كوش نيوز .. أخبار السودان بين يديك

اى يى يا



شارك الموضوع :

اى يى يا


* كل سنة وكلنا طيبين
* كل سنة وفى العيد فرحانين
* وما يزعل فى العيد إلا كافر
* نحمدالله فرحنا بالعيد قبل يذيعوهوا
* وعيدنا كان عيدين
* عيدنا وعيد التانيين
* عيد غيرنا
* الما عيدوا عيدنا بيهو نحنا
* نحمدك يا رب
* ونزل المطر
* وبرد الجو
* الجو برا؟
* السرير التانى ذاتو برد معا
* همبريبك يا الله
* قدر ما قلنا ليكم السرير التانى مفرش وباااارد تعالوا
* راسكم القوى ده ابيتو تجوا
* أها المطرة جات
* إتلتلتوا ودخلتوا السرير فى السخانة دى
* والكهربا قاطعة
* مابتسمعوا الكلام
* أيها الناس
* أول مرة فى التاريخ نعيد مع الكنغو
* بلاد الله واااااااسعة
* أى زول يذيع العيد نعيد
* المهم
* آخر يوم فى الشهر الكريم قريب المغرب
* الكهربا قطعت
* وما قدرنا نخلط عصير
* والحلو مر قطع
* كنا حانضيع ساى
* لكن ربك رب الخير
* فطرنا بى فيتا
* بااااااااااردة
* كان ما الفيتا كان لى هسى نكون صايمين
* المهم
* زمان البلد دى كان فيها حاجة أسمها سينما
* السينما دى حوش كبييييييييييير
* جوه مقسم
* قدام كنب حديد إسمو الشعب
* ودرابزين بعدو كراسى إسمو لوج
* ومربعات جواها ستة كراسى إسمها درجة أولى للأسر
* والناس لما يدخلوها بشغلوها ليهم
* أفلام زى الأفلام
* بدرى الكلام ده
* من ضمن تلك الأفلام فلم هندى كبير
* الناس الوكت داك بتحضر الأفلام الهندية للغنا
* الفيلم ده فيهو إغنية جميلة
* بطلو شامى كابور
* كان شرط
* أصعب من إمى تاب اسى
* والبطلة سمنى
* إها البطل كان بغنى
* أى يى يا كورومبسا سكوكو
* السينما كلها بتغنى معاهو
* أى يى يا كورومبسا سكوكو
* والفيلم كان بيشتغل دورين فى اليوم ولمدة شهرين
* البلد كلها تغنى
* أى يى يا كورومبسا سكوكو
* فيلم جميل وإغنية رائعة
* إتذكرت الكلام ده كلو لما لقيت حكم فيتا مكبر اللفه والهلال كلو جارى وراهو
* أى يى يا
* أقول يا أخوانى المشهد ده شفتو وين
* لما إتذكرت شامى كابور
* سكو سكو
* ويوم فيتا ده حانرجع ليهو يوماتى
* عشان كانت إجازة العيد
* ويوم مازيمبى باقى ليهو إسبوع
* وعشان ما ندخل اليومين فى بعض
* الأسبوع ده فيتا
* والأسبوع الجاى فليتا
* المهم
* إذا صدر قرار الإتحاد الأفريقى بإيقاف من تعدى الحدود من لاعبى الهلال
* كورة مازيمبى دى إلا يتموا تشكيلة الهلال من السفارة
* المهم
* قال ليك رباطابى كنغولى شاكل رباطابى كنغولى تانى
* الرباطابى الكنغولى الأول قال للتانى ياوهم
* التانى قال ليهو:وهم أنا؟؟أنت قايلنى جيت الكنغو دى ساكى لى حكم؟؟
* أيها الناس
* بلنت فيتا العملها مساوى
* مع نفس الزول
* وفى نفس المنطقة
* وفى نفس الوكت
* وشاتها نفس الزول
* وبنفس الطريقة
* وبنفس القدم الشمال
* وفى نفس الزاوية
* المؤمن لا يلدغ من الجحر مرتين
* ونحمدالله عيدنا بدل العيد عيدين
* وما بزعل فى العيد إلا كافر
* روشا عيدكم كيف؟؟
* بس اوعا تكونوا زعلتوا!!!!
* ساكين ليكم حكم؟؟؟
* جايين من وين إنتو!!!
* أها
* نجى لى شمارات والى الخرتوم
* أكان شفت يا والينا
* قاعدين ساى يا والينا
* المطرة كشفتكم لينا
* البلد عايمة فى طينا
* وناسكم قادين إضنينا
* إننا ومن هذا المنطلق وأمطار خير وبركة وفاكنها فينا
* الخريف الفات رسبتوا يا والينا
* الخريف ده إعادة برضو تسقطوا لينا

سلك كهربا
* ننساك كيف والبلد مطينة بى طينه والبيوتات حزينة وبرضك يبرروا لينا

والللللللللللللى لقاء
سلللللللللللللللللللك

في السلك – بابكر سلك

شارك الموضوع :

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.