أبرز العناوينمنوعات

اصحاب مطاعم في اوربا ومدن عالمية يرفضون أخذ مقابل الطعام من السودانيين بسبب الترابي.. تعرف على القصص العجيبة


حكى الكاتب والصحفي السوداني حسين ملاسي عن موقف حدث لأحد السودانيين بدولة تركيا وقال (سافر إلى تركيا في مهمة عمل، رأى مطعماً في طريقه فتناول به إحدى الوجبات، عند فراغه سأله الكاشير الذي يبدو مالكاً للمطعم بإنجليزية ركيكة: من وين؟).

فرد الرجل بحسب ما نقل محرر النيلين من منشور ملاسي على فيسبوك: من السودان ،فهتف التركي جزلاً يكاد البشر يطفر من عينيه: حسن الترابي.. حسن الترابي، فأومأ الرجل مبتسماً، فرفض التركي أن يأخذ مقابلاً للطعام).

وحكى اصدقاء ملاسي قصص شبيهة وقال أحدهم (2011 انا كنت في باريس، عادة أصدقائ بخلوني في البيت وبمشوا الشغل
بنزل بتحاوم في مطعم فيه شاورما عجيبة دخلت وطلبت سألني العامل من وين رديت من السودان، كلم صاحب المحل الذي (حلف) ما ادفع مع العلم بأنهم مغاربة وجزائريين، فهمت فيما بعد من أصدقائ بإنهم يقدسون فتاوي الترابي، وتكرر نفس الامر في بروكسل).

وأضاف اخر (حدث لي وزوجتي شئ مشابه في غرناطة حين ذهبنا لمقهي يملكه أحد المغاربة الذي ذكر لنا أنه قرأ ويتابع كل ما يكتب الشيخ حسن الترابي، رحمه الله وأحسن إليه).

وكتب أخر تعليقاً على منشور ملاسي (سألت زميل في العمل من بريتوريا قلت ليه بتعرف شنو عن السودان والدول الاسلامية قال بعرف الملك فيصل و من السودان الترابي وطارق احمد آدم .. أفريقي رشاشة).

الخرطوم/معتصم السر/النيلين


‫13 تعليقات

  1. بعد عودة صلاح قوش بديتوا تلمعوا في الترابي
    شكله كده موته تمثيلية
    زي حكاية المفاصلة الوصفها اسحاق فضل بالتمثيلية
    نظام الانقاذ والمفاجآت
    عودة حسن الترابي

  2. فتاوى الترابي !!!!! منها أنه أنكر عذاب القبر ؟؟؟؟؟؟؟؟؟؟؟؟؟ قداسة شنو تاني؟؟

  3. أتحرى الصدق يا معتصم. مأ تنشر أي كلام غير مؤكد. نحن عايشين في أوروبا 30 سنة و مشيت تركيا 3 مرات ما في شخص يعرف الترابي غير بسيطين جدا. الجهلاء منهم يعرفوه ايام الارهاب السوداني أقلية يقولوا ليك الترافي حتى اسمهم لا يعرفوه و الغالبية جزائريين يكرهونه أيما كره مع حبهم للسودان لأنه ساهم في إدخال الإرهاب في بلدهم. طبعا أفكاره السامة سببت مقتل آلاف الشماليين و مئات الآلاف من الجنوبيين و السبب الرئيسي في فصل الجنوب. تبنيه لقبيلة معينة في دارفور ساهم في المجازر و تبعها بنشر فتنة رهيبة. الكويس انه لحق و تاب و الله يغفر ليه ذنوبه اللا نهائية.ما في داعي لل
    Personality Cults
    يا معتصم. باقي تقول نميآي بطل زي الموجة الجديدة.

  4. فهمت فيما بعد من أصدقائ بإنهم يقدسون فتاوي الترابي ………………………… ذى بتاعت امامة المرأة ( يعنى تفنقس وتقوم قدامك ودخاخين وكبرته قاجه ) ودايرنك تركز فى الصلاة وتلعن ابليس .. وممكن المرأة ذاته وانته وهى براكم لمن الاذان ياذن تقدمها تصلى بيك … دى ( الفته ) اقصد ( الفتوى ) … ولا بلاش ….

    واحد كباب وواحد كبده وظبط السلطات والشطوط …

  5. اللي بيقدسو الترابي ديل شكلهم اسلامويين , وكمان في تركيا !!!!!

  6. يقدسون فتاوي الترابي… ههههههههههههه
    ربنا جمع سعيد بي سعيده….
    هل فتاوي الترابي من صميم الكتاب والسنة
    ام شطحات ويفتي علي كيفو
    ما رأيك ايها الكاتب في امامة المرأة للرجال أو حديث الذبابة أو عذاب القبر أو……أو….. أو
    فهولاء ام مغيبين أو سطحييين أو كرت كرتون
    ام منبهرين بالجلباب واللحية ويظنون أن الخشب اشب

  7. ياخ ما تشوف لينا بتوع المطاعم ديل يفتحو فرع في السوق العربي…يفتح راسك الكبير دا