جرائم وحوادث

فنان شاب يدعي تهديده بالتصفية الجسدية بسبب محمود عبدالعزيز


قال المغني الشاب صلاح ولي بأنه ظل يتلقى تهديدات متوالية وبصورة مستمرة منذ أن القت الشرطة القبض على الفنان الشاب محمود عبدالعزيز بحسب الاجراءات القانونية التي اتخذها الفنان صلاح ولي متهماً إياه بالاعتداء عليه ضربا مبرحا بالكفوف والشلاليت داخل غرفته بمنزله بمدينة المزاد بحري، وقال صلاح ولي كلفت مستشاري القانوني برفع عريضة دعوى جنائية تختص بالتهديدات المتواصلة التي وصلت في مجملها إلى عدد من المكالمات الهاتفية التي تطالبني بتحديد موقعي إن كنت راجلاً لأنك باي حال من الاحوال تود الاشتهار على حساب محمود عبدالعزيز وهذا ما لا يمكن أن ندعه يحدث.
وتابع صلاح ولي قائلا أنه ليس خائفا من هذه التهديدات التي وصلت إلى درجة التصفية الجسدية ما دعا والدتي أن تقلق علي للدرجة التي أصرت فيها أن أغادر الخرطوم للدويم مسقط راسي. واستدرك قائلا أنه سيتابع البلاغ الذي فتحه في محمود تحت المادتين 142 ، 182، من القانون الجنائي مؤكدا أنه يرفض كل الوساطات ما لم يأت محمود لمكاتب صحيفة فنون ويتم الصلح من خلالها وهذا ما ابلغ به الفنان كمال ترباس الذي يقود مبادرة لرأب الصدع بين الطرفين.


تعليق واحد

  1. معقولة بس فنان بقامة محمود عبدالعزيز يعمل كدة انا متاكدة انو اتهام باطل…:mad: 😡

  2. هو عليك الله زي محمود عبد العزيز ده فيهو حيل عشان يديو ليهو كف وشلوت،،ياخي انا لو مسكتي في رقبتو دي بقلما ليهو كش ،،وان كيف يخلي واحد ميتان زي ده يديك كفوف وشلاليت،،،،ودنيا الغرائب

  3. بالله عليك هسي محمود عبد العزيز يقدر يمد ايده على بت ؟؟ والله والله اي واحدة تلفحه بنية تقسمه اتنين دا شنو دا ؟؟ محمدو قال ..هههه

  4. السبب شنو البخلي زول يضربك بالكفوف والشلاليت
    انت يديك وين لو عشان في بيتن

    ياخواف الخواف الخواف اهو

  5. ياخي انتا زول خواف اول شي محمود ده تأكل في ايدو وانتا ود بتين عشان محمود اعرفك زاتو قال كفوف قال ياخي ماتخجل علي كلمتك دي

    الله الوطن الهلال الحوت

  6. انت فنان ومحمود فنان يعني أولاد شغلانة واحدة ما احسن تحلوا مشاكلكم بالهداوة والروقة واذا ما قادرين تحلوها وسطوا العمالقة وحلالين المشاكل زى كمال ترباس و أبو عركي وحمد الريح

  7. ياخي الله ينعلك انته ومحود علي العموم محمود اكيد كان سكرا ن او محشش