موقف ود الامين فعله الصادق المهدي من قبل في حوش الخليفة وقال: (انتو جايين تسمعوني ولا انا جايي اسمعكم)؟!
إنفعال فنان!!!
تم تداول فيديو صادم جدا للفنان محمد الامين يظهر فيه غضبه من جمهوره لانه قاعد يغني معاه!!!
قال شنو قال( يا تغنوا إنتوا يا اغني انا) وكمان وقف الاغنية ورفض يواصلها منفعلا حتي مع العازفين!!!
العبدلله وهو بشاهد هذا الفيديو وجدتني اردد في سري الله يرحمك يا حوت ..الله يرحمك يامحمود.
محمد الامين اظنه نسي انه غني من قبل اكتوبرياته مطالبا الشعب بعدم الصمت في حضرة الطغاة فكيف يطالبهم الان بالصمت في حضرة مطرب؟
ذكرني موقف ود الامين بموقف الصادق المهدي اثناء ندوته في حوش الخليفة عندما هتفت جماهير الحزب فرد عليها الإمام (انتو جايين تسمعوني ولا انا جايي اسمعكم)؟!!!
غير مبرر وغير مقبول هذا الانفعال من فنان لان جمهوره غني معه… كمان غير مقبول هذا الخنوع والخضوع من الجمهور الذي لم يخرج تاركا له المسرح مستعوضا الله في ماله ووقته…ياخ الامام في الصلاة بقولوا وراه امييييين.
ثم اين سيغني هذا الشعب المغلوب علي امره..فاذا غني الواحد في غرفته صاح فيه والده اقرأ ياولد وبطل الكلام الفارغ دا…واذا غني في الحمام صاحت فيه امه اسكت (بلفحك)شيطان..واذا غني في الشارع قالوا (شقي ومجنون) اها حتي اذا غنيت مع فنانك في المسرح ينهرك ويقول ليك اقعد واسمع وانت ساكت؟!!!
اذا كان غناء الجماهير مع الفنان يمنعه(التصرف)عليه ان يقول ذلك بطريقة تحترم الذين احبوه وان (يتصرف)هو بطريقه اكثر مرونة مش نهير وزعل وكواريك ووقيف غنا…ياخ دي ناس دفعت قروش ومواصلات وخلت الوراها والقدامها عشان تسمعك وتغني معاك فما اظنهم يستاهلوا انفعالك السالب معاهم.
علي الفنان محمد الامين الاعتذار لجمهوره (علنا)فما قام به في المسرح خصم كثيرا من رصيده والرجل (ماناقص).
سؤال:انتو ابو الامين دا مالو سكت الناس هو كان بقول في خطبة جمعة ولا كان بغني؟!
بقلم
خالد ضياء الدين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
والله ياودالامين عمليتك دي
عمر البشكير ماعملها
معقوله ولا اليوم داك جاري هوا
ياخي السودانيين محل مايمشو يخرمجوها الواحد ماشي يستمتع بالفنان يقوم يعمل هو فنان والله ود الامين اداهم درس مظبوط بلاش فوضة ضاربة في الاعماق