الهلال السوداني يترجل عن دوري أبطال أفريقيا رغم الفوز على مازمبي الكنغولي في عقر داره
خاص – النيلين: خرج الهلال السوداني من بطولة دوري ابطال أفريقيا وفشل في التأهل الى النهائي وذلك بالرغم من فوزه على مازمبي الكنغولي في عقر داره بهدفين دون رد في المباراة التي جرت عصر اليوم بالكنغو .
وأحرز هدفي الهلال المحترف الزيمبابوي إدوارد سادومبا في الدقيقتين (26 ، 33) حيث انتهى الشوط الاول بهذه النتيجة بعد عرض رائع وخرافي من لاعبي الهلال.
وفي الشوط الثاني لم يؤدي الهلال بنفس اداء الشوط الاول ولم يستطع زيادة الاهداف لتنتهي المباراة بفوز الهلال بهدفين وتأهل مازمبي للنهائي.
يذكر أن الهلال كان قد فرط وخسر بأرضه بنتيجة 2-5 أمام مازمبي في خسارة ثقيلة وتأريخية لم تحدث للهلال من قبل.
بهذه النتيجة يودع فريق الهلال ويترجل عن بطولة دوري أبطال أفريقيا ولكنه رد اعتباره الى حد ما بفوزه هذا.
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
الله يستر على هلال الملايين ويخرج بنتيجة ايجابية .
الله يستر على الهلال
ونتمنى نتجية إيجابية
وسد التار التار يا ناس
اليوم يوم الرجـــــــــال سيفوز الهلال
بعزيمة أبطاله وماحدث كان عبارة عن
كبوة جواد ، واليوم هلال العز فايز
بإذن الله وعزيمة أبطاله ونقول له
مــــــبـــروك مقـدمــا
😡 :lool: 😉 ورفض مدرب مازيمبي اعتبار فريقه متاهلاً مؤكداً أن الهلال فريق قوي لاينتقص من قدره الخسارة التي تعرّ ض لها في أمدرمان …واعتقد بأنه تصريحه ايجابى ومحترم … ولكن ماذا عن تصاريح بعض ممن يقال بأنهم (صفوة ) فحدث ولا حرج واعتقد بان اقل ما يقال لهم (كفوة) وان شاء الله سيد البلد يفرح الاغلبية
لو الهلال أتغلب 2 صفر يكون ردة أعتباره
الله يستر من الفضائح ياصفيراب
ياخوانا زول عارف الرابط بتاع الكورة في النت
الجماعة ماقصرو لكن شكلهم ناس مازيمبى باعو القضيه واستلمو الثمينه من الارباب …
الكرة مابتدى حريفها شكرا فردا فردا لانكم رديتو اعتبار الكرة السودانية متيم الهلال للابد عمر الامين البرنس
شكراً فتية الهلال هكذا الكورة قالت كلمتها واعلنت مازمبي الطرف الثانيوان شاء الله عايدين بالسلامة وهي حال الكورة مابتدي حريفو كنتم علي قدر المسؤلية والجايات اكثر من الرايحات
ماتزعل:o
دائما نفرط فى الأول وبعدين نرجع نندم . طبعا الهزيمة الأولى سببها الإعلام الذى ضخم من لاعبى الهلال ودا موضوع يحتاج لى علاج . الآن وقد سكت الإعلام إستطاع لاعبى الهلال أن يتوازنوا ولكن بعد خراب مالطا .عموما هاردلك والجايات أكتر من الرايحات بس عالجوا موضوع الإعلام …:cool: 😎 😎 😎
لو لم يرافق الارباب الهلال الى الكنغو كانت النتيجة سيك يعنى 13 ــــــــــــــــــ0 بس الله يخلى الارباب ياجماعه النتيجة دى لم يحققها لاعبي الهلال النتيجة لصالح الاربابمش الهلال
الهلال رد الاعتبار واثبت انه سيد البلد وسيد الكورة فى السودان وافريقيا ونرجو من مشجعى الهلال العظيم بعمل استنفار كبير واستقبال الابطال فى المطار لانه اوفى بوعدهم واثبته انهم ابطال
😉 😉 😉 😉 😉 😉 😉 😉 😉 😉 😉 😉 😉
مازيمبى بااااااااااااااااااااع الكورة وده واضح من خلال مجريات المباراة
ربنا يكون فى عون الارباب يشترى فى اللعيبة ويشترى فى المباريات والحكام
يله برا …. قال سيد البلد قاااااال
😡 :crazy: 😡 :crazy:
نرتاج على الاقل مبيعات قوون تقل وخلى رمضان يرجع مصنع النسيج بلا زحمه بلا تسول باسم الرياضة:lool: :lool: :lool: :lool: :lool: :lool: :lool: :lool: :lool:
والله الهلال سيد البلد وردو اعتبار ناديهم مش زى جماعة بنضربو جوة وبرة والناس البشترو الكور ربنا بعلم بيهم والله الف مبروك يا هلال ويا يوم 30 ماتسرع وس س س س سسسسسادومبا
اكيد الارباب قال ياولد هين قرشك ما تهين نفسك
الهلال كبير سيد البلد دائما هو الاول في السودان الكبير من شماله وحتي جنوبه حسب تصنيف الفيفا علشان كورتنا محليه ودي مسئوليه الدوله
يا جماعة قلنا ليكم الكاسات القارية والدولية ده ماركة حمراء اللون ما بتسمعوا الكلام طالما ما جبتوه السنة دة اتني تشمو قدحة خليكم وراء الاحمر بجيب كاسات بره براه وبعدين يا جماعة مازنمبي المبارة ما كانت بتهمو كثير وفر لاعبية ولياقتهم للمبارة الاهم وهي الكاس الجماعة حسموها في امدرمان بالنسبة ليهم مبارة الكنغو تجرية دم كدة يعني ما فارقة معاهم لا تحسبوا انكم فزتم ارجونا في الجايات ( يا خي بعد الشر عليك )
يا مزمل ابو القاسم عليك الله تسيب الجماعة في حالهم ما في داعي اصلوا قلنا ليهم كاسات بره دي ماركة مسجلة بالاحمر السنة دي فرصتم وتضيعوها اصلوا ما مامتعودين عليها، بس خليم احلموا الحلم ما حرام وبرضو الحلم طموح بس كيف تقدر تحققوا
شرف السودان وخرج مرفوع الرأس ويكفي انه رد إعتباره وخزل جمهور مازمبي في لوممباشي وفي العرضة جنوب انني ادعوا الي استقبال ابطال الهلال فقد ادوا ماعليهم واجادوا —أنها جنون المستديرةويبقي الهلال سيد البلد ومدرسة الوطنية ويكفي شعاره الجامع لكل فضيلة ونبل —–الله—–الوطن—————–الهلا———-ل.
يا محمد صلاح يومكم الشمتو في المريخ متذكرنو والا نسيتو يوم الصفاقسي و يوم الوحدات و يوم اتراكو ديل كم يوم يا محمد صلاح ثلاثة مرات في اقل من ثلاثة سنوات نسيتوها و بقي ناس المريخ هم الشمتانين الوحيدين و الما عندهم وطنية بعدين تتغلب خمسة في بلدك و تقولو الليلة يوم الرجال
مبروك عليكم الاتنين بس الاتنين ودتكم وين
😀 😀 😀 😀 😀 😀 😀 😀 😀 😀 😀 😀 😀 😀 😀 😀 😀 😀 😀 😀 😀
الهلال رد الاعتبار لكن فقد الاهم التاهل للكاس مازال ينقص الهلال والكوره السودانية الكثير جدا اولا لابد من تحجيم الصحف الاعلامية ذات الصالح والتعتيم عليها
ومحاربتها من كل الاطراف
لابد من صحف محايده تنقد تقد بناء وتمدح بعقلانية والاتكون موجهه
لابد من تصحيح الحركة الرياضية في السودان والتخلي عن التغصب للهلال والمريخ
اتمني من ناس الخرطوم ان ينهضوا بفريق الخرطوم ( الخرطوم 3 ) سابقا حتي يكون ندا
للهلال والمريخ
ان تتولي كل ولايه فريق واحد تدعمة في الدوري والمنافسات الاخري حتي ننهض
بالكره السودنية
التخلي عن تسمية فرق الاقاليم باسم الهلال والمريخ وغيرها حتي تكون معروفه
ومشهوره ومنافسه لهذه الفرق
برش من هلال بورتسودان ومريخ الابيض واهلي عطبره والاسماء المكرره هذي
هناك اسماء كثيره وحلوه ياريت الناس يسمو بيها ختي نتمكن اللحاق بالدول
المجاوره
انت ياناس المريخ نحن اولاد اليوم دي شنو شنو كل مره كاسات محموله الان كدي اصلو المراحل البصليها سيد البلد عندكم الاهلي المصري جاب كم كاس ولكن الفرق الاهلي سيد مصر عندو طموح انت كمان خلوعندكم طموح لي قدام عرفوا الجيل دي والعالم انت في ساحت الكبار ياوهم بتاعين ال3
الهلال هلال الملايين .. معظم أفراد الشعب السوداني .فريقي جماهيري كبير وممثل السودان الوحيد في دوري الأبطال يصارع في الخارج والداخل .. عندما يلعب فريق بإسم بلد فإن كل البلد تسانده بغض النظر عن الإنتماء .ولكن هنا في السودان تجد بعض الفرق تدفع الفرق الأجنبية لتشكو فريق سوداني .شيئ يحتاج لوقفة 😀
انا اقترح للإتحاد السوداني ان يغير للهلال اسمه لاسم ثاني حتي يكون الاسم الجديد فأل خير يفرقة من النحس الذي لازم جمهورة وهو الصفر الدولي الكبيييييييييييييييييييييير .
اليليلة مازنبي الليلة مازمبي اليلة وا صفري
الاخ عبد الرحمن نصر الدين اي كاسات بتتكلم عنها مافي كاس دولي معترف بيهو غير كاس الاندية الابطال متي حققتو هذة الكاس ؟ ولابتقدرو تصلو المرحلة التي وصلها الهلال
الهلال سيد الكرة السودانية و فخر للسودان ، اصلاً ده حال الكرة و اتمنى المريخاب يبطلو حسد و الله فخر لينا نصل لهذه المرحلة التى لم يصل لها الغير و نقول للهلال ولا يهمك بكره احلى;) 😉 😉
فرح الصفيراب نابع من عدم تصديقهم بالخروج بهكذا نتيجة..بختو الشيخ ابو كدايس