تداول رواد مواقع التواصل الاجتماعي بالسودا في الأسبابيع الماضية صور لشاب سوداني قال ناشروها أنها في دولة الصن الشعبية ومن مراسم حفل زواج الشاب من إحدى الفتيات الصينيات.
محرر موقع النيلين تابع ورصد التفاصيل وتحصل على تدوينة قام بنشرها الشاب صاحب الصور الواسعة الانتشار ويدعى محمد الجيلي.
حيث قال الجيلي بحسب ما نقل منه محرر موقع النيلين: “توضيح للضجه الاعلاميه الحصلت أول حاجة للاسف انا لسه اعزب, وتاني حاجه بشكر كل زول بارك وفرح لي من دون قصد وربنا يوعدنا كلنا نتزوج ونفرح ونفرح اهلنا.
وواصل الجيلي توضيحه للحقائق وقال: الزوله الفي الصوره معاي دي م مرتي ولا حاجه ، دي من اعظم الشخصيات المرت علي ف حياتي معلمتي واختي وصحبتي والعملتو معاي ومع غيري م بسيط
ف اقل حاجه مشيت اعمل الواجب وطبعا نحنا ف عرفنا ماف زول بتصور مع العروس كدا ( مع انو الموضوع هناك عادي ).
وحصل الحصل نزلت الصور وبعد دقايق التهاني والتبريكات بدت و م لحقت اعدل حاجه ، لانو استخدام وسائل التواصل الاجتماعي في الصين محتاجه VPN ومرات بتكون فيهو مشاكل فالموضوع خرج عن السيطرة.
وختم محمد الجيلي تغريدته التي تابعها محرر موقع النيلين: السودانية ما فيها عيب عشان نفضل الاجنبيه عليها ولا هي افضل نساء الكون عشان م نتزوج اجنبيه بدلها في النهايه كلو قسمه ونصيب.
محمد عثمان _ الخرطوم
النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
اسمو محمد الجعلي وليس الجيلي