كوش نيوز .. أخبار السودان بين يديك

سحب ( سودانية ) من شعار هارموني


شارك الموضوع :

تشهد قناة هارموني في مقبل الأيام القادمة تحويلات كبيرة في الشكل والمضمون . وأوضح معتصم الجعيلي المدير العام للقناة حوار مثير انهم سيتجهون لأن تكون القناة شاملة ، تبث المسلسلات والافلام (مصرية ، سودانية ، سورية) والبرامج الرياضية والاقتصادية .. أي ستكون مثلها وبقية القنوات هذا بعد ان كانت مختصرة على نشر الثقافة السودانية . ولم يخف الجعيلي انفعاله بالشائعات الهدامة التي ظلت تطارد القناة . وقال انه كان يعول على دعم المسئولين للقناة من أجل نشر الثقافة السودانية بعد ان وجد لها ( ماعونا) لكنه لن يكون (ملكي اكثر من الملك) وسيتجه للطريق الذي يحقق الربحية (سكة انها تبقى زي القنوات وتربح ما صعبة لكن انا كنت مثالي ) وقال بعد ان كان شعارها (هارموني قناة سودانية ) سيصبح شعارها(هارموني فقط) فقط ، بعد ان تدخل عليها المسلسلات والافلام العربية الاخرى . وفي اطار التوجه نحو التغيير . بدأت قناة هارموني في تجديد استديوهاتها ، بشكل جديد تستقبل به شهر رمضان ومن ثم تواصل إنطلاقتها الجديدة ، وبحسب صحيفة الراي العام قال الجعيلي انهم انتجوا تسعة اعمال للفنان كمال ترباس ولقاءات نوعية مختلفة بالاضافة للبرامج الجديدة ، المثيرة للجدل- حسب وصفه والمنوعات والدراما والمسلسلات الجديدة التي تجعله في (سرج) واحد مع قناة (ام بي سي )

شارك الموضوع :

13 التعليقات

إنتقل إلى نموذج التعليقات

      1. 1

        افتقدناها قناه مفيدة وتحسسك انك متفائل وترى الحياه بالوان زاهية
        للاسف غير موجودة الان ولا نعرف ترددها فى عرباسات
        الرجاء الافادة عاجلا على الاميل الخاص بى لانى جد افتقدها

        الرد
      2. 2

        سكة انها تبقى زي القنوات وتربح ما صعبة لكن انا كنت مثالي ) الله يخليك احسن تبقى على المثالية واذا مابتلفق احسن تقفل نهائى وبلاش من سكة ام بى سى الله لا يسيئك والحلال طيب

        الرد
      3. 3

        ليه يا معتصم تعمل قرار زي ده ؟؟؟؟؟؟؟؟؟؟؟ معناهو حنغيير القناة بعد أن كنا نفتحها 24 ساعة في اليوم ؟؟؟؟ أصلو حلاتها وجمالها أنها سودانية . خسارة وألف خسارة ;(

        الرد
      4. 4

        الاخت زبيدة قناة هارموني تعمل فقط القمر nilesat علي التردد 11900-27500-vertcal-5/6

        الرد
      5. 5

        اوعك تعمل كدا و الا حتبقى مع بقية القنوات في سرج واحد و دا مافي صالحك.
        خليك سوداني و خلي القناة سودانية,
        سوداني من دبي:mad:

        الرد
      6. 6

        بصراحة ان هذه القناة ولدت فاشلة وستظل هكذا اذا لم يغيروا برامجهم بصراحة مافي برامج مافي شئ يجذب الانسان ليتابعها تبرج سفور واشياء غريبة على مجتمعنا السوداني ادخلتعها هذه القناة نرجوان تحجب نهائيا لأنها لاتقدم شئ يفيد بل بالعكس تهدم ما بناه الاجداد وشكرا

        الرد
      7. 7

        قبل ما يحولها اول حاجة ادى الناس حقوقها يا معتصم الجعيلى كم شخص انتج ليك برنامج وكم شخص صور ليك عمل وكم مذيع عمل ليك لقاءات
        ادى الناس حقها اولا ثم بعد ذلك افتح قناتك الدولية العاملة زى بيوت القشلاق كل فقراتها بتشبه بعض
        ادى الناس حقها حتى لا تقبل ربك ظالم يا معتصم الجعيلى

        الرد
      8. 8

        اولا يا معتصم هي ويني القناة عشان تاخذ العالمية بدل المحلية والله خائف عليك من نطح شطح

        الرد
      9. 9

        في سرج واحد ؟؟؟ ومع MBC حلوه دي خااالص:D 😀 😀 😀 ياعم قول الشروق . .النيل الازرق . حاجه زي دي 😉

        الرد
      10. 10

        نحن ذاتو مادايرنها

        الرد
      11. 11

        والله لو غيرت حكاية مسلسلات وأغاني طول الخط بيكون كويس أما لو قفلتها ورجعت التلفزيون مخرج زي زمان بيكون أحسن:cool: 😎 😎

        الرد
      12. 12

        اخى معتصم احييك…..
        ثانيا انت تعلم جيدا بان الاعلام اما حر او مدفوع ليهو والحر واجهة والمدفوع ليهو واجهة غيرو. نحن معك الصرف كثير وكنت اتمنى ان تكمل مثاليتك دى و تبرز ما لم تبرزة القنوات الاخرى المدفوع ليها لاكن بعد جهدك دا تريد ان يدفع لك . هنا ضاعت الرسالة السامية و اللة يكون فى عونك……..

        الرد
      13. 13

        ما حقول اكتر من القالو ا الاخ الكريم اقفل اخير ليك لتحفظ ماء وجهك

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.