كوش نيوز .. أخبار السودان بين يديك

بلاغ في مواجهة مستثمر عربي وصف السودانيين بالزبالة …!!


شارك الموضوع :

السودان بلد مضياف وهو مفتوح لاستقبال كافة المستثمرين الذين يقدرون التعامل الراقي لابنائه الا ان بعض التفلتات التي تحدث تصيب البعض بالاذى ، وبعد الحادثة الاولى مع احد الموظفين بالشركة التي تعمل في مجال النقل وبعد حفظ البلاغ الاول بالشطب لعدم كفاية الادلة ، حدثت الواقعة الثانية وذلك على اثر عمل الشاكي خلال العطلة وعند مطالبته بالاجر كاملا حدث نقاش بين المواطن السوداني والمستثمر العربي الجنسية حيث قال له المواطن السوداني : ( انا بضراعي وما جاي اشحد .) ليفاجئه المستثمر العربي بقوله 🙁 السودانيين الزبالة انا اخليهم يشحدوا ..!!) وبعد ذلك قام المواطن السوداني بتدوين بلاغ في مواجهته ليتم تدوين اقواله واقوال الشاهد الطيب الهادي كما القى القبض على المستثمر العربي الجنسية واطلق سراحه بالضمانة ويعكف المتحري على اكمال الاجراءات تمهيدا لتحويل اوراق البلاغ الي جهات الاختصاص

صحيفة الدار

شارك الموضوع :

8 التعليقات

إنتقل إلى نموذج التعليقات

      1. 1

        اولا السلام عليكم ورحمة الله تعالى وبركاته
        ثانيا
        زى مابقولو الجاى اكثر
        العرب ديل نحنا عايشين معاهم وعارفنهم ولولا انو نحن دمنا حاااااااااار ما سكتو مننا
        والعربى النبذ السودان بالفيهو ما عفويا لكن مقصودة لانو هم شايفين السودانيين كالعبيد والجعانيين
        ياريت حكومتنا ترفع من المواطن السودانى شوية لانو الناس ديل البتعالى عليهم
        كويس معاهم لكن الطيب معاهم تحت الجزمة وحتشوفو لوكلامى دة صاح ولا لا
        تبيدى:mad:

        الرد
      2. 2

        كلامك صح يا تبيدى وانا عايش مع الناس ديل اكتر من ستة سنوات وبديهم فى التقيل وما قاعد اذل نفسى لزول فيهم ومرة اتشاكلت مع الكفيل بتاعى لانه حاول يطلع لى فى راسى شاكلتو وقدمت لى استقالتى وقلت ليهو ما عاوز شغل معاك بعدها يادوب راسو جاء ومشى معاى بالدرب العديل ومن اليوم ديك لغاية هسه ماشى معاى زى الصراط المستقيم …. نحن طيبتنا زيادة على اللزوم وما بتنفع مع الناس ديل لانهم عاوزين الناس الحارة ومافى زول ماسك لينا رزق ولا ح يوقف مننا الهواء البنتنفسو عشان كده مافى داعى نذل انفسنا بسبب القرش والعاجبو عاجبو والماعجبو اللى يشرب من الخليج الميتو ملح ملح

        الرد
      3. 3

        السلام عليكم ورحمة الله وبركاته
        في البدء ان كانت هذه الواقعة صحيحة فأتنتى من الجهات المسئولة اتخاذ ماتراه مناسباً لحفظ حق هذا المواطن البسيط … فهل يعقل أن يذل الانسان ويهان بداخل بلده؟؟؟؟؟؟؟؟؟؟؟؟؟؟
        كفاية ما نعانيه نحن في بلاد الأغتراب !!!!!!!!!!!!!!!!!!!!!!!!!!:mad: 😡 😡 😡

        الرد
      4. 4

        اولا بسم الله الرحمن الرحيم
        ثانيا اتسال ومازلت اتسال هل لاننا نحن كسودانين طيبين ونتعامل مع اي جنسية سواء عربية ام غير عربية بإحترام شديد لدرجة ان نتحمل المهانه ونحن فى بلادنا ووسط اهلنا تعبنا منها فى الغربة والان فى قلب العاصمة وداخل البلد يأتي مستثمر من اي بلد كانت ومهما كانت البلاد ليعيش وسط اهل الكرم والعزة ومن ثم يتطاول عليهم ويصفهم بالشحاتين لا والله لانقبل ولن نقبل ابدا مثل هذه الاهانات لانريد مستثمرين ولانريد ان يكون لمثل هذا المستثمر العربي ان يكون له فضل على السودان لان السودان بأهله كريم بالجود والعطاء وقبل الاستثمار نحن أعزاء شرفاء فليغادر مثل هذا المستثمر وأمثاله بلادنا لسنا فى حاجتهم ولسنا نرغب فى استثمار يجلب لنا ولعزة الذلة السودان دوما وابدا عالي فى السماء خفاقا لايقبل الاهانة ودمتى عزا دوما وابدا يابلادي

        الرد
      5. 5

        حقيقة ان كان هذا السلوك المعوج صحيحا بدر من هذا المستثمر فذلك غير مقبول على الاطلاق , ونحن فى ارض هذا الوطن العالى لا نرضى بالذل والهوان من اى مستثمر او مخلوق يحاول اهانة كرامة اى مواطن بكل سخافة ويرود , كفاية ما عانيناه من امثال هؤلاء فى بلادهم التى بنيت على اكتافنا , و ينبغى على جهات الاختصاص بالاستثمار عدم منح امثال هؤلاء اى فرصة للاستثمار فى ارض هذا الوطن النفيس باهله البسطاء ناس الكرم والعزة والجود , والله ادهشت كثيرا لهذا العنجهى الذى يتطاول على الناس فى وطنها , عليه اناشد الجهات المسئولة ملاحقته قانونبا اينما كان حتى يكون عظة وعبرة لكل من يحاول ان يرفع انغه الافطس لاهل السودان الشرفاء . 😀

        الرد
      6. 6

        ,والله العظيم .. مهزلة .. آخر زمن وفي بلدنا نتهان .. هذا زمانك يا مهازل فامرحي .. ولسع الغريق قدام وربك يستر ..
        أبوطلال – الرياض

        الرد
      7. 7

        نحن أهل الكرم
        بس بنأبى الحقارة ،، وأتمنى أن لا يمر هذا مرور الكرام ..
        هزلت والله في بلدنا ونتهان !!!

        الرد
      8. 8

        واضح أن المستثمر الذي لا يعطي العامل اجره دا ما مستثمر دا نصاب كيف بمستثمر يرفض دفع الأجر بعدين هذه خصلة في العرب خاصة اخواننا واحدين كدة لا يعطيك أجرك نهائي
        يبدو أن أخونا دا قلبه ما حار لأنه لو قلبه فيه حرارة شوية وسمع كلمة ذبالة كان على طول يبرشمه يرشو في محله خاصة لو مافي شاهد عشان يعرف ان هذا الوطن لا توجد فيه ذبالة
        الانسان العربي من خلال معايشتى لهم في بعض بلدانهم الناس ديل حقيرين جدا وحكوماتهم تعتبرهم عالة عليها لا يحترمونهم كما تفعل حكوماتنا رغم ظلمها

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.