سياسية

قوى دارفورية: إجتماعات نداء السودان بباريس “تحصيل حاصل”


وصفت قوى درفورية، إجتماعات قوى نداء السودان والحركات المسلحة بباريس بأنه “تحصيل حاصل” وأن مخرجاتها دائماً ما تولد “ميتة”.

ووصف محمد إدريس عضو هيئة القيادة لحركة تحرير السودان الثورة الثانية بقيادة أبوالقاسم إمام في تصريح لـ(smc) مكونات نداء السودان بأنها مجموعات متناقضة في الفكر والرؤى ولا يوجد ما يجمعها سوى معارضتها للحكومة والحوار الوطني، واصفاً إياه بأنه تحالف ظرفي سينهار في أقرب وقت.

ودعا إدريس الحكومة وأحزاب الحوار للمزيد من الجهود والتواصل ومد الأيادي للقوى السياسية الرافضة للعودة لحضن الوطن، مشيراً إلى أن الشعب السوداني ملّ من العمل المسلح والمعارضة السلبية.

وفي السياق أكد أحمد عبدالمجيد الناطق الرسمي لحركة العدل والمساواة بقيادة دبجو، فشل جميع التحالفات التي تجمع الحركات المسلحة والأحزاب السياسية، مشيراً إلى أن إجتماعات نداء السودان بباريس إجتماعات لا يرجى منها، مؤكداً فشل المعارضة في تقديم خطاب واقعي يجذب الناس إليها، واصفاً هذه الإجتماعات بأنها فرقعة إعلامية وتحصيل حاصل.

الخرطوم (smc)


تعليق واحد

  1. نحنا ماعندنا معارضه غير الوجوه دي
    الصادق المهدي خليل وعرمان وعقار
    عشان كده ماعندنا غير المؤتمر الوثني
    وهو شايف فيكم انتو لا ديمقراطيه لا وطنيه
    ياناس المعارضه لو كنتوا جادين
    كان جاتكم في طبق من دهب فرصة ازمة الوقود
    لكن في وقت الشده ماعارف نمتوا ولا زقتوا وين
    ماسمعنا منكم ولا حرف الناس هنا متضايقين وانتو نايمين في بيوتكم
    وهسه عايزين تظهروا لينا باجتماع في باريس
    علاقتنا شنو بباريس
    الشئ التاني كفانا منكم واقولها ليكم ماحتنجحوا خالص
    لسبب واحد والسبب ده بقي مشترك بينكم وبين الحكومه
    يبقي هنا حيفوز من هو في السلطه
    عايزين السبب : كلكم عنصريين لو المعارضه او الحكومه
    والحكومة اتعاملت معاكم بسياسة فرق تسد
    اها هي في السلطة وانتو في الخلا
    يبقي الحكومة استحوزت علي المناصب الحساسة كلها وبقت تتعامل مع القاعدة
    بتاعتكم بسياسة لو عايزين تعيشوا نحنا بنوفر ليكم اي حاجه وسيبكم من ناسكم ديل
    والعكس هنا الحكومة كمان بقت تتعامل مع القاعده بتاعتها
    وتقول ليهم الحكومة دي كويسه وماتسمعوا كلام ناس المعارضه
    يبقي هنا كرتكم حرق .
    وفعلا لو مسكنا حركات دارفور مع بعضها مامتفقه
    وبعدين ماعرفنا دارفور دي فيها كم قبيلة وليه بس قبيلة واحده بتتكلم باسم دارفور ؟؟؟
    وليه بس حتي القبيلة الواحده من زعيمها وحتي جنودها من نوع واحد
    ياتري دي مش العنصريه زااااتها ولا حتترجموها كيف ؟
    وليه الحكومة بتوظف اولاد القبيله الواحده دي ولسه عاملين فيها حاسين بظلم
    وين توظيف باقي القبائل التانيه ياناس ضيعتوا لينا بلدنا فكروا وسيبكم من امريكا واوربا
    ديل ناس عايزين مصلحتهم وبس . لكن انتو عايزين برضو مصلحتكم مش مصلحة الوطن
    عارفنكم وسامعين بيكم قالوا مشيتوا اوربا وعملتوها تجارة وتحويلات
    انا كم مرة مشيت استلمت تحويله من قريبي في اوربا معاكم
    بمشي استلمها من نفس القبيله حتي الماسكين المكتب منهم قلنا مافي مشكله
    لكن اخباركم هنا في السودان معانا يبقي انتو فاكرين الحكومة دي عويره للدرجه دي
    ومافاهمه انتو بتهدفوا لشنو ابدا يا اغبياء الحكومة فهمتكم ويمكن خاضت تجربة نفس تجربتكم دي
    مع الجنوبيين يبقي تاني ما بتدقس ليكم المهم انحنا هنا عايشين ومرتاحين
    ازمة بنزين ولا غلاء اسعار ولا ازمة مواصلات ولا غيره ماعايزين ناس معارضة زي امثالكم
    لمن تتفقوا وتغيروا الوجوه دي ونقدر نعرف طريقة تفكيركم بعداك تعالوا قولوا عايزين تحكموا
    ضيعتوا دارفور الا انتو والساهم مع الحكومة في تدمير دارفور ياهو انتو
    والقتل المواطن في دارفور انتو والحكومة . والساعد في تخلف دارفور انتو والحكومة
    شغالين تجاره في اوربا ومرتاحين من فندق لفندق ويقول ليكم انحنا مهمشين
    تعالوا اقعدوا مع المهمشين ديل وناضلوا من الداخل
    ياخي نحنا بنشوف ناس هنا وضعهم يرثي له معقوله ياناس فكروا حبة
    بعدين حركة العدل والمساواة دي عشان اجيبها ليكم من الاخر
    رئيسها كان منو ومن غيرما تختشوا النائب منو والمستشار منو والحرص منو
    انتو فاكرين انحنا ماعارفين الحركات دي كلها ولا شنو
    الحمد لله اهلكم الفروا منكم جابوهم هنا في التلفزيون وكشفوا معلومات
    لو انتو متابعين وعندكم مخ صحي تاني مفروض تمشوا تشوفوا ليكم حواشات تشتغلوا فيها
    لكن طبعا بعد كده فهمنا انكم بتغشوا في الاوربيين وتاكلوا قروشهم باسم الحرب
    لكن اوربا باعتكم تاني مع حميدتي ده تشموها قدحة
    احسن سريع سريع تلموا ليكم قروش من اوربا وتشوفوا ليكم تجاره سريعه
    لانو بعد شويه اوربا نفسها حتقفل ليكم الباب ده وتاكلوا نيم .
    سوداني حريص علي بلده من الشرق للغرب للشمال للجنوب
    لا حزبيه ولا جهويه ولا دينيه ولا عنصرية . الولاء للسودان وحده