخلب من مخالب اليهود فى تدمير اقتصاد الدول فى حين اننا فى غنى عنه . وتقدمت دول و نمت بسرعة عندما ابتعدت كليا عن سياسته كماليزيا كمثال حى . الفساد اهدر موارد الدولة و ما يذهب للجيوب كاف لادارة الميزانية التى يدفعها المواطن من جيبه .كابسط مثال كم يهدر من مال يذهب لجيوب المتحصلين و العساكر و الموظفين و المدراء و الولاة و مجالسهم و الوزراء و حاشيتهم نجدها تريليونات من غير ما يا يذهب للكبار من دولار. و العملة مكسب و تجارة لن تبور للكثير ووسطاء و سماسرة فى ابسط السلع و الاحتكار فارض فى الخرطوم تشترى بسعرها عمارة او فيلا فى اوروبا او الخليج فما هى منطقية ذلك هل لان الخرطون جنة الله فى الارض .
    الحديث لا ينتهى و كل من يحاول الكتابة اعتقد انه يصاب بدوار و انفعال لحال الوطن . لك الله وطنى الحبيب …

  9. nadia abid
    واضح من هو الذباب من واقع الاسلوب و ادب الكتابة و لا تعليق على الكتابة التى تبطن فيها امور لا تفهميها . تساؤلات تعرفى الاجابة عليها جيدا . اللسان السودانى واضح رغم تنكر صاحبه باسماء ومداخلات كانه من بلد آخر . فلتقل خيرا او تنتقد بمطنق او تصت .

  10. سلمت يمينك شول لمست الوجع بالضبط ولخصت المشكلة الاقتصادية في سطور فيما عحز عنها مئات الوزراء والخبراء والدراسات في سنين الزراعة والفلاحة هي اساس نهضة السودان وكانت أساس ونهضة جميع دول العالم الاول وبعدها اسسو نهضة الصناعة والتكنولوجيا والتجارب كثيييييرة جدا بدأت في امريكا واستراليا وهولندا انتهت في الهند وماليزيا وتركيا

  11. كلامك سمح عجبني وكله صاح يا اشول بس انا بقول ليك السبب حكومة البشير فاتحة البلد مشرعة لكل دول الجوار ليس فحسب يأتون إلينا بالملايين ويقاسموننا في لقمة الخبز وفي الرزق وفي العلاج والتعليم وليس هذا فحسب بل يهربون كل خيرنا لبلادهم وطبعا هناك سودانيين غزرين معفنين ماعندهم وطنية ولا حب لبلادهم يهربون خيرات البلد حتى الأدوية التي تجيبها الدولة للمرضى وانا لو كنت في محل البشير أسد كل الحدود مع دول الجوار لأن مايجينا منها إلا الضرر مافي مصلحة للسودان من هذه الدول غير الازية الازية في كميات الوحوش والأسواخ التي تزحف علينا من هذه الدول وكانن السودان امريكا يتركون بلادهم ويأتون للسودان وبل يسعون للتجنس فيه لذلك ما تعجب اذا قلت ليك في عهد البشير عشرة ملايين من تشاد واثيوبيا واريتريا والنيجر وانغولا والكنغوا ومالى وبنين وجيبوتي والصومال ونجيريا وغيرها يعني السودان على الهم العليه مبتلى ببشر لا أدري لماذا مجبور عليهم وحتى السوريين بس السوريين عندهم حرب أهلية أي إنسان عارف ذلك بيعزرهم أما الدول الباقية مافي عزر والبشير حاكم غبى كان يستفيد منهم يعمل ليهم أقامات الإقامة بالف دولار سنويا وتجدد كل سنة بثلثماية دولار العجبوا يقعد والماعجبوا يمشي وكمان الحكومة تلزمهم العمل في مجالات معينة كالزراعة والبساتين والنظافة ومزارع الدواجن ومزارع الألبان وبس ممنوع اي اجنبى يشتغل في اي مرفق غير المرافق المزكورة اعلاه ويمنع اي اجنبى يتعالج في مستشفيات حكومية ويمنع اي اجنبي ان ياخز تامين صحى ولا تعليم وحتى اولاده يدرسون في مدارس خاصة وان ولدوا في السودان .البشير لا يفهم فاتح ليهم البلد فاتحين محلات وسائقين تاكسى وباصات وركشات والخ. والله البشير سبب كل الكوارث دي لو كانت في الماضى في السودان الفين قبيلة الآن نقول في السودان عشرة الف قبيلة .بلد كارثة بيحصل فيها انفجار وحرب أهلية طاحنة في المستقبل مثل التي حدثت في رواندا وزايير والله بلد هاملة في كل شي ماعندها وجيع بلد سايبة. إذا الحاكم ماقلبه على البلد كيف لا يفتحها مشرعة ليهم وكمان بيفتحوا
    ليهم عيادات وعندهم شهادات مزورة والبشير كالعادة لا يحاسب ولا يراقب ويزورون حتى الشهادات الجامعية والرقم الوطني وكل المستندات والجنسية بلد قاعدة ساكت.داء السودان في عهد البشير بلد مشرعة لكل صعلوك جاء من أفريقيا ويقول بدون خجل انا سوداني عشان كده تغيرت التركيبة الديمغرافية في عهد البشير شي مخيف الكل صار سوداني ومحسوب على الوطن والوطن منه بري لأنه ليس منتمى للتراب اصلا كيف تكون الوطنية ومن وين تجي ؟. سوف يأتي يوما وحاكم السودان يكون من هذه الأصول الدخلت السودان والله يبيع السودان وفلوس السودان كلها يوديها بلده الأصل وهو لا ينساه ومافي انسان بدون أصل كل إنسان بيحن لاصله وبيكون قلبا وقالبا مع جزوره. الله يكون في عون السودان الذي دمروه الكيزان ونهبوه وباعوه بارخص الاثمان وجابوا إليه سكان بالملايين والدول التي تعاني من أزمة السكان طول الدهر هي فقيرة وسوف يصبح السودان أفقر الدول مادام تضاعفت الكثافة السكانية فيه بشكل مخيف وياريت لو كانت كثافة سكانية نتاج سوداني سوداني بس للاسف أجانب نعلة الله على البشير نعلة الله على الكيزان نعلة على حكومة الكراسي والمناصب نعلة الله أي دخيل على السودان وبيقول انا سوداني نعلة الله على أي ضابط يعطي أي إنسان غريب جنسية سودانية .نعلة الله على البشير الجبان المنبطح لناس الحركات والمنبطح للأمريكان والمصريين.

  12. Nadia abid ماعجبها كلام اشول تعرفوا ليه لأنه قال الحقيقة والحقيقة دي لا تعجب التشادي والاريتري والاثيوبي وغيره من دول الجوار التي زكرها اشول وقال هي التي بيطعمها شعب السودان ودي حقيقة السودان أكبر بلد في العالم مبتلى بالافارقة جنوب الصحراء وكل خيراته و طعامه ودواءه يهرب لهذه الدول وهي عايشة علينا وعتمدة علينا كان رضيتى أم ابيتي نادية واظنها إريترية أو تشادية لأن شعوب هاتان الدولتان ملتصقين بينا لدرجة تعلموا لهجتنا ويقولوا نحن سودانيين

  13. (موش مهم) انت عامل لينا فيها خبير استراتيجي ومحلل سياسي باين عليك عاطل وما عندك شغله بدليل كتابة الكتيره دى .
    امشي بيع ليك فجل جرجير في (ميدان ألعتبه ) احسن ليك….

  14. شوال شخصت الداء بصورة واضحة لا يفهمها خبراء الاقتصاد في السودان

    #nadia ومش مهم#
    لا تهتم يا شول مصر عايشة علي معاناة السودان

  15. الي مش مهم ،،،
    ياحبيبي انت مفتكر بلدك اليابان يعني!!!!!!!!!!!،كلنا في الهوا سوا ،،،، خليك في الانت فيه احسن لك.

  16. الزول ده نسى عصابات ومافيا إستخراج الذهب في السودان وللأسف من ( السودانيين ذاتهم ) كل 5 أو 6 زول يروحوا يشتركوا ويروحوا يشتروا جهاز الكشف عن المعادن والذهب للتنقيب ويبدأ يجمع ما لا يقل عن 20 زول أخرين يشتغلوا عمالا في الحفر والتنقيب والبحث عن ( الذهب ) ثم يستخرجونه ويقسم إلا ثلث يكون لهم وثلث للصاغة وثلث للدولة ، وهذا سرقة ونهب للأموال العامة وكان يجب إن الدولة هى التي تقوم بالعمل على إستخراج ( الذهب ) وليس المواطنين اللي في منهم صاروا أغنياء ومليارديرات وهناك من الشعب السوداني المحروم من خيرات ما في باطن الأرض من ذهب يستخرج وينتفع به فئة قليلة طامعة وجشعة تؤثر نفسها بإستخراج هذا الذهب وتكنز أمواله حتى صاروا أغنى أغنياء السودان من لا شئ سوى انهم حفروا ونقبوا ونهبوا ( ذهب السودان ) .
    يجب على الدولة السودانية أن تقف هذه العصابات والمجموعات وان تسيطر على إستخراج الذهب ليبدأ تقسيم أمواله بالسوية على شعب السودان .
    والمفروض إن الأصل في كل ما يستخرج من باطن الأرض من كنوز ومعادن وبترول وغيره في جميع الدول العربية والإسلامية وليس في السودان فحسب أن يكون كل هذا ملكا لبيت مال المسلمين في ظل ( الخلافة الراشدة على منهاج النبوة ) وأن تقسم بالسوية على المسلمين .
    وأنا من هنا من ( الكنانة ) بنقول للشعب السوداني وكل مسلمين وفقراء العالم والأنظمة الفاسدة أنتم لا تملكون شيئا من هذه الثروات وإنها ملكا لبيت مال المسلمين بقيادة ( المهدي ) وهو من سيستخرجها ويوزعها ويقسمها على فقراء المسلمين ووالله الذي لا إله غيره إنا غدا لناظره قريب وسيظهر الله لكم الذي يملأها قسطا وعدلا بعد ان ملئت ظلما وجورا ويحثوا المال حثيا ولا يعده عدا ويقسمه بالسوية على المسلمين . أبشري يا أمة الإسلام .

  17. كانوا الأشعريين يفعلوا شيئا يعجب رسول الله صلى الله عليه وسلم .
    فعن أبي موسى الأشعري رضي الله عنه قال: قال رسول الله صلى الله عليه وسلم: (( إنَّ الأشعريِّين إذا أرملوا في الغزو ، أو قلَّ طعام عيالهم بالمدينة جمعوا ما كان عندهم في ثوب واحد ، ثمَّ اقتسموه بينهم في إناء واحد بالسَّويَّة ، فهم منِّي، وأنا منهم )) .

  18. احسن حاجه يا اولاد السودان الكرام انكم لم تردوا علي الذبابه المصرية هكذا يكون التجاهل للاغبياء كأنهم غير موجودين
    وهم فعلا غير موجدين احييك اخي شول وربنا يديم علي بلادنا السودان جنوب وشمال المحبه والرخاء والامن والامان

    1. لايك وبشدة ..يجب عدم الاكتراث لانه لايهمنا امره ولكن نرد على العاملة فاهمة وهي اجل الجاهلين وعاملة وطنية وهي ام العنصرية ..

  19. يقول فتى الشرق العظيم المهدي فتى الساحل الحقيقي . ( يخرج من قلعة وليس قرعة ) .:

    قال الإمام مالك ( لا يصلح أخر هذه الأمة إلا بما صلح به أولها ) .
    فيا شعوب العالم العربي والإسلامي وكل المسلمين في انحاء العالم من مشارق الأرض إلى مغاربها عودوا إلى كتاب ربكم وسنة نبيكم ومن أراد أن ينتفض أو يثور حقا فليكن ثائرا من أجل الله عز وجل ولن تنجح ثوراتكم إلا بإعلاء كلمة الله وتطبيق شرع الله وإقامة ( خلافة راشدة على منهاج النبوة ) إن زوال الظلم والجور لن يكون إلا بالعودة إلى منهج الله وإعلاء كلمة الله وإن ( القرآن ) هو منهج حياة .
    ويجب على المسلمين في دول الكفر أن يشدوا الرحال ويبدأوا هجرتهم إلى الدول العربية والإسلامية فقد آن الأوان لجمع الشمل وتوحيد الصف وإعداد العدة ، قال النبي صلى الله عليه وسلم : ( أَنَا بَرِيءٌ مِنْ كُلِّ مُسْلِمٍ يُقِيمُ بَيْنَ أَظْهُرِ الْمُشْرِكِينَ ) . رواه أبو داود (2645) وصححه الألباني في صحيح أبي داود .

  20. محي الدين احيك تحية خاصة جدا ع كلامك المنطقي..فعلا نحنا خيرات بلدنا كلها ماشة لدول ومواطنين اجنبين.. اذا استثنينا الجنوبيين والسوريين لظروف الحرب.. مافي عذر انو نستقبل ملايين الارتيريين والاثيوبيين والتشاديين والصوماليين والنيجيرين وبقية دول غزب افريقيا..كميية مهووووولة دخلت البلد من دون اوراق ولا اقامة ولا لجوء ولا اي شي بلد هاملة وسايبة وفوضئ..اصلو في العالم كلو م تلقي ليك بلد زي دي مافيها ضبط ولا ربط..السلع زادت لانو زاد الطلب عليها والايجارات زادت بصورة جنونية وفرص العمل قلت للمنافسة من اكتر من20 مليون اجنبي قاعدين وزول بسالهم مافي..

  21. التحية لك شول لايمكن ان اسمي الجنوب غير الوطن الواحد مهما كان .. ما ذكرته حقيقه لكن اين الدولة وربنا يزيد الخير وكل اهل الدنيا خليهم ياكلوا معانا بس الانتاج محتاج لمال لكي يستمر والاستمرارية لا تاتي الا بعائد للمنتج نحن لدينا فساد وسوء ادارة الفساد واضح غالب المسؤولين بتعاملوا مع العمل او المنصب زي الشركة وبعد كل هذا لا يملك وعي ولا فهم لكي يسرق ويطور يعمل عمل يكرهك اي نهضة لو شارع ظلط تكرهه الظلط تقول اخير كان التراب لا توجد رقابه ولا يوجد مسؤول واضع اعتبار لمراجعه فقط يخاف يذهب من منصبه لكن ياكل يهمل لا حسيب

  22. اولا نشكر الكاتب اشول لانه شخص كثير من الداء والسودان مستهدف من كثير من دول الجوار ومن العملاء والخونه واصحاب المصالح الشخصيه ولايهمهم اذا السودان تدمر وجاع اهله اما المدعوه ناديه فهي حاقده على اهل السودان وقد تكون غير سودانيه وايضا المدعو مش مهم وكثيرين عاملين فيها معارضين للحكومه وكلام كيزان بقى دقه قديمه الان في حكومه مشاركين فيها احزاب مثل حزب الامه ومبارك الفاضل والحزب الاتحادي واحزاب اخرى ووزير الثروه الحيوانيه ارو ووزير الصحة ابو قرده يعني السودان علته انه مخترق من الداخل ببعض الخونه ومن الخارج ايضا والسودان مواجه بموامرات من بعض الدول الجوار بالتعاون مع بعض السودانين الخونه والعملاء ونسال الله ان يجعل كيدهم في نحرهم ويحفظ السودان وشعب السودان المخلص تحت قياده قويه وامينه ونزيه ومخلصه اللهم امين يارب العالمين

  23. انت يالمسمى نفسك مش مهم (كوز واخونجي ولى عليها الدهر ) انت حاقد على السودان وعميل للسيسي يامجرم وتريد الفوضى امشى شوف السيسي بتاعك عامل فيكم شنو ومجوعكم وماعليك بالشان السوداني والقياده ستتغير بدون فوضى والله يحفظ السودان من الحاقدين والمتامرين والمتربصين والخونه

  24. البيكتب باسم ناديه عابد ده. … ده بيذكرني بمفيد فوزي كان عندو عمود في مجلة صباح الخير منتحل فيهو اسم ناديه عابد … و كان يكتب عن الحب و الاحاسيس و العواطف الانثويه الجياشه و حاجات تانيه كده لا تعرفها من حاضت و من اتاها الطلق قبل الولاده … فلا ادري لماذا تريد ان تكون انتايه مثل مفيد فوزي علي كل حال ماذا ساضيف للمراحيض اذا قلت لها (انت ادبخانة ),
    اما الفراعنه المتداخلين هنا معانا و يسبون و يشتمون السودان و السودانين فما عندي ليكم شتيمه سوي خوفي من ان يتخس بكم الشتم اذا شتمتكم …

  25. شكراً الأخ شول الرجاء توجيه معلومة أن قوتنا يشاركنا فيه ستة دول جارة توجيه إلى العواطلية وشذاذ الأفاق

  26. أخي شول كلامك يدل على أنك سوداني رغم أنف الكيزان و الحركة الشعبيه ,فكلاهما إرتكبا جريمة لا تغتفر و خانا الشعب الواحد و مزقا الوطن الواحد و لازالت أصداء الهتاف الحبيب الى نفس كل وطني سوداني حر فيما يسمى الآن بدولتيى جنوب السودان و السودان يتردد في النفس ( لا شمال بلا جنوب و لا جنوب بلا شمال ) وطال الزمن أو قصر سيتوحد السوان شماله و جنوبه بمشية الله
    أخي شول لي مأخذ واحد على مقالتك ألا و هو مساواتك بين سوق كل من الرنك وكونجوكونجو من ناحية باسواق انجمينا وبانقي واديس ابابا واسمرا والتي هي أسواق دول أجنبيه من ناحية أخرى , ففي حين أن سوقي كل من الرنك وكونجوكونجو هي سوقان في دولة جنوب السودان وبالتالي فهي بالتسبة لنا اسواق سودانيه شاء من شاء و أبى من أبى , و لا و لن نمن على شعبنا في جنوب السودان بأي شيء .
    نسأل الله أن الأمن و الأمان و العدل و المساواة و التنمية و الرخاء لشعبنا قي جنوب و شمال السودان الكبير و أن يوحد بينهم و يبعد عنهم شر حكومتينا ومعارضة كل منهما و أن يصرف عنهم مساؤي القبيلية و الجهويه و يعييد السودان أرض المليون ميل مربع و يبعد عنا شرور العنصرية فكلنا من أدم و أدم من تراب و لا ننسى قوله تعالى ” إن أكرمكم عند الله أتقاكم “

  27. تسلم أخي شول لام أيها البطل جزاك الله خير وفقك الله وسدد خطاك

  28. قومو الي زراعتكم يرحمكم الله ده كان زمان ي شول
    دي حكومه كسولة دايره الجاهز بس م بعرفو غير الشحده من دول الخليخ البلد بقي اعتماده كلو علي القروض دمرو اي حاجه