أبرز العناوينسياسية

السودان .. قرار جمهوري بإعفاء وزير الخارجية


أصدر المشير عمر حسن احمد البشير رئيس الجمهورية مساء الخميس قرارا جمهوريا أعفى بموجبه بروفيسور إبراهيم أحمد غندور من منصبه كوزير للخارجية.

الخرطوم 19-4-2018 (سونا )


‫22 تعليقات

  1. خلاص خربت ده احسن وزير فى الحكومه رجل يمتلك خاصبه فى التعامل مع الآخرين

    1. لا حول ولاقوة الا بالله
      الناجح لا مكان له مع الفاشل
      عرفنا البئر وغطاها من فتره
      وعرفنا مصير اي زول ناجح وحاسم وصارم
      ومستنير وبعرف اتكلم وبعرف ادب واحترام
      وبعرف الرد السريع ع السؤالات الملغومه
      الحق يقال اغلب اهل السودان كانت تتمني غندور رئيس او ايلا او حتي رجالات الجيش والامن الاقوياء
      الحكومه الفاشله تثبت فشلها ديمه وكل لحظه
      الفاشل مكنكش ف الكرسي
      والناجح اول المغادرين الي الخور
      اي رجل قوي وفاهم من 29 سنه بركب التونسيه لماذا ؟ لا ندري
      ربما الماسون والصليب و الطابور
      وداعا البروف الناجح غندور المحسود مهندس رفع العقوبات وعودة العلاقات العربيه
      ومرحبا بالفاشل القادم لانو اكيد ح اكون معزول تابع لا يهش ولا ينش بدون كاريزما او ذكاء او دبلوماسيه مصحوبه بمكر ودهاء
      صفات كانت عند لغندور + بكره اطلعوا عايز اعمل انقلاب او عندو جواز مصري
      او اي خزعبلات+ شفنا وسمعنا وعايشنا غلطات كارثيه لكتار من الوزراء الفشله لم تحرك ساكن
      بل ما زالو عن نفس الاخطاء وعلي نفس الكراسي@ وصلتا ع قناعه ان اي شئ يعكر صفاء اهل السودان الحكومه بتعملو واي شئ بريح العباد والبلاد الحكومه ما بتعملوا@ امتحان صعب لاهل البلاد

    2. نعم هو يعرف كيف يتعامل مع الأوربيين لكنه منبرش أمام المصريين أتمنى من الرئيس البشير تعين العكيليتة د.أمين حسن عمر وزيرا للخارجية لأنه بيعرف يتعامل مع الجار الجنب جيدا كما أنه يعرف من أين توكل كتوف الخواجات فهو داخل المطبخ السياسى منذ ما قبل نيفاشا

  2. موقف مشرف لبروفسور غندور،،،،هو يعلم ان كلام مثل هذا قد يكون سببآ فى اقالته،،،،لكن الرجل قال كلمة الحق فى وجه سلطان جاير

  3. اذا كانت نيتك مبيتة لطرده ،، فلماذا لم تقبل إستقالته وقد تقدم بها من قبل ؟
    بلد يحكمها لجوج حقود حسود ، وهي لم تدم لغيرك ولن تدوم لك ، ونهايتك ستكون على يد هذه الضباع التي تتمسح بك وهي لا تشبع من امتصاص دم هذا الشعب. وعلى الباغي تدور الدوائر.

  4. السودان خسر أحد أبنائه المخلصين انه ليوم حزين يمر علي الخارجية السودانيه بدون غندور

  5. والنار تأكل بعضها ( إن ) لم تجد ما تأكله ..
    عوض ( الجاز ) القديم ( البديل ) القادم ..
    ويضعون بذلك ( كل ) البيض في نفس السلة ..

  6. برغم اختلافنا مع غندور ولكن شجاعته ولو متأخرة يشكر عليها الرجل نطق بالحقيقة وتلك هي الحقيقة التي يخالفها البشير.. بلد ماشة بالجبايات بعد تضيق الخناق على غسيل الأموال من المجتمع الدولي
    نتمنى أن يكون البشير صادقا وشجاعا هو الآخر ويتقدم باستقالته وتعين حكومة قوميه بدون مشاركة
    حزب البشير وما يسمى المؤتمر الشعبي واحزاب الفكة.
    السودان ملئ بالكفاءات المؤهلة لإدارة البلد والخروج من الورطة التي أدخلنا فيها البشير بجهله وغبائه وحاشيته وأسرته

  7. لاحولا ولاقوه إلا بالله هذا ماكنا نخشاه
    هذا آخر كرت كنا نعول عليه
    وفقذ بهذا القرار
    مهما يكن لايمكن أن نصل إلي هذا المستوي
    غندور فقد جلل لك الله ياسودان

    1. أرجعى لى خطاب غندور فى البرلمان قبل يومين وحا تعرفى السبب يا بت أبوها…

  8. انتخبوا هذا الغندور رئيساً للبلاد ومعه رجل آخر يدعى غازي واحضروا معهم ثالث لا يخاف في الحق لومة لائم واكنسوا الوهم ديل كلهم الى مزبلة التاريخ
    بلد ماشة بالخلف

  9. ووزيرة الكشف والتاليم .. قاعدة!!!؟ .. هي أولى بالطرد مش إلاقالة …

  10. غندور غلطان كان يمشي مع بشه السعوديه ويعمل ليه عمره ويجيب معاه الايفون الجديد ويجي راجع .بعدين وين المشكله مشي غندور يجي غندور تاني اصلا هم كلهم غنادير .

  11. كلكم يا سودانيين عندكم زهايمر .. كل كوز هو فاسد حتي لو لم يسرق قرش .. وده لانو سكت علي سرقت الكيزان لي أموال الشعب.
    فالكل فاسد أو شيطان أخرس وبلا استثناء

  12. الحق بزعل الرجل قالهم البعثات الدبلوماسية ليها سبعه اشهر ما حولت لهم رواتبهم.

  13. انا بسال اين دخل السفارات السودانية من رسوم مستندات المغتربين او سياحه وبعدين لو عاوز تطلع مستند في فرق في السعر فيwebsite ولما تروح السفارة من المسؤل عن الفوضه طبعا غندور

  14. معاك حق ….. أنا مستغرب الناس بتشكر فيهو كما لو أنو ماعنده علاقة مع الكيزان ….. ده كوز نتن من بدايات الإنقاز …. ساهم فى تشريد العمال وسيطرة الكيزان على النقابات …… وهو من مجموعة محمد عطا وبكرى حسن صالح …. عشان كده شيلته من منصبه كانت مسألة زمن وهو متوقعها وقرر انو يطلع من المنصب كبطل مستند على عاطفة الشعب السودانى وحوجة الشعب السودانى لأبطال فى المرحلة دى

  15. مما شفتو ببكي بعد زنقة جنوب افريقيا عرفتو ما بقدر علي الملاعب الخشنة دي.

  16. ده مش ياهو غندور الطرطور اللي قعد يبكي بعد شردة أسد أفريقيا من جنوب افريقيا

  17. بالطبع الراجل له محاسنه وله بعض الهنات والكمال لله ورجل ادى واجبه وقال بان سفرائه لم يتلقوا رواتب منذ فترة وكان الاجدر بان لا يصرح بذلك وليس الخارجية نقابة عمال ومع احترامى لانهم اكثر الناس هضما لحقوقهم ويمكن السفراء يمشوا امورهم لان كل سفارة لديها مصدر رزق معروف هو جباية الرسوم و رسوم وبتمشى الحال والى ان يصلهم الرواتب الان الوطن فى زنقه واضحة وتخبط وانت يا اخوى وزير الخارجيه بان البلد دمرت اقتصاديا ولم تستفد من كل هيلمانة الاستثمار ولان التنمية الحقيقة هى تنمية القطاع الزراعى والحيوانى والصناعى وحكومتك دمرت تلك المشاريع وعاوزه تعمل رقع فى وقت انهار الاقتصاد والعمله الوطنية ومنح دول الخليج لم توظف صحيحيا لنشل الحاله لان حكومه واسعة وعريضة مكلفة على المواطن والتنمية وخصم لدود الان على حياة المواطن ولا يمكن تغير الوضع الا بحل الحكومه الحاليه وخلق جسم وحكومه رشيقه جدا جدا وسوف تكون النتائج افضل والترشيد الشديد على الوزراء ومخصاصتهم وتقليص كثير من المصروفات وايضا محاربة الفساد الفساد وختاما باذنه الحال بنصلح ووكون تقيل شخص محترم كوزير الخارجية وليس هو الحل ؟ بل هو كبش الفداء كما يقال؟؟والله المستعان