مداراتمنوعات

مفاجأة..شاب سوداني يعلن خوضه انتخابات الرئاسة أمام البشير ويكشف عن برنامجه الانتخابي “السودان شباب وكفاءة”


كشف دكتور سوداني وعبر حسابه على موقع التواصل الاجتماعي “تويتر” نيته في منافسة الرئيس السوداني المشير عمر حسن أحمد البشير على مقعد الرئاسة في الانتخابات القادمة 2020.

وبحسب متابعات محرر موقع النيلين فقد دون أحمد مقلد تغريدة عبر تويتر أعلن من خلالها تقدمه بالترشح لرئاسة في النتخابات القادمة.

ووفقاً لمتابعات محرر موقع النيلين فقد كشف الشاب صاحب ال 34 عام عن برنامجه الانتخابي والذي يأتي بعنوان “السودان شباب وكفاءة” وأعلن مقلد عن نشر البرنامج كامل على السوشيال ميديا حال تم اعتماده رسمياً.

واستفسر دكتور أحمد في ختام تدوينته التي تابعها محرر موقع النيلين “كيف يمكنني التقدم بأوراقي للإعتماد؟”.

محمد عثمان _ الخرطوم

النيلين


‫18 تعليقات

  1. يا دكتور ما عوزين شعارات قدم أوراقك للسباح كجياب يفحصها أولا الكانو قبلك أشطر وفر على نفسك مشقة المنافسة والا عاوز شهره صاح أم أنا غلطان .

  2. يا دكتور ما عوزين شعارات قدم أوراقك للسباح كجياب يفحصها أولا الكانو قبلك أشطر وفر على نفسك مشقة المنافسة والا عاوز شهره صاح أم أنا غلطان . ما حصل أبوي أعرضوا لو سمحت والتكرار مردود

  3. بنرشحك طواااااااااااااااااااالي……… كرهنا الكيزان المنافقين ديل

  4. حا تفوز في مواقع التواصل وترأس ناس مواقع التواصل
    احسن ليك العالم الافتراضي تعمل فيه الانت عايزو وتطبق كل نظرياتك

  5. والله يا اخوى مرشح الرئاسة (البشكير ) لو نزل واترشح مع ابليس حايفوز عليه الموضوع يا اخوى منتهى بشه فايز فايز
    شوف ليك شغلة ثانية . اذا كانت الانتخابات نزيها من غير غش وفبركة ممكن صلاح ركب يفوز عليه

  6. خلاص يازول انت من اليوم اخترناك رئيس علينا فى مواقع التواصل الاجتماعى بس اوعى تكون قطة من القطط اياهم
    نحنا فى الدنيا دى كرهتنا القطط والجقور ونمل السكر والضببة نرجوا ان يكون برنامجك محاربة هذه الأفات الضارة0000

  7. ده ماعنده موضوع وشكلو قافله معاه وعايز يعمل كده نظام يشتهر ويبقى حديث وشمار الناس ونظام يجي طالع ويعاينو ليو ويقول اي انا زاتي بتاع الترشيح ههههههه

  8. بالتوفيق ان شاءالله نقف معك قلبا وقالبا كفاية العجائز ديل اخدو فرصتهم واثبتو فشلهم

  9. الحنك كللللللو في جملة منافسة البشير دي, دي الرسالة المقصودة من الخبر , كيفية بث وتقبل فكرة انو البشير مرشح, لا والف لا , خلاص فترته انتهت , ما قصر الحبيب, نشوف غيرو وان شاءالله يجي معاهو الخير, عايزين شباب , خلاص تعبنا من العواجيز ديل

  10. بالتوفيق أخي العزيز و أنا أول مؤيد لسيادتكم
    أعلن الترشح الآن في المواقع و أحصل على عدد من المؤيدين يصل 5000 أعتقد مطلوب هذا العدد للترشح

  11. ـ لجمهورية السودان رئيس ينتخبه الشعب مباشرة في انتخابات قومية وفقاً للقانون والنظم التي تضعها المفوضية القومية للانتخابات.

    أهلية رئيس الجمهورية

    53ـ يجب أن تتوفر في المرشح لمنصب رئيس الجمهورية الشروط التالية:ـ

    (أ) أن يكون سودانياً بالميلاد،

    (ب) أن يكون سليم العقل،

    (ج) ألا يقل عمره عن أربعين عاماً،

    (د) أن يكون ملماً بالقراءة والكتابة،

    (هـ) ألا يكون قد أُدين في جريمة تتعلق بالأمانة أو الفساد الأخلاقي.

    معليش كأن الدستور يحدد العمر ب 40 سنة ما عارف هذا من دستور 2005 م

  12. 40 سنة دي مفترض ينقصوها خمسة سنة وتكون 35
    عشان اخونا دا السنة الجاية بكمل الـ 35 وبعدين نرشحك طوالي
    علي بالطلاق اي زول غير بشة نديهو صوتنا ومغمضين لو كان ابو دبرك ذاااااااااتو

  13. موضوعك من الآخر كده مطرشق ….
    حتي ولو قدمت برنامجك الأنتخابي وكان مقتع … آها ندخل في تفاصيل التمويل لحملتك الأنتخابية ، لازم تلف كل ولايات السودان عشان تطرح برنامجك علي المواطن وعاوز معاونين يساعدوك لتنظيم هذا البرنامج يعني الحكاية ما ساهله يا د. مقلد وطبعا ما تنسي القطط السمان الواقفين مع تمساحهم الكبييييييير بشه أول حاجة القطط ديه حتخربشك والتمساح حيبلعك ، كده جبتها ليك من الآخر .
    لو عاوز تضمن فوزك في هذه الأنتخابات يكون التمويل بتاعك من محكمة الجنايات مع مساندة من حقوق الأنسان عشان يضمنوا أنو التمساح ما حيبلعك …
    من الآخر ……. أنسي الموضوع .

    وصدقني لو كان هناك شفافية في الأنتخابات وبدون تكتلات لبقطط السمان والتمساح ، لو “عوضية سمك” مع أحترامنا لهذه الشخصية المكافحة رشحت نفسها في الأنتخابات الرئاسية ضد البشير حتفوز بتفوق .

  14. لكي تفوز على البشير يجب ان يكون في برنامجك الانتخابي الآتي:-
    1- تطبيق الشريعة الاسلامية بحذافيرها وخاصة الحدود السرقة والزنى وحد الحرابة
    2- مكافحة الفساد والمفسدين وتقديمهم للمشنقة ومصادرة كافة ما تم نهبه من المال العام
    3- قطع العلاقات واغلاق الحدود مع الكيان المحتل واعادة حلايب وشلاتين وابورماد لحضن الوطن
    4- تشغيل كافة الخريجين والمساواة في توزيع الثروة والتوظيف وكل من عمل في الدولة عليه ان يستريح لياتي غيره فالاموال محدودة فالكل يجب ان ياخذ من اموال الدولة بالقدر بطريقة عادلة
    5- توزيع السلطة بشكل عادل كل شهر وزير وتقليص الصلاحيات وتقليص عدد الوزارات وعدد الوزراء
    6- السودان للسودانيين فقط واي واحد غير سوداني يدفع عن كل يوم اقامة في السودان مبلغ وقدره والا يغادر والغاء كافة القوانين سواء سوريا او فلسطين او غيره يعتبر غير سوداني والغاء كافة القيود الخاصة
    7- عمل جيش قومي موحد (قوات برية وبحرية وجوية ومدفعجية) وشرطي (امن مرور بوليس) كفريق واحد في سيارة واحدة
    8- اعادة النظر في حال المستشفيات وتكوين فرق طبية موحدة من كافة التخصصات في كل مستشفى والعمل على اعادة هيبة الطب والصحة في البلاد من ان اضاعة هيبة الطب والصحة حميدة وقردة
    9- اصلاح حال التعليم والمعلمين
    10- التعليم والصحة حق لكل مواطن مجاني والزامي
    11- الناس امام القانون سواسية لا توجد حصانات دبلوماسية ولا غيره
    12- والاهم الغاء حاجة اسمها ايه تبع المغتربين واحالتها للداخلية جيش والغاء حاجة اسمها سفارات فقط سفير وقائم بالاعمال + 2 مساعدين في كل بلد
    13- الحكومة الالكترونية وتفعيل بان لا يدفع المواطن اي مبلغ مالي للدولة الا الكترونيا ويصب في حساب واحد من عدة حسابات حسب
    14- الغاء بنك السودان وعمل بنك السودان للثروات المختلفة كبنك السودان للثروة الزراعية والحيوانية وبنك السودان للثروة المعدنية والبترول والغاز وبنك السودان العام
    15- العمل حق لكل مواطن والتوزيع العادل للوظائف في الحكومة خلاص واحد اشتغل خمسة سنوات يجي غيره لين تجي عليه الدور اذا هو حي عدد السنوات تكون محددة في كل دورة لموظف
    16- تقليص عدد الوزارات لخمسة وزارات فقط وخمسة وزراء ومجلس واحد فقط وزراء وشعب ورئيس لمن ياتي اولا يجلس في المجلس شعب وزراء الكل مجلس العموم السوداني والغاء حاجة اسمها برلمان وغيره ولا نثريات ولا سفريات ولا خرابيط والغاء حاجة اسمها والي مافي ولا محافظ ولا عمدة الكل مواطن والمركبات الحكومية عامة والغاء المركبات الحكومية نهائيا الكل بمركبات خاصة موحد واصلاح حال البلد من طرق وكباري وقطارات ومطارات وطائرات نظام موحد

  15. معاك والله قلبا وقالبا خلي العساكر تغور وتاني حاجة البقول حدود السارق وغيرة يااخي خلينا من الشعارات عيش الناس الاول صح وبعدين اتكلم

  16. د. أحمد
    شخصيه خيريه
    تحب العمل الخيري والانساني
    ما حصل طلبنا منو حاجه الا ونفذا لينا طوالي.