مداراتمنوعات

الإعلامية لوشي: إنت ود ناس البوديك المظاهرات شنو؟


ذكرت أم وضاح في مقالها (ماري إنطوانيت.. سودانية 24) قائلة : أنني لا أتخيل أن تصل اللّامبالاة بواحدة فرضت علينا فرضاً كنجمة ومقدمة برامج وكمان يطلق عليها إعلامية إسمها لوشي ، التي كنت أعتقد أنها ستحاول أن تغير الصورة الذهنية عنها وتطور نفسها أو تجتهد على ذلك وهي في قناة كبيرة (كسودانية أربعة وعشرين) لكن خاب ظني ،

والسِّت لوشي ترسل عبر الوسائط الإعلامية فيديو تتهكم فيه على المظاهرات التي خرجت أول أمس ضد الغلاء والسِّت لوشي ظهرت في الفيديو بكامل زينتها ، ومعها آخر من منسوبي ذات السودانية أربعة وعشرين ، لتقول له: “نطلع مظاهرات نلبس شنو ؟ وتقترح أن يلبسو إسبورت”

ليقترح الأخ (أبوقجة) أن يلبس غير ذلك فتقول له الأخت الإعلامية :(إنت ود ناس البوديك المظاهرات شنو؟) لتختصر الدلوعة فهمها القاصر ورؤيتها المختلفة ، أن من خرجوا ليسوا أولاد ناس !!!

وقالت أم وضاح بحسب ماذكر في صحيفة المجهر هذه والله مصيبة للمشهد الإعلامي هكذا نماذج وفي قنوات كبيرة ومشاهدة ، هي وحدها التي ألومها وألوم القائمين على أمرها ، أن يمنحوا أمثال هؤلاء فرصة الإطلالة على المشاهد ، ماقُلنا للسَِّت لوشي وأبو قجة المعاها إعتلوا المنابر وأعملوا سياسيين وتحدثوا حديث العارف، لكن على الأقل خليكم في الجوا وأفهموا الظروف والمستجدات التي تشغل البلد حتى لايكون حالكم كحال ماري إنطوانيت التي وجدت شعبها في الشوراع ساخطاً فلما سألت قيل لها هؤلاء لايجدون رغيف الخبز ،فقالت لهم : (طيب ماتاكلو جاتو) !!

فيا أخي الطاهر حسن التوم هذه سقطة وفضيحة لاتليق بالقناة التي ولدت بأسنانها ، وهي أكبر دليل أن التوفيق قد جانبك في إختيار هذه المذيعة التي أكدث حديثها السابق أن لا علاقة لها بالرياضة أو السياسة أو الفنون ، لتضيف له أنه لا علاقة لها بالوطن والوطنية ولا أي حاجة في أي حاجة !!

الدايرة أقولو إن النموذج الذي أفرزه هذا الحديث يؤكد أن قنواتنا تحتاج لغربلة عاجلة حتى تقدم العقول قبل الوجوه ،وما أظن أننا أحرف وأفهم من أمريكا التي يتسيد آلتها الإعلامية نجوم لم يؤخرهم سمارهم أو عدم مِلاحة وجوههم والفيصل في التنافس هو العطاء والكفاءة وتمن النجومية هي الموهبة والشطارة والتميز .

الخرطوم – كوش نيوز


‫17 تعليقات

  1. خواء فكري وعقول جوفاء لا تحس بمعاناة الاخرين والوطن. وهل ينفع الجمال والعقل اجوف!!!!

  2. العجبني في لوشى انسانه وطنيه تحب السودان تعمل كل خير لي السودان والغلاء في العالم كلوا اي شئ زايد

  3. لا لا لا سوقيه معاك لي ناس امك يعملو ليه فسخ وجلخ
    أصلا دي تربيه اولاد الناس الزمن ده كده

    حيرتونا
    لم المصرين يستحمرو الشعب السوداني عارفين تمام انو شعب ساذج وزي علانه دي وباقي الشرزمه ممكن يمسكو زمن بي نص الشعب
    ديل مخلوقين في الاعلام ده خصيصا لي المحن دي
    دي مثلا خريجه شنو ولا أصلا اتعلمت في اي جامعه
    دي كوعه من بوعه وين تبقي لينا بالله زنانا الزمن كله
    استغفر الله
    ربنا يلطف بالسودان
    ويرحم السودان ويدمر أهل الرزيله

  4. خففي قلمك على البنية شوية و سيبك من غيرتك على سماحتا و أحسني الظن هي ما قالت الطلعوا مظاهرات ما اولاد ناس احتمال كبير هي تقصد المزيع ولد ناس ملظلظين و منعمين و ما وش جري و غبار و بمبان وكدا
    و لعلمك التوم عارف ما غايب عنو مستواها لكن السوق الاعلامي عايز كدا
    إنتي زاتك برضو كتبتي كذا مرة تشكري في معتمدين و وزراء جايا حسي تركبي الموجة و تعملي مناضلة
    و الحق يقال انك في مقام الاستاذية ليها ثقافيا و علميا لكن في ناس عايزة السماحة و ليهم اكتر من اسبوع بيفتشوا ليها كديستها
    احتمال الطاهر التوم زاتو بيفتش معاهم

    1. أنا ذاتو قاعد افتش فى الكديسة
      والحق لله كلمة ودناس حمالة
      للمعاني فمثلا البعض يستعملها
      بدلا عن كلمة زول

  5. المظاهرة ( أو ) التظاهر لغةً ( إبداء ) و ( إظهار ) الرأي في تجمهر ( أو ) وقفة جماعية ..
    ..
    ..
    هؤلاء أولاد ( الناس ) في تظاهرهم ( و ) مظاهراتهم يبدون ( و ) يظهرون رأيهم ويتجمهرون لحقٍ ( هو ) حقُُ لهم ..
    ..
    ..
    أما أنتِ يا بنت ( الناس ) تبدين ( و ) تظهرين فتنة ( و ) مفاتن لا ينبغي لأولاد الناس إظهارهن ..

  6. ما قالت كدة و الحمد لله اتفرجت الفيديو قبل ما أطرش ليها في وشها تعليقات بألفاظ نابية و لو مكانها حا اجرجر الحرر الخبر في المحاكم لانه بشبش شخصيا لا يملك الجرأة ليقول البطلع ما ود ناس نسيتو اولاد القذافي حصل ليهم شنو خصوصا المد اصبعو؟ قطعوا اصبعه و خلعوا اسنانه
    احذروا غضب الشعب فستأتيكم بغتة يا امنجية و يا بني كوز و صدقوني حيتطلبوا لجوء عند السيسي و ادريس زبي و أفورقي
    يومئذ سيخذلكم حميدتي

  7. إنتو ديمقراطيين وبتنادوا بي حرية التعبير طيب مالكم أبيتوها لمن بقت على لوشي يا شيوعيين؟ ده إختبار ليكم من الكيزان بالتأكيد وسقطتوا فيهو. أما إغتيال الشخصية فأنتم أهله وأصحابه.
    لوشي ما عملت غير نشرت صورتها وانتو نفسكم الاتهافتتو عليها زي الضبان على العصير وعملتو ليها 200 ألف لايك وصديق.

  8. لا هي ولا الموضوع يستحق. اترفعوا عن القضايا الانصرافية. وخليكم في المهم
    الشعب السوداني في ورطة ويحتاج لأشعة مقطعية توضح أين مكمن الداء لتتمكن من تحديد الدواء
    هل التعليم وما حواه من زمن السلم التعليمي
    هل الاتحاد الإشتراكي والطلاءع
    هل الغزو المجتمعي للكيزان من ثمانينات القرن الماضي
    هل حل النقابات وتحويرها والاستيلاء عليها
    لماذا تغير الشعب السوداني وأصيب بالامبالاة والتبلد في الإحساس
    اصبت بالغثيان وانا أشاهد خطاب الرئيس في إفتتاح الجوهرة الزرقاء وكأن الإحتفال في بلد آخر وليس قلب أم درمان
    الحمد لله ولا قوة إلا بالله

  9. الله عليك ام وضاح اقسم بالله بردتي بطني وفشيتيني فشة ماحصلت ..
    ياريت لو انه من زمان لاقتها اصوات واسواط من الاعلاميين ليرشدوها وليعلموها ان الطريق الذي تسلكه ليس طريق شهرة اعلامية وانما طريق لشهر مانكير او موديل .. فقد ابت واستكبرت ان تسمع لعليقاتنا من البداية وحين اوضحنا لها محمد عثمان ورندا الخفجي يعملان على احراقها لتناولها في مواضيع مبتذلة ورخيصة وممجوجة , ولكن اتضح ان كل ذلك كان يستهويها ويعجبها .. وكان ذلك واضحا في طريقة التصوير الصيبيانية والتي تركز على اجزاء معينة من جسمها وراسها ..
    نعم شخص كهذا لا يليق ان تكون منتسبة لقناة احبها كل الناس ويزيد متابعيها يوما بعد يوم ..
    ورغم ان حديث ام وضاح ليس موضوعه المظاهرات وانما احسست انها احترقت من الداخل لان ينسب مثل هذا الخواء لقبيلة تنتمي اليها ,و ام وضاح لم تطرق الى وجهة نظهرها مع او ضد وهذا هو موقف الاعلامي المحايد في حالة تستدعي الكتابة .ز ولكن زاد وطفح كيل هذه اللوشي ..
    طبعا في ناس كلاميما بيعجيبهم وخاصة لو قلت ليكم هل تصدقوا رغم متابعتي للقناة لم يحدث ان رايت هذه اللوشي الا ابان اعلاانت قرب الافتتاح .ز ولا اعرف ماذا تقدم وحتى لو عرفت فلن اتابع لانها ستصيبني بتخلف ..

  10. لأنو ود ناس طلع مظاهرات عشان يجيب حقهم… بس انتي لو بت ناس كان اتلميتي

  11. والله نحن شعب فاضي كيف , تستاهلوا يحكمكم الرقاص و الاهطل
    عليك الله مخلين الحاصل كلوا وماسكين في المغفله دي و قال شنو
    أمشوا شوفوا رئيسيكم بقلب جعباته في الاستاد زي الرقاصات دايرين مهزلة أكثر من كده شنو