مداراتمنوعات

بالفيديو: سكر وبنات من حفيد أسرة البنا الفنية تثير غضب الجمهور


الفيديو المصور لأغنية (سنقل بالي مرتاح) للفنان الشاب حفيد أسرة البنا الفنية الفنان أحمد البنا والذي وجد ردود أفعال غاضبة ومستهجنة من قبل المشاهدين الذين قابلوه باستنكار كبير في مواقع التواصل الاجتماعي حمل بعض المعلقين على مواقع التواصل الاجتماعي لعقد مقارنة بين أبناء الفنان الكبير البنا ، مشيرين إلى الفنان عاصم البنا وبين الحفيد أحمد البنا حيث ذهبوا إلى أنه لم يحافظ على تقاليد الأسرة الفنية التي ابتعد مبدعوها عن الأغنيات الهابطة .

وفي السياق ذكر أحد المعلقين الغاضبين حادثة تؤكد ذلك موضحاً بأن الفنان عاصم البنا كان قد ترك حفلاً لمجرد أن طلب منه صاحب الحفل التغني بأغنية (العربية) التي كانت تعد من الأغنيات الهابطه حيث كتب ( كنت شغال مشرف صالة أفراح وكان عندنا عرس بعاصم البنا .. جاء أبو العروس قال ليهو غني لينا العربية الكلام دا قبل 11 سنة قام عاصم خلى الحفلة وطلع بره و أبي يغني جاني أبو العروس قال لي اتكلم معاهو مشيت ليهو و اتكلمتا مع عاصم قال خليهم يجيبو زول يغني ليهم العربية أنا مابغني أغاني زي دي لو دايريين قروشهم برجعا ليهم).

وسأل البعض الآخر من المعلقين عن موقف أسرة البنا الفنية من هذا النوع الذي يردده ابنهم أحمد البنا حيث كتب أحدهم ( (عليك الله أسرة البنا قاعدة تشوف أعمالك دي ؟).

الخرطوم (كوش نيوز)
للمشاهدة
بالفيديو : سكر وبنات من حفيد أسرة البنا الفنية تثير غضب الجمهور والغاضبين يشيرون إلى الفنان عاصم البنا


‫6 تعليقات

  1. اولاد البنا عودهم في احمد ده عود مراء
    ده ود الجقر وانتهى الكلام

  2. والجقر مالى الدنيا ضجيج وعامل لينا فيها أبو التراث…..(باب النجار مخلَع)

  3. بصراحة الولد دا هايييف ومغرور بنفسه ويخيل له انه هو البناء ذاته ولكن من ما حلق شعره ولبس الخرز فارق درب اهل البناء وين من عاصم والفرجوني وبقية ابناء البناء ..اداؤهم المميز ورجولتهم ودا حقيقة خربه ابوه لانه ابوه ذاته لامي الحريم ويغني معاهم ..

  4. والله للاسف الجميع اكتفي بالتعليق ولكن لم تذهبوا الي مكمن التصوير والولد يشرح انه كان صايع وسكير فقد اسرته وعندما اهتدي عادت له ولاسرته الحياه والهدوء هل في هذا شيء ول نحن دايما تحليلنا علي قدر مخيخنا.

  5. يا ناس سلام
    يا جماعة لا تهاجموا الزول دا ساي دا ولدنا وزول متواضع شديد واخو اخوان
    الزول دا زول فزعة وما تشوفوه منعم ومغرور كدا.. دا بس حركات الشغل
    الزول دا عادي تلقاها مع الشباب في نفير ينقل طوب ويرفع مونة سوداني اصلي
    وبعدين المعروف عنو انو يدوا ممدودة لكل زول محتاج، اللي في يدو ما حقتو
    عادي تلقاها يمشي المستشفيات والصيدليات ويخت مبلغ من المال للمساكين والناس الماقادرة تدفع حق الدواء
    وكم مرة مشيت معاه أمبدة في هناك اسر ما لاقية حق الفطور وما عندهم حتى حاجة يرقدوا عليها بديهم اللي فيها النصيب
    لا تحكموا على زول انتو ما بتعرفوه
    ويا ريت كل الشباب زيو كدا
    وعشت يا سوداني
    ولا لا لترشيح البشير

  6. أمبده يا حيوان انته تسكت ساي ما دام انته ما دافع حاجه من جيبك