رأت لوشي المبارك (أن عشم مسلسل درامي يحاكي الواقع كما هُو بدون اَي تزييف !)، ويشار الى أن المسلسل الذي يبث على قناة سودانية24 يثير ضجة واسعة في السوشيال ميديا.
وقالت نجمة السوشيال والمذيعة بقناة سودانية24 ،لوشي (كثيرة هي الانتقادات إللي لاحظتها بخصوص هذا المسلسل الذي شكل نجاح واضح وهو في حلقاتة الاولى، هذا العمل الدرامي واجه الكثير من الاّراء سواء كانت مع أو ضد).
وأضافت لوشي (خلونا نكون واقعيين شوية ! ليه بتقولو المسلسل مابشبه السودانين ليه دائماً بتحاولو تمسكو في الجانب المظلم بس، ليه مانعاين لي عشم انه جهد ناس تعبت وسهرت وعانت عشان ترضي عين المشاهد وتقدم ليو حاجة جديدة ووجوة جديدة ممكن تنافس عالمياً وممكن نقول دي نقله واضحة للعمل الدرامي السوداني ودا تفوق ونجاح).
وأوضحت لوشي (عشم هو الواقع والترجمة لجيل الْيَوْمَ وبكرا وبعدو، عشم بالضبط بحكي حياة اَي مغترب وأفتكر المغتربين كلهم عاشو كل التفاصيل الاتحكت، عشم واقع حقيقي وليس تمثيل كما يدعي الكثيرون كلنا بنلبس كدا كلنا قرينا جامعة وفضلنا الداخليات عن بيت حبوبه كلنا مشينا مناسبات كلنا قعدنا في كافيهات كلنا فتشنا حُجج عشان نقولها لي اهلنا).
وأضافت لوشي بحسب ما نقلت عنها محررة النيلين (أنا ماعاوزة أتكلم عن العادات والمبادىء وكل شخص حر في تفاصيله وكل بنت خرجت من بيتها سواء لبست طرحة أو لا دا موضوع تاني ما احنا الحنحكم عليها أو على تربيه اَهلها ليها، اَي شخص حيقرا كلامي دا ياريت يعاين حوالينو حيلاقي إنّو الواقع الاحنا عايشنو مشابه تماما لما يدور في احداث عشم).
وقالت لوشي (نجاح عشم ما عشان طلع من شاشة الجوال الى شاشة التلفاز النجاح الحقيقي عشان كمية المجهود الواضح البذلوه في انهم ينقلو الواقع كما هو، كان نفسي أقول رأي بعد ينتهي المسلسل بس ماقدرت أتحمل كميه النفاق المجتمعي الحاصل دا).
ريم منصور/النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
واضح لوشي غيرانة من بنات عشم..
قلت الزيت بلغة اليوم.. كلامك موضوعي واصلا السودانيين ديل جاري في دمهم التشنيف وحب الانتقاد والفلسفة الشترا ولو انجيلا جولي كانت سودانيه كان قالو ام عضيبات دي ما بتعرف تمثل.. احباط بس تاني ما عندهم اي فهم
لووووووشيييييي !
اذا انتى فضلتى الداخليات على بيت حبوبتك .. فالنتيجة واضحة مامحتاجه غلاط ..
واذا انتى اتحجتى على اهلك .. ماتحكمى على كل بنات السودان بانهم ذيك فى بنات وفى اشباه بنات .. واظن النوع الاول خاتيك
ولبسك ليك ولى امك سوسن الخفجى .. ولا انتى ولا امك مقياس لى لبس بنات السودان
دي بنت هاملة ما عندها والي اراعيها لا هي ولا امها ، وانا متأكد تماماً ان هذه البنت لا نتصلي ولا بتعرف الصلاة ، ودي عائلة فاسدة اخلاقياً وما بتشبهنا احنا السودانيين .
حال البيت السودانى المسلم المستور الذى يراعى الحلال والحرام بالرجوع لكتاب الله وسنه نبيه الكريم لم تعيشيه ولن تعيشيه الا اذا رجعتى الى كتاب الله وسنه نبيه الكريم……. وهذه تعتبر تخلف ورجعيه لديك حسب كلامك او ما نسب اليك فحياه المسلم او المسلمه لا تحتاج الى تمثيل ومسلسل وتقييم وتنظر ….اذا نظر الانسان لحاله من منظور القرأن والسنه لحياته ومعاشه ومماته لظل يبكى ليلا ويسعى نهارا نسأل الله الهدايه لنا ولكم .
ماقدرت أتحمل كميه النفاق المجتمعي الحاصل دا).المجتمع رفض الخروج عن النص المجتمع لا يريد إدخال عادات و تقاليد و تقليعات غيره يا بت الناس هذا المجتمع مجتمع مسلم ….