منوعات

وفاة زوج ندى القلعة بالسعودية


غيب الموت أمس السيد احمد محمد احمد الفكي زوج الفنانة ندى القلعة بالاراضي المقدسة إثر علة لم تمهله طويلاً حيث أصيب بـ(جلطة) دخل على أثرها الانعاش منذ يوم الخميس الماضي ، وتوافد عدد كبير من اهل الفن والاعلام واصدقاء واقارب اسرة ندى القلعة لتقديم واجب العزاء للفنانة التي دخلت في نوبة بكاء هيستيرية ، في الوقت الذي يقام فيه العزاء بمنزل اسرة الفقيد بالمناقل ، وقالت ندى القلعة والدموع تبلل خديها وتنهمر من مقلتيها مدرارا انها مؤمنة بقضاء الله وقدره وعافية ليهو دنيا واخره . وطالبت كل من يستمع لها او يحبها والذين يعرفونها واؤلئك الذين لايعرفونها برفع اكفهم بالدعاء لزوجها سائلين المولى عز وجل ان يتغمده بواسع الرحمة والمغفرة ، وأضافت ندى بان الفقيد كان يعاني من ضغط في الدم وطلبت منه العودة للسودان الا انه كان يرد عليها بقوله : (انا عايز اموت جنب النبي عليه الصلاة والسلام وعاوز اجاور ياندى) وختمت ندى حديثها الباكي لصحيفة فنون بان الموت إبتلاء وامتحان وهي راضية بقضاء الله وقدره .


‫37 تعليقات

  1. اللهم اغفر له و ارحمه و أحسن متقبله و مثواه و اجعله يا كريم من أصحاب اليمين

    و ألهم آله و ذويه الصبر و حسن العزاء

    إنا لله و إنا إليه راجعون

    نصيحة: نأمل من الفنانة ندى الابتعاد عن الغناء لمدة 4شهور و10أيام تقديراً لفراق زوجها من باب الوفاء والعبرة والعظة.

  2. للفقيد الرحمة ولأهله الصبر والسلوان…..
    وإنشاء الله يا ندى دموعك دي تكون بالجد ما تكون دموع تماسيح.

  3. اسال الله له المغفره واتمنى من الفنانه بالتوبه الى الله وترك الغناء والتعرى فى اللبس وبان تكون قدوه للسودانيات وليس بالغناء لانه حرااااااااااااااااام

  4. للفقيد الرحمة والمغفرة والتعازي لاهله
    المرة الوحيدة السمعنا بي اسم زوج ندى كان خبر وفاته

  5. تصدقوا .. أنا قريت العنوان وفاة ندى القلعة !:cool: 😎 قلت معقول الفنانات بيموتوا بس لمن قريت الخبر قلت الحمد لله طلع زوجها (محمد أحمد الفكي) ربنا يرحمه ويرحم جميع موتي المسلمين ;( ;( ;( ;(

  6. الله يرحمو .. ويغفرلو

    بس اول مرة نسمع انو المرة دي عندها ولي

    بس انشالله تتعظ .. وتنسى الفارغة والمقدودة والمشي لي نيجيريا

    لاحول ولاقوة الا بالله

    ياربي الفنانات بحدو .. ولا الحكاية اكل عيش

  7. الموت علينا حق …. ربنا يتغمدو برحمته ويجعلو من اصحاب اليمن …وربنا يصبرك يااستاذه ندي ويعينك علي مصيبتك …………
    ومافي داعي ياجماعه الاسلام للتعليقات المافي محلها دي ..دا موت والموت مافيو شماته ودا حال كل مومن
    ربنا يغفر للجميع

  8. البركة فيكم ياندى اها بس ختينا فى ترشيحات الزواج الجاى والعنوان نقدم ليك السيره الذاتية

  9. الهم اغفر له وارحمه واجعل قبره رياض من رياض الجنه

  10. وااااااااااب عليك ياندويه تاني حفلات ليك مااااااااااااااااااااااااااااااااااااااااااااااااااااافي سجمك

  11. اللهم اغفر له وارحمه والهم اهله الصبر والسلوان
    الموت مصير كل انسان اما علاقة الموت بحياة الزوجة وطبيعة عملها ارى لا علاقة بذلك هناك فترة 4اشهر و10يوم بعدها ان ارادت ندى ان تتجه الى المديح والانشاد الدينى قبل ان تلتحق بالرفيق الاعلى احسب ان ذلك خير لها

  12. ارجو أن تتعظي من فقدانك لزوجك وتتركي الجري وراء الغناء ونيجيريا.
    له الرحمة والمغفرة

  13. كلامكم دا دعية ولا جد ؟
    خالص الاعلام ما جاب سيره
    واليوم قرات عندكم انها من ضمن قايمة النوايا الحسنة

  14. البركة فيكم ياندوية

    هكذا حال الدنيا… كل من عليها فان ريبقي وجه ربك ذو الجلال والاكرام…

    ياندوية ما تسمعى كلام الناس البكتبوا فى الكلام الفاضى دا ………..

  15. الله يرحمه . لاكن هو مات في ودفن في الرياض وليس في المدينه المنوره . للتوضيح وعليه دين كبير ما سدده لناس في الرياض وجده

  16. اللهم ارحمة وارحم موتانا له الرحمة ونسال العلي القدير ان يلهم اهلهوزوجتة وابناؤه الصبر الجميل انا لله وانا اليه راجعون

  17. اولا إنا لله وإنا إليه راجعون

    الفنانة ندى ادعو الله لك بالصبر والثبات بعد المصيبة الكبيرة التي وقعت عليك وعلى أسرتك
    واذكرك ناس الدنيا بشمتوا وبيعلقوا على اي شي حتى الموت والموتى
    ارجو انك ما تهتمي لكل ذلك لان مصيبتك اكبر منه ، وأحسن الله عزاك

  18. نحن فى انتظار فتوى من مجلس الافتاء الشرعى هل حايجوزو الغناء لندى بخصوص حفلات راس السنة والكرسمس ذى ما فطرو لعيبة الكورة وافتو فى تشجيع مصر والجزائر حظكم جاكم شغل حلك لمن اجى رمضان

  19. علي قول واحد كدا.. تاني حنة وقشرات مافي..
    غايتو الا تعملل عذر انو هي البتصرف علي البيت وطاقيها الفلس عشان تقطع العدة

  20. انا لله وانا اليه راجعون..حقيقى ماتت أخلاق ومروءة السودانيين وبقوا يشمتوا فى الموت..لا حول ولا قوة الا بالله;( ;( ;(

  21. الله يرحمو
    مسكين كسرت عينو بين الرجال بي عمايلها لمن جاو ضغط
    اكيد مقاطع اليوتوب وتعليقاتها سبب الضغط والسكري بتاعو
    وتخيل هروبه من نظرات الناس
    ربنا يرحمه ويجعل عمايل مرته كفارة

  22. ;( البركة فيكم ;(
    ربنا يرحموا ويغفر ليهو ويغفر ليكي
    وخالتي جابيه ليكي شوال سكر

  23. اولا البركه فيكم وتانى حاجه عيب منكم ىاسودانين دى ماشيمنا واخلاقنا وانا مابشكر ليكم ندى لكنننننننننننننننن زى ما ندى غلطت مافى انسان معصوم من الغلط وانتو كمان غلطو فيها ابسط حاجه تعالقكم فى وفاه زوجها وكلاكم المافى نوع من الادب ولا الشهامه ولا الرجوله(والكلام دى للفئه الماتحاسب فى تعلقاته):mad: 😡

  24. الهم ارحمهو واغفر له والزم ذويه الصبر الهم اسكنه الجنه وادخله الجنه مع المؤمنين الصابرين والشهداء .
    الهم ان كان محسن فذيد في إحسانه وان كان مسئ فتجاوز عن سيأته .
    الهم ارزقه ابناء خيرا من ابنائه وزوج خير منزوجه ودار خير من داره .
    الهم صبر زوجته واينائه واهله.

    :;( ياندي انشاء الله البركه فيك وفي اولادك الله يصبركم

    محمد عبدالله امدرمان

  25. إنا لله وإنا إليه راجعون .. أسأل الله سبحانه تعالى أن يتغمده بالرحمه ..
    وأذكر الأخوة السودانيين (ولا تنابذوا بالالقاب بئس الاسم الفسوق)

  26. والله ربنا الهمك الصبر والثبات واقدرك على الحبس ومنتظرين النيو لوك الجديد من غير حناء ريحتى النسوان شوية من حنت ندى القلعة وطقم ندى القلعة 😉 😉 😉 😉

  27. اللهم ثبته اللهم احسن اليه انا لله ولنل اليه راجعون

  28. السلام عليكم ورحمة الله وبركاته
    اولا . البركه فيكم ياندى وربنا يرحم موتانا وموتى جميع المسلمين
    تانيا. ياجماعه اي زول يخت نفسه مكان ندى يموت ليه اخ, اخت , ابو , ام ويرسلو ليه تعاليق زي الرسلتوها حيحس بي شنو بغض النظر هو شنو او هي شنو احنا مابنحاسبها ليها رب بيحاسبها وماتنسو ممكن تكون عملت عمل خير واحد بس في حياتها وربنا بيه يمسح ليها كل ذنوبها فاحنا مانقوم نشمت ولا نتكلم لانو اي حسنه نكون عملناها بتمشي ليها صدقوني الشماته حاره وربنا بيردها للشامت في الدنيا قبل الاخره فما تشمتو في الموت او في اي شي ممكن اي زول شمت يصبح بكره يلقى ليه عزيز عليه ميت الله يغفر لينا ويسامحنا عن اي ذنب ارتكبناه في الدنيا الفانيه
    وانا اول زول لو شمت في اي زول في الدنيا بطلب ربنا يسامحني وماينتقم مني ” كما تدين تدان “” ماتنسوا ماتشمتوا انتو مابتحاسبو زول في الدنيا ولا في الاخره ربنا وحده هو البيحاسب ياجماعة

    سودانيه اصيله

  29. الله يرحمه ويحسن اليه ويسكنه في فسيح جناته يا رب العالمين …..

    بس بنسأل كم من أمام ومؤذن وخطيب توفوا لرحمة مولاهم ولم تلمحه الصحف لمحة أو دعاء نسأل الله العافية ويرحم أموات المسلمين