أصبحت الطفلة السودانية سعاد الفاضلابي من أشهر نجوم السوشيال ميديا في بلادها بعد ظهورها في عدد من مقاطع الفيديو التي ناقشت من خلالها بعض القضايا التي تشغل الشارع السوداني ببراءة المعهودة.
الطفلة التي تخرجت قبل أيام من إحدى رياض الأطفال وفقاً لما نشر موقع النيلين في وقت سابق ناقشت من خلال هذا الفيديو أمر العنوسة.
ووفقاً لما شاهد محرر موقع النيلين فقد طالبت سعاد الرجال بالزواج على زواجاتهم لتنتهي العنوسة, وقالت ببراءة شديدة بحسب ما رصد محرر موقع النيلين: “دبلوا ياخ دبولوا” وتعني الرجال الذين وجهت لهم عدد من الأسئلة “يعني عاجباكم بورة البنات؟ “خائفين من شنو؟ والبحصل ليكم شنو؟”.
وختمت الطفلة التي وجد حديثها إعجاب رواد مواقع التواصل الاجتماعي بجملتها الشهيرة “بالغتوا بوليغ لكن”.
محمد عثمان _ الخرطوم
النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
محمد عثمان انت بقيت تباري الفارغه والمقدده
خلي الشافعه تلعب مالك ومال الشفع
شوف الشفع الكبار زي ناس لوووووووووو وكده
اتقي الله يا والد هذه الطفلة ولاتقحمها في أشياء اكبر من سنها دعوها تعيش طفولتها. ..ياخ دا قرف عديل كدا
موضوع لا يتناسب وسنها وطفولتها
دعوها تعيش طفولتها بما يتناسب مع سنها فلكل مرحلة ما يناسبها وما هكذا تنال الشهرة
.
دى زى ماقالوا حبوباتنا قلاصه وقله ادب زمان كان عيب تقعد مع الناس الكبار وعينه دى تلقاها بتشرب معاهم القهوه عديل الله يرحم التربيه بالفطره.
ذكرتني ب طفل الساعه بتاع أمريكا
أبوه سايق الولد مرره داير يقابل أمير مكا ومرره يقابل البشير وأوباما
وبيحتج لأنه دفع بتاع فندق الفاتح من جيوبه ونقنق ونقنق
والشافعه دي لما اتجت ببرأه الطفوله عن زياده سعر الخبز.
واشتهرت
أهلها كل مرره مطلعين ليها فيديو مصطنع والطفله لسسه ما فاهمه العرس معناتو شنو
الغايتو جنس عواره
صحيح شى مقرف التسول بمبادى الطفولة يا حرام السؤال لابو البنت دبلت ولا بتطلقوا فى الكلام بس
يعنى خلاص اهله بفتخرو بالكلام دا عبر الاشرطة دى قلاصة وقلة ادب ليس الا
ده انهاك صريح للطفولة
لا تقحموا اطفالكم في مواضيع لا تخصهم
تصحيح
ده انتهاك للطفولة .
والله البت دي تلقى أمها ز العينة الما عندها كبير ديك ومستعدة تسمع أي زول فارغ
بلا شك اقول لوالدي هذه الطفله
This is child abuse
اتقوا الله جيتو تكحلوها عميتوها
سمح يابتى بعد بابا يدبل التانيه اوعدك بنفكر فى نصيحتك ولازم تعملى لينا فديو تانى وتقولى لينا بابا عرس التانيه
نصيحه لوالد الطفله خلى طفلتك تعيش طفولته وماتقحمها بأشياء اكبر من سنها
سمح يابتى بعد بابا يدبل التانيه اوعدك بنفكر فى نصيحتك ولازم تعملى لينا فديو تانى وتقولى لينا بابا عرس التانيه
نصيحه لوالد الطفله خلى طفلتك تعيش طفولتها