أبرز العناوينسياسية

قوش يدك مخابئ القطط السمان في السودان ويشعل فيسبوك.. (ضبط مبلغ 120 مليون دولار بمنزل ضابط) يتصدر السوشال ميديا


سيطر الخبر الذي إنفردت به صحيفة الصيحة الصادرة بالخرطوم صباح الأحد عن (ضبط مبلغ 120 مليون دولار بمنزل ضابط متقاعد من جهاز الأمن والمخابرات الوطني)، على صفحات التواصل وفجر موجة من التعليقات.

الضابط المتقاعد الذي تم إعتقاله في حملة أطلقتها حكومة السودان لمكافحة الفساد تحت مصطلح إشتهر بمحاربة (القطط السمان) .

وأشار رواد التواصل بحسب رصد محرر النيلين أن الضابط المتقاعد هو “عبد الغفار الشريف” صاحب الصورة أعلاه، ومن التعليقات على الخبر كتب أحدهم ( فتشوا علي البقية احتمال تجدوا البنك المركزي الامريكي هنا).

وكتب الجندواي مشيداً بمدير جهاز الأمن والمخابرات السوداني صلاح قوش (ممالك القطط السمان بدأت تتهاوى أمام إمبراطورية قوش)، وأضاف عبد الباقي سهل (قوش رجل قوي وهو واحد من الناس الذين يستطيعون مواجهة هذا الملف لو اعطي الصلاحيات بدون تدخل وما بيجامل اي احد وما تجربة اعتقال اخوه خير برهان علي انه ما ما بيجامل من تحوم حولهم التهم).

وكتب ZaherAlameen Alkhidir
(قوش رجل قوي جدا وقبل ذلك اعتقل شقيقه واعتقل شيخ وزعيم ومؤسس الحركه الاسلامية شيخ حسن ولذلك أتنبأ بخير كتير وصرح بذلك لاكبير علي القانون لا مجاملة ولا وساطة ولا محاباة نسأل الله التوفيق والنزاهة وتطبيق القانون علي كل حرامي ومجرم وما عندو وطنية).

وبحسب صحيفة الصيحة، برر الضابط المتقاعد من جهاز الأمن والمخابرات الوطني، وجود المبلغ الكبير بمنزله بأنه كان يحتفظ به بغرض تسيير شؤون إدارته).
الخرطوم/معتصم السر/النيلين


‫30 تعليقات

  1. ( بغرض تسير شؤون إدارته ) دى حلوة شديد بس أبت تنبلع لى

  2. هههه ههههههههههها ههههههههاي

    قلت لي (اشواق الاسلاميين) واضح انه شوق لل(فلوس)

    1. نفس الرقم الذي قيل أنه قد وجد مع قوش عند إعتقاله بسبب المحاولة الانقلابية المفبركة !

      مافي حاجة اسمها مكافحة فساد طالما الإجراءات لا تتم بواسطة القضاء, دي شكلة دفعة بيتبادلوا الأدوار و السودان هو الضحية .

  3. الملامح توحي بانه ليس بصاحب كل المبلغ الكبير ده – واخشي ان يكون شايل شيلة غيره – اكيد الكديس الاصلي بيكون لسة تحت – فتشوا كويس.

    1. يا ابوعباده بااخوي الكديس الاصلي معروف ومافي قرد بقدر يفتح خشمه . ربك هو العارف بكل حاجه وعندما ياخذهم اخذ عزيز مقتدر هتشوف الفضائح والبلاوي الجد من اكبر زول لاصغر غفير .. قارون في زمن فرعون كان متجبرا واخذه الله رغم كل امواله واصبح مضرب مثل لكل متجبر متكبر . الناس ديل كما قال الله تعالي ( ويمدهم في طغيانهم يعمهون ) فاكرين انه مافي زول بقدر يزحهم من مكانهم واخر طغيان ونفاق وكذب , لكن رغم كل ذلك ولله الحمد تثق في عدالة ربنا ووعده الحق لنا واكيد ليهم يوم جاي طال الزمن اوقصر

      1. تسلم البطن الجابتك يا سوداني +1 يا أصيل … وكلامك يبرد القلب … إن الله يمهل ولا يهمل … الناس ديل ناسين حاجة إسمها موت وقبر وقيامة وحساب وعذاب … لا حولا ولا قوة إلا بالله ونسال الله السلامة

  4. نسأل الله التوفيق للسيد مديرجهاز الامن وهو رجل وطني والشعب معاهو.

  5. القصة كلها انه الاصول اللقوها عنده مبلغها بيعادل الدولارات المذكورة ده فقط لا غير

  6. انتشرت (بالسوشال) ميديا شائعات تفيد باعتقال اللواء عبدالغفار الشريف وتوقيفه على خلفية اعفاء الفريق طه مدير مكاتب الرئيس السابق ، المحبوس لدى ادارة الاستخبارات العسكرية توطئة لتقديمه الى محاكمة عسكرية بتهمة التخابر والتجسس لصالح دولة عربية كما تقول ذات الشائعه .. وبغض النظر عن صحة هذه الشائعات او عدم صحتها فان الحقيقة فى مسألة اعفاء الفريق طه الحسين تظل مسألة روتينية عادية تأتى فى اطار التنافس الشرس بين مكونات اى حزب سياسى يتمتع افراده بالطموح القيادى الذى يحدوا ببعضهم للتأمر ضد بعض … ولسنا هنا معنين بالدفاع عن طه عثمان بقدر مايعنينا ان نبين من هو عبدالغفار الشريف ضابط المخابرات الذى ترتجف له فرائص الجميع سوا كانوا فى الحكومة او المعارضة او فى الاجهزة الاستخباراتية العالمية المعادية او الصديقة ، لما يتميز به من نبوغ مهنى وما يميزه من ذكاء ادارى قلما يضاهيه ذكاء او نبوغ فى هذا الذمن المفصلى من تردى مكانة العقل البشرى ونضوبه الابتكارى .. وعندما نسرد الحقائق عنه فاننا نبتغى ان نبين بانه ( الساس والراس ) فى عملية الاستقرارالسياسي والامنى والعسكرى الذى تشهده البلاد ، ولا اغالى اذا قلت انه اول من قلم اظافر المؤتمر الشعبي واول من وضع حداً لاسطورة يوسف لبس وموسي اسحق اللذان كانا يعول عليهم المؤتمر الشعبي فى ازاحة المؤتمر الوطنى من كرسى الحكم ، فقد استطاع عبدالغفار الشريف عبر جهوده الامنية فى احباط اكبر مخطط مسلح كان يستهدف اغتيال قيادات ورموز المؤتمر الوطنى فى المساجد فى يوم الجمعة فيما عرف لاحقاً بقضية ( احداث السلاح ) التى حُوكم بموجبها يوسف لبس وموسى اسحق بالسجن المؤبد ، وهى قضية اكبر من تناولها فى هذه المساحة الضيقة ، لكن الظاهر لولا حصافة عبدالغفار الشريف لكان يرقد تحت التراب الان عددا مقدراً من قيادات المؤتمر الوطنى ! .. هذا بالاضافة الى جهوده المضنية فى تفكيك لبنات الحركات المسلحة التى جعلها خاوية على عروشها الا من ذكرياتها التى يتغنى بها البعض ! .
    ويمكن ايضاً من دواعى نجاحه – اى عبدالغفار الشريف – هو نصاعة سيرته الذاتية التى تؤكد انتماءه الى قبيلة الجعليين والى مدينة شندى مكان مسجد ومسيد والده الشيخ الشريف حيث نشأ وترعرع فيها وتلقى تعليمه الدينى والابتدائى والثانوى بها ، ثم الجامعى جامعة الخرطوم كلية الاقتصاد ، بعدها التحق بجهاز الامن والمخابرات وتدرج فى الرتب حتى وصل الى رتبة اللواء ، اما بخصوص علاقته بالفريق طه عثمان ، فهي علاقة مثلها مثل علاقة اي قائد بضابط ناجح تحت امرته ، فالفريق طه والفريق صلاح قوش والفريق محمد عطا واعداد مهولة من عضوية المؤتمر الوطنى يكنون له الاعجاب والتقدير والاحترام لما سبق ذكره ولما يميزه ايضاً من نزاهة فى اليد وعفة فى اللسان ..

    1. ده اسمو نطام تلميع للحرامي …………. 120 مليون دولار يا مفترين …. وعامه الشعب جعان وملاقين بنزين

    2. ياخوي الناس المحترمة وعندها اخلاق ماشرط يكونو اولاد مسيد او قبايل والخليق بود المسيد وود قبايل انو مايشتغل ضابط امن ويعذب فى الناس ليل نهار !! وانت براك قلت “ترتجف له فرائص الجميع”

      داير انت تورينا شنو عبد الغفار الشريف !! نصاعه شنو يا اخو هي النصاعة دي غيروها ولا شنو ؟

      المشكلة فى الشعب السوداني الزول لو عندو قريبو او قايدو المسيح الدجال بيقعد يشكرو ويطلعو نبي !!

    3. يا الترابي ياخ ما تخجل على نفسك؟؟ تبرير فطير و دفاع تافه منك لشخص فاسد و معروف فساده و إستغل ما تصفه انت بالقوى و النفوذ في ترسيخ دولة الفساد , و هبالتك في تمجيده في انه منع مخطط اغتيالات دة يضحك الناس عليك، دة شغله كضابط امن زي شغل ضاط و عسكري المباحث انه يكشف الجرائم و يقبض المجرمين ، يعني شغال اصلا عشان شنو؟ مش دة صميم شغله؟ و ليس صميم شغله إستغلال سلطات و معلومات و نفوذ جهاز الامن في نهب مقدرات البلد كما عمل هو.

  7. دي تصفية حسابات …. اتحداهو يقبض على واحد من اخوان البشير

  8. متى يفيق المرضى من تفكيرهم الخبيث
    ان هبث السلطة لتحارب سموها تصفية حسابات وان تركتهم شملوها كلها بالفساد ماذ تفعل يا ترى هذه السلطة’’
    \لم يفكر البعض ان الامن او الشرطة او القضاء يتحرك ويحاكم حسب ما يكتب ويشاع في الاعلام .. كيف حكم هؤلاء انها تصفية حسابات ومازالت العملية مستمرة والملف مفتوح .. اذا صدر بيان ان العملية انتهت يمكن ان نقول ولكن الى الان غير معروف من سياتي مكبلا بالقيود

    1. يا مخ مافى
      ده شنبى لو عملو ليهو حاجة تسوية ربما يدفع عشر هذا المبلغ وبالجنيه كمان هذا هو تاريخهم فى قضايا الفساد فقه التحلل وفقه السترة وباركوها

  9. السؤال
    120 مليون دولار فيالبيت كيف تحصل عليها ؟؟ ثانيا هو معاش اي انه لا علاقة له بالعمل او الادارة او المشتريات فلم بقيت ولم يسلمها مع عهدته

  10. بغض النظر عن دوافع ومسببات اعتقال مسؤل امني برتبه لواء وارجاع مبالغ ماليه بهذا الحجم الكبير لخزينه الدوله فانه مؤشر جاد ومبشر لمحاربه الفساد الذي نامل ان تستقيم به احوال البلاد الماليه والاقتصاديه واذا كان فرد واحد كان بحوزته مثل هذا المبلغ من النب الاجنبي خارج القطاع المصرفي فكم ياتري حجم المبالغ التي بحوزه القطط السمان الاخرين من العملات بانواعها والذهب والممتلكات,والبلاد كانت ومازالت تعاني من الازمات الماليه المتلاحقه التي طالت كل القطاعات الحيويه وارتفاع التضخم الذي ارهق معاش الناس.
    نهنئ الفريق قوش بهذه الخطوه الجرئيه التي اتخذها ونؤيد الاسلوب والنهج للذي سلكه لاستئصال الفساد وتقديم المفسدين مباشره للنائب العام وللقضاء بدون وسيله للهروب من المحاسبه وهي داء استفحل تحت مسميات مثل {التحلل } و{خلوها مستوره} وفي حقيقه الامر هي مصيبه اشد واكبرمن ارتكاب الجرم نفسه ووسيله سيئه للابقاء عليه. نامل ان يستمر تضيق الخناق علي داء الفساد المستشري والموغل في السؤ وكشف المفسدين الواحد تلوا الاخر فقد وصل اذي الناس مداه.

  11. فكروا في الناس التي هاجرت واتغربت من بلدها وسافرت وخلت البلد الناس الماكان لاقي لقمة عيش شريفة حلال يدخلها علي بيته يطلع بره ويلاقي مهانة وذل كل يوم تزيد عليه في بلاد الغربة السبب شنو؟ والعمل في شعبنا ده منو ؟ الــــــــــفــــســــــــــــــــــاد
    مائة وعشرين مليون دولار وعند شخص واحد موظف في الدولة ؟ ده سبب ارتفاع الدولار في السودان اللذي حير علماء الأقتصاد
    ديل سودانيين ديل ؟ ديل حتي مسلمين ؟
    نهنئ الفريق قوش اولا علي وطنيته وثانيا علي إنجازه ونقول يارب أي واحد متسودن اكيد ماسوداني خرب البلد وضيع الناس اللهم يحكم عليه بالأعدام شنقا آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآمين
    أشفوا غليلنا ياناس

  12. اللى الصوره ابوه شيخ!!!!!!اخخخخخخخ قل طبال طار او سمسار فاصوليا قال شيخ ههه غطين ياصفيه الدنيا حر

  13. نجاحات كل يوم في ملاحقة القطط السمان لكن هذا من النمور السمان 120 مليون دولار والناس واقفه صفوف لأن المصفاة محتاجه الي 102 مليون دولار ولديه مائه عربة و67 منزل هذا الأناني الطماع نتمني مزيد من النجاحات لرئيس الاستخبارات صلاح قوش وانا متفائل بالقبض علي نصف مليار مره واحده ونكون قد حلينا مشكلة الدولار أعطوا مزيد من الثقه لصلاح قوش لمهاجمة النمور السمان في مواقعهم

  14. عقبال الفيله السمان

    ياصلاح قوش عييييييييييييييينك في “الفيل” وتطعن فى ضلو !!

    جيب “عمك” زااااااااتو ودامتو واخوانو ورينا نجاضتك خلينا نفرح

    لاكين ماظنيتك تسويها مااااااااااااك فالح قدر ده

  15. انا شخصيا اعتقد انو في احتمال يكون الراجل دا بحكم موقعو الامني امتدت اليه ازرع المخابرات العالميه و تم تجنيده ليصبح جاسوس.
    علي الجهات الامنيه التحقيق معه في هذا الجانب لانو مبلغ زي دا مستحيل حتي لو سرق البنك المركزي ما يتحصل عليهو

  16. الشئ الوحيد المافي زول اتطرق ليهو إنو أصلا” ال 120 مليون دولار حي دي جابها كيف ومن وين !!!.. إذا كانت من جوة البلد معناها انو في كمية وراهو .. وإذا من برة البلد جابها من وين ومن أي بلد ؟؟