شاب سوداني يعرض ” أسد” للبيع بأكثر من نصف مليار جنيه، ويتلقى ردود فعل ساخرة وطريفة بمواقع التواصل

فاجأ شاب سوداني أعضاء إحدى القروبات الخدمية على “فيسبوك” بعرضه لـ ” أسد” للبيع بسعر 650 ألف جنيه سوداني، مما أثار دهشة رواد القروب الذين علقوا بتعليقات ساخرة وطريفة على العَرض المدهش بحسب ما نقل محرر “كوش نيوز”
وكان الشاب قد نشر عدة صور لأسد داخل وخارج حظيرته قائلاً : ” عندي أسد عمره سنتين إفريقي وليف وصفو لي زول بشتري
مطلوب 650 الف قابل للتفاوض المعقول ”

وأشعل هذا العرض رواد مواقع التواصل قائلين: ” أسد .. يا زول كلامك ده سعر سوناتا جديدة “، دا أسد ناصية من شارع 40″ ، ” يا زول إنت جنيت ..كفايه الأسد العندنا في البيت الوليه” .

بينما علق آخرون : ” فيهو فتحة سقف تقايض بي هايلوكس 2010 نضيف شاذ ونديك فرق “، “بنزين وللا جاز دا أسد قصدك وللا أكسنت ” “الصور غايتو أسد لكن السعر ” آكسنت” ، ” دا عايز خروف يومياً نحن الأضحية يا الله نقدر عليها” ، بينما علق آخر “أعملوا مراكيب أحسن ليك”
ويبدو أن معظم رواد المجموعة قد فوجئوا بالعرض الغريب فأطلقوا لسخريتهم العنان، وجعلوا من المنشور مادة خصبة للطرفة.

الخرطوم (كوش نيوز)