البشير : بقت موضة أي زول داير وزارة يشيل بندقية
أعلن المشير عمر البشير رئيس الجمهورية رئيس المؤتمر الوطني منح الحركة الشعبية وزارة الطاقة بدلاً عن وزارة الخارجية في التشكيل الوزاري الجديد ، مشيراً الي اعطائهم نفس وزاراتهم في الفترة التي سبقت الانتخابات ، مؤكداً ان كل ماتم انفاذه حرصاً من حزبه على تحقيق الوحدة . وقال البشير خلال مخاطبته امس دورة الانعقاد الاولى لمجلس شورى الوطني القومي : قررنا منحهم هذه الوزارات رغماً عن انها حق اصيل للوطني وليس للحركة حق فيها ، داعياً للعمل دون تقاعس لتحقيق الوحدة ، واضاف لابد من ان نتحزم ونعمل نفير من اليوم ، وحتى موعد الاستفتاء ، مؤكداً ان تحقيق الوحدة بالبلاد يعني تحقيق الوحدة الافريقية منوهاً الي ضرورة الحفاظ على ماتحقق من مشاريع للجنوب ضماناً للوحدة . وتأسف البشير لممارسات الحركة الشعبية بالجنوب ، واضاف للاسف (أخوانا في الحركة اشعرونا بان الجنوب حقهم ويحافظوا عليه بالبندقية ) واصفاً انها جاءت له عبر السلام وليس بالحرب ، واصفاً مرحلة الاستفتاء بالمهمة جداً ، وزاد هي (المرحلة الجد) وتقرير المصير يعني اما ان يكون السودان موحداً او دولتين ، مشدداً على ضرورة عدم تكرار ماحدث في الانتخابات عند الاستفتاء معلناً مواصلة انفاذ ماتبقى من بنود اتفاقية نيفاشا . واكد البشير عدم السماح بالفوضى باسم الحركة والديمقراطية . مشيراً الي ان شعارهم ديمقراطية راشدة وحسم عادل ، مبيناً سعيهم لتحقيق المزيد من الاستقرار السياسي . وقال ان منبر الدوحة التفاوضي الحالي آخر منبر للتفاوض بشأن قضايا البلاد . واضاف ( بقت موضة اي زول داير وزارة يشيل بندقية والداير موقع يشيل بندقية برضو) لافتاً لعدم وجود مكان لذلك ، وبحسب صحيفة آخر لحظة زاد كل من يريد السلطة فعليه الاتجاه نحو صناديق الاقتراع .
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
الاخ البشير بعد التحيه
لاتهي عن خلق وتاتي بمثلة
سبق ان اخذتم الوزارات بالبندقية حتي انتخبناك مؤخرا
كيف تقول ان الوزارت خالصة للمؤتمر هذا الوزارات خالصة للسودان ويمكن لاي سوداني كفو ان يديرها
مش زي ما إنت شلت بندقية عملت بيها إنقلاب عشان تكون رئيس!!
بقت موضه الداير ليه وزارة يشيل بندقية!!!!!!!!!!!!!!!!!!!!!!
ليه حلال عليكم و حرام على غيركم ..
انتو شلتو وطن كامل و بهدلتوه ..بدبابة
و ده كلام شنو .. نتحزم و نعمل نفير من اليوم!!
الجماعة ديل حاسبين غلط ولا شنوا..؟ الولادة لدولة السودان
الجديد فى المخاض
3aaaaaaaaaaafe mnk
والله يا الريس كلامك سمح بس وزراك كلهم شغالين نهب في ثروات السودان
ساتحدث ما اعرف ان الفريق عبدالرحمن سر الختم ترك ولاية الجزيرة وهي مديونة وتنمية صفر علي الشمال بل زيادة علي ذلك باع كل اصول وبيوت الولاية .
رئيس مجل ادارة مشروع الجزيرة والله شغال نهب في المشروع والاستثمارات في المشروع بالعين المجردة الفساد ظاهر . تزوج بت السريحة بالعين الحمراء واغراء المال وخطيبها القديم لسه متحسر للموضوع دا ويعاني من ظلم الانسان لاخوة الانسان .
الفحل الذي يسمي بعبد المطلب يفترض ان يحاسب في قروشنا في مشروع سندس الزراعي يرقي ويحول من المشروع لحاجة اكبر مجلس الذكر والذاكرين والله كان مفروض يمشي مجلس النصب والنصابين .
وللحديث بقية وانشري يا النيلين
انت يالبشير الله يطول عمرك لازم تكون فى محاسبه لكل مسئول وتحقيق العداله وردالمظاليم والضرب من حديدللمفسدين وضبط الزى فى الشارع العام والجامعات:lool: :lool: :lool: :lool: :lool:
السودان للسودانيين ولا شنو كل واحد عمل ليهو جماعة وقال نحن اصحاب البلد أرجو أن تكون رئيس السودان وليس رئيس المؤتمر بتاعكم ده واللي بتكلم باسم حزب يشوف ليهو بلد تاني يحكمو:mad: 😡 😡 😡 😡
بسم الله الرحمن الرحيم
انا اختلف مع المعلقين نعم البشير جاء بانقلاب عسكرى وكان حال
السودان لا يسر اى احد 00
الشئ الثانى يوجد فرق كبير بين الانقلاب وبين التمرد
التمرد ينحصر خرابة فى ساعات او ايام وينتهى بى حكومة جيدة
او يفشل 00 لا اكن التمرد يخرب فى البلد لربما سنين 00
ياجماعة لازم نكون واعين ومفتحين 00
وصحى كلام البشير كل واحد عايز وزارة ليه يعنى عايز وزارة
والله اى متمرد يتمرد عشان يقول اهله والله العظيم كذاب
انا الان مع اى واحد عايز يقلب الحكومة انا معه لاكن تمرد لا
والف لا 000
وعاش السودان عاش عاش عاش عاش 00
والله السودان هذا لايتقدم خطوة لان الى هذه اللحظة يوجد فهم
عجيب
وطنـــــــــــــــــــــــــــــــــــــــــــــــــــــــى000
وانت سيادة الرئيس كبيرهم الذي علمهم السحر….الجمل مابشوف عوجة رقبته…السيد الرئيس لهجته تغيرت بعد الانتخابات صدق نتيجتها….ربنا يلطف ببلدنا
صحيح الاختشووووووووا ماتوووووووووووا
يا ملك البندقية
ودالبشير اخوي الشغلة انت ما قدرت عليها مجاملاتك كتيرة وسياستك ضعيفة جدا عشان كده يا اخوي نصيحة لوجه الله تعالي مصلحة الدولة الكبري والحزب والحاكم ما بتنفع فيها المجاملات تمام انا عشات في ليبيا والعراق زمان وسوريا والخليج الحكام في الدول كلها ما بجاملوا نهائي في حق الدولة يعني انت لما تشوف المعارضة المعاك في الخرطوم ده ما تسكت انا اوريك تعمل شنو ؟؟
ابدا بالجمبك معاك ديل انت عارفهم هم اصلهم 4 اشخاص كل اسبوع ودي ليهم جماعة من الامن السري يقتلوا الواحد في بيتو وما يعرفوا كتلو كيف بعد تنهتي من ديل تاني ببقي ليك الناس الشوية شوية ديل البقل ادبه اصلبوا في السوق العربي اعمل ساحة كبيرة لخونة الوطن للصلب بس وتاني تعمل ساحة للحرامية اي وزبر اشتكوا الناس منه يحاسب ويصلب وسط العاصمة واهم شئ قبل ده كلو تصلح علاقاتك مع الغرب واعمل كده والله تاني لا اوكامبو يحاسبك ولا اوباما ولا غيرو والبلد تمشي زي الخيط السودان محتاج حاكم ديكتاتوري عادل او نعيش في الهم والغم كده لما تقوم الساعة وتكونو في قلق والخبار عندكم .
سلام عليكم **** سبحان الله كم مره من الوقت حتى الان وعندما تشعر بالعار الذي يلاحق حتي الممات تقول نعمل للوحده لقد خنت انتا و من معك دماء الشهداؤ الابطال ويا سيدي الرئيس الجنوب منفصل لامحال والبركة في شيخ علي وونافع وباقان اتحداك وكسب الرهان العار كل العار وربنا يستر علي الباقي
بقت موضة اي زول داير وزارة يشيل بندقية والداير موقع يشيل بندقية برضو … واضيف يفتش ليهو عن دعم خارجى 😡 والسؤال ياريس متى تنتهى هذه الموضه ؟؟؟
(بقت موضة أي زول داير وزارة يشيل بندقية والداير موقع يشيل بندقية برضو )!!!!!!!!!!!!!!!
لا تحرم ما حللته لنفسك
ما انت ترزي الموضة دي !
DON’T TALK …JUST KEEP QUIET AND LET MR.NAFE ALI NAFE TALK ON BEHALF….BECAUSE HE IS THE PRESIDENT WE KNOW
وانت شلتها كيف في 89 برضو بالبندقية يعني هي ما موضة افتكر هي عادة قديمة بس , والخزنة القلت لقيتا فاضية في 89 فضت لان الحكومة كانت بتصرف علي الشعب بتدعم الدقيق القلتا انو الناس واقفة صفوف , الناس الوقت داك عندها حرية التعبير بدليل ارتفاع اي سلعة يحتج الشعب معها ,, تعال شوف هسه البتكلم الحق بتبلعو لسانو بي جهاز الامن ومكافحة الشغب والشرك الامنية ووووو ,,,
قررنا منحهم هذه الوزارات رغماً عن انها حق اصيل للوطني وليس للحركة حق فيها 😮 😮
عليك الله الزول دا نصيح يعني ما جاب سيرة السودان كلو كلو قال حقة الوطني ونظام هم اتبرعو بيها لي ناس الحركه:mad: 😡 واللهي هذا السودان خطوه واحده لي قادم ما يمشي واحسن زاتو طالما الشعب ساكت خلي اليتحرق يمكن لمن يتحرق يجو ناس يبنوهو صاح من البدايه:mad: 😡 😡
ها ود العيلفون انت صاحي اكان كدا الا يصلب نفسو
مشكلة البلد انو حكامها ومعارضينها تفكيرم وسخ زي تفكيرك ده يا ود العيلفون
هم اصلا بحاولوا يعملوا زي ما انت بتقول لكن لكن الحمد لله كيدهم في نحرهم
واصلا وقعوا في بعض من زمن المفاصلة وقريبا حيكملوا بعض وترتاح البلد
ونصيحتي ليهم يشوفوا ليهم قناع تاني غير الدين الاسلامي لانهم اساؤوا له اسائة بالغة
حتى ان اتى ابناء الحلال يكون تطبيق الدين ساهل بالنسبة ليهم ولكنها ستظل عقدة عندنا ربما لمئات من السنين
قادمة كلما اتى شخص ليقيم الدين ويطبق الشريعة الناس تحتج عليه بما فعله هؤلاء القوم من تدليس هذا ان تركونا وفينا روح
ولكن السؤال المحيرني فعلا هو هل تعمل حكومتنا ضد الدين بخبث وسوء نية ام هو الجهل ؟
الزول ده بضحك في الصورة الفرحانلها شنو ؟
اصلا مافي زول بدافع عن الحكومة الا يكون هو منهم او احد اقربائه المقربين شغال معاهم ومتنعم من اموال الغلابة
لكن المواطن العادي زيتو طالع وحيلو مهدود وكان سألتو رايو يا ينبز الحكومة يا يسكت حفظا لنفسه
يعني من الاخر كدا الشايلين السلاح ارجل من الماشايلين السلاح والرسول الكريم اوصي بتغيير المنكر باليد
او باللسان او حتي في السريرة والساكت عن الحق شيطان اخرس والتمرد على الشر فضيلة والمقاومة في العراق
وحماس والمجاهدين في الشيشان وافغانستان والامام المهدي و محمد بن ابن عبد المطلب عليه افضل التسليم كلهم
رجال تمردوا على الظلم والطغيان والجهل والطاغوت فلماذا يريد بعضكم من السودانيين الا يتمردوا علي الحكومة
التي كلها جهلة وفاقد تربوي الدنيا اصلا زايلة ونحن غير كرامتنا فيها ما عندنا شئ دايرنو يا نعيش عزاز يا نموت عزاز ومتمردين ضد الحكومة
وبكرة كان جا امريكي ولا اي كافر غازي برضو متمردين واصلا هي حكومة ضعيفة فالحة في المواطنين لكن قدام جيوش
الدول الاخدت ارضنا واعتدت عليها زي مصر وشاد واثيوبيا واغندا واسرائيل الخ فهم مثل الدجاج عاملين زي الراجل الخيبان يدق
مرتو في البيت وبرة الشارع اضينة وحقو ضايع ومضروب على راسو ويرجع يفكها في المرة والاولاد
من الذى دعا الناس لحمل البندقية … الم يك البشير نفسه الذى قال اننا لا نفاوض الا من يحمل البندقية … اها الناس شالت البندقية خم و صر !!!!!!!!
kنعم يا المشير الشرير حكومتك دى ما حكومة ناس مساكين والمسكين فى عهدك دا يموت كمدا وظلما اما القوى هو البجيب حقو بضراعو سواء كانت وزارة او سفارة يحاب ويقاتل ويعمل اى شىء وفى الاخر ترضخ يا جبان وتجى تديه وزارة وويتعين كل المرافقين معه غصبا عنك وعن الكيزان الجبناء وها انت مليت الدولة واثقلت كاهل المواطن المسكين بتعييناتك الفارغة من مستشارين ومساعدين ومبخرين عشان بس تحافظ على كرسيك دا يا لك من حاكم ظالم وضعيف ومستعد تعمل اى شىء من اجل الجلوس على كرسى الرئاسة ولو علمت حقا به وبتعاته لتركته فورا لكن غشتك دنياك وتبعت هواك وبعت اخرتك بدنياك فالويل لك 0