هجوم على أثنين من الموظفين ببنك وإصابتهما بجروح خطيرة على يد عميل
نفذ عميل عميلة إعتداء بطفاية حريق على أثنين من الموظفين ببنك تنمية الصادرات فرع السوق المحلي بالخرطوم وتسبب في إصابتهما بجروح خطيرة وبالأذى الجسيم الذي أسعفا جراءه الى المستشفى لتلقي العلاج في وضع صحي حرج .
وكشفت متابعة للحادثة عن نشوب مشادة كلامية حادة بين العميل والصراف بالبنك محمد يوسف المجني عليه الاول حول مطالبة الاول للبنك بتوفير قيمة شيك قدره (50) ألف جنيه، فيما أكد له الصراف عدم إمكانية توفير المبلغ كاملاً لإنعدام السيولة إلا إن العميل حسم المشاداة الكلامية بأن التقط طفاية الحريق التي كانت موجودة بإحدى اركان صالة المعاملات بالبنك وإنهال بها بالضرب على الصراف في رأسه مسبباً له الجراح .
وعندما حاول رئيس الخزنة محمد إبراهيم إثناءه عن إصابة الصراف بالأذى والحيلولة دونما أن تتطور الاحداث إنهال عليه – ايضاً – بالضرب وإصابه بالطفاية بمنطقة تبعد بضع سنتمرات عن إحدى عينيه ليكون المجني عليه الثاني بالبنك في الحادثة التي وقعت نهاية الأسبوع الفائت .
وأفادت المتابعات وبحسب صحيفة الاخبار، بتدوين بلاغاً جنائياً بالحادثة بقسم شرطة السوق المحلي ضد الجاني الذي تم توقيفه في الحال ومازالت إجراءات البلاغ مستمرة في الوقت الذي يخضع فيه المجني عليهما للعلاج .
الخرطوم (كوش نيوز)
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
إذا استمرت الازمه انا اتوقع ان تحدث أمور أكثر من هذا مثل القتل وحرق البنوك
تخيل شخص والدته طريحه الفراش في المستشفي ويحرم من أمواله من البنك بحجة عدم وجود سيولة. وأثناء هذا التماطل ينفذ قدر الله في والدته وتوفت.تخيلو معي ماذا قد يكون ردت فعله إلا تتوقعون أن شخصا ما سيحرق البنك ومافيه.هذا وارد
طبعا متوقع.
والحقيقة ناس كتيرين حيتعاطفوا مع من سيقدم على هذه الخطوة.
أنا شخصيا بتعاطف مع كل زول يحاول يشيل حقو بالقوة، والأفضل كمان لو زول رفع قضية في المحكمة على البنوك وعلى الحكومة وبنك السودان.
الافضل لو شبه الرجال القام بالعملية سوى رجالتو الحقيقية دي وضرب المسئولين الحقيقين أصحاب القرار لأنو الموظفين الاتنين التعبانين وكمام مديونين ذنبهم شنو ديل جهة تنفيذية ما أصحاب قرار بلا ياخدو ينطبق عليهو المثل غلبتو مرتو قال عاوز يأدب حماتو
حقيقة اذا استمرت هذه الازمة المفتعلة من قبل وزارة المالية وبنك السودان ومن خلفهم بشة الارعن سوف يحدث اكثر من ذلك
عفيت منه بس الدقة دي عايزها الركابي في راسو الماكن دا زي التيس الفحل
ما عندك مرجلة بتعريفة لو عندك مرجلة كان تضرب المسئول عن القرار وعاااااااارف مكانو وين الموظف الكحيان التعبان والمديون ده ذنبو شنو؟؟؟؟؟؟؟
هو أدى قروشو للمسؤول عن القرار ولّ لموظف البنك؟ أداها لموظف البنك، يبقى مفروض موظف البنك يرجع ليهو قروشو.
مسالة بسيطة ومفهومة.
الله يعلي فهمك ههههههه أداها ليهو سلفة شخصية والموظف ابى يرجعها ليهو يعني ولا شنو؟؟؟؟
موظفين البنوك برضو يستاعلو الضرب و الحرق ما تقول لي وزراء و مسؤلين
لانو الموظفين في البنوك معظمهم فااااسد و استغلو الازمة و بعرفو يطلعو قروش لاصحاب الواسطة و للبدفع و الماعندو ضهر ما بلقي حقو الجابو بي عرقو
الإيداع يعني امانه يستردها صاحبها متي شاء هذا هو عقد الإيداع في حالة عدم الصرف يعني خيانة أمانة
كويس ما اداكم طلقة في راسكم
القروش طبعآ بتتصرف لي ناس الوسطات والمعارف اااي مبلغ وفِي ااي وقت
والمساكين والفقراء ليهم رب كريم
الله يصرفك عنا يا البشير ويبدلنا إنسان أفضل منك
فقط جبت لي السودان الفساد والدعارة والخمر والرشاوي افست شعب بأكملها حسبي الله ونعم الوكيل
وبشه ماشي السعوديه المشيه التلحق زين العابدين بتاع تونس
انا لو محل الموظف بدخل الزول دا طوالى للمدير واشيل معاهو الطفايه واقفل عليهم الباب ……اذا فى كم مدير عندهم كرامه يقفلوا البنوك دى ويعملوا وقفه احتجاجيه فى بنك السودان وبعد داك الناس تساعدهم شويه بى فهم راقى من غير اى اعمال تخريبيه واذا الموضوع ما اتحلى ما يفتحوا البنوك تانى والعندوا قروش يمشى المطبعه رأس عدل وعاهو طفايه وولاعه ويا كلنا عندنا حق ويا كلنا ما عندنا حق …مش القروش تطبعويستفيد منها ناس معينين او الحكومه.
مفروض يفتحو بلاغ فى البشير
تصرف مرفوض بس اكيد العميل زهج من طريقة التعامل مع عملاء البنوك بالطريقة دي لا تجوز لا شرعا لا دستورا كيف لبنك يمنع عميله سحب المبلغ الذي يرده ؟؟!! وين القانون وين حقوق المودعين دا اول الغيث ..
يا جماعة الذنب هنا على منو ومين يتحمل السيئات دي يوم القيامة .. العميل دا بقول لربنا امانة عندي استودعتها البنك و حقي مظلوم فيهو… وموظف البنك بقول يا ربنا تعليمات جاتني من مديري وانا ما عندي حق التصرف الا بما يفرض علي ومدير البنك بقول بنك السودان…السؤال اللي انا عاوز اجابتو السلسلة دي بتصل لحدي منو العارف اقول لينا…الله المستعان
الحوادث دي بقت تتكرر كتير في البنوك وبعد ده وزارة الداخلية ح تعمل ليها شرطة خاصة تسميها (شرطة البنوك) علي غرار (شرطة الجامعات)…………. ياخي الناس بقت صعبة وما عندهم صبر ودايرين يأخذدو كل حاجة بالقوة وبالساطور وبطفاية الحريق.. يا سيد ياخي الموظفين المساكين ديل ما ناكرين قروشك ولا أكلوها في بطنهم ولا حاجة ذي دي… ديل قالو ليك مافي سيولة والخزنة فاضية حالياً… ومؤقتاً … يعني شيل الصبر وتعال بكرة.
هؤلاء موظفون بسيطون ليس لهم ذنب ينفذون الاوامر فقط فهم مأمورون يكدون وراء لقمة العيش.
المسؤولية تقع على صاحب القرار وليس على المنفذين .
الذي قال نشوف الفيل ونطعن في ضُلّو صدق ..
طبعاً مع الأخذ في الإعتبار يا إخوان بأن حالة الغضب هي حالة إنفعال تحصل فيها تغيرات نفسية وجسدية حيث زيادة في معدل ضربات القلب وضغط الدم ويقول العلماء بأن الغضب هو حركة استجابة سريعة من المخ لتهديد محتمل من الضرر. لذلك فإن التحكم في كل تلك العوامل تصعب على الكثير من الناس إلا القليل منهم من الذين وصفهم الله جل وعلا ( والكاظمين الغيظ) ، ولذلك عندما جاء الرجل إلى رسول الله (ص) وقال له أوصني ، قال له الرسول (ص) لا تغضب ورددها ثلاث .
ليس حديثي تبريراً للعمل الذي قام به الجاني .. ولكن هكذا كان تصرفه ولا ندري مدى حاجته لذلك المال ، فقد يكون يريد أن يفك به مسجون أو ينقذ به حياة مريض … ألخ وعندما جُرم من حقٍ يملكه لم يتمالك نفسه .. وقد يكون إنسان جاهل يظن أن القرار كله في يد هذا الموظف المسكين ..
عموماً .. السؤال الأهم لمن هم في سدة الحكم .
إلى متى سوف يستمر هذا الحال البائس المحزن المحبط ؟؟
حتماً بأن هذا الحادث هو (صفارة إنذار ) سيكون له ما بعده من تداعيات لا يُجمد عقباها إن لم يتم تدارك الأمر والتوقف عن السياسات الخرقاء التي لم تزد الطين إلا بله ..
فالنانس ملـّت ، وكاد حلمها وصبرها الطويل أن ينفذ ..
فأحذروا الحليم إذا غضب
والله إذا انفلت الزمام لتكون الأوضاع أسوأ مما يجرى الآن في بلدان كثيرة
ولن تقوم للسودان قائمه لعشرات السنين ..
اللهم أحفظ بلادنا وولى علينا خيارنا ..
علي الشعب الخروج الي الشارع والمطالبة بتنحي البشير وعصابتة لان الوضع سوف ينفجر ولا تحمد عقباة لذلك علي البشير أن لا يخاف من المحكمة الجنائية وان الشعب سوف يسلمه لها علية ان يخاف علي السودان من الصوملة علية وهو في أرزل العمر الخوف من الله وانه مفارقة الدنيا وملاقي ربه ليس هنالك مخرج الا بتنحي البشر وذهاب عصابة الكيزان علي الجميع العمل علي تجنيب السودان الفوضي
بالرغم من رفضنا لاستعمال القوة في حل المشاكل بهذا المستوي …الا انه كتير من موظفي البنوك بتعاملوا بعنجهية وتعالي مع العملاء كانوا شاحدينهم .وحسب الخبر انه حصلت مشادة كلامية اذا مافي داعي الموظف يوصوا للمرحلة دي …وكمان الناس الموجودين ليه مااتدخلوا ووين بتاع الشرطة .زول يضرب اتنين بالدرجة دي اذا في تقصير .
اكيد الصراف اتماسخ واتفلسف وبدء الكلام الفرغ ..لانو دي طريقة الموظفيين في دواوين الحكومة والسفارات والبنوك .. المهم الطفاية تكون سليمة ..
هذا المعتدي منحه الله فلوس لكن حرمه نعمة العقل.
هل استرد فلوسه الان؟
آذى الموظفين في جرم لم يرتكبوه.
ستضيع فلوسه التى آذى ابرياء بسببها في المحاميين.
سيقضي العيد في السجن.
مفروض يسحبوا طفايات الحريق من البنوك. …
تصرف ارعن من المواطن .. الموظفين ذنبهم شنو ؟
هم نفسهم مواطنين مغلوب علي امرهم ..
كان يدخل للمدير ويتفاهم معه بالمنطق..
بالرغم من انه مغبون من بنك السودان والركابي
تصرف غلط ويتحمل نتيجته..
يعاين في الفيل ويطعن في ظله .
للذين يتعاطفون مع موظفي البنك
هذا الشخص لا يملك الوصول إلى مسؤول أعلى من هذا الموظف وهذه رساله بنفس الطريقه التي تم بها تنزيل هذا القرار إلىأن وصل للمواطن المطحون ولو تكرر هدا المشهد سيعمل على تسريع البحث عن حل لكثير من المشاكل العالقه من أزمة محروقات وسيوله وغيره
والحقنه لو عايز تفضيها بتضغطها من تحت