كمال ترباس: أنا لاعب الكورة واطة .. والصرفة دي حقتي عشان الشريف مبسوط مني..!
أطلق الفنان كمال ترباس تعليقاً ساخراً بعد تواتر الأنباء عن قرب سفره مع المطربة ندى القلعة لإحياء حفل زفاف ابنة علي الشريف حاكم ولاية مايدوغري حيث قال: يا ناس الصرفة دي حقتي عشان الشريف مبسوط مني.. في إشارة منه إلى قبوله الدعوة للسفر، معرباً عن سعادته في ذات الوقت باختياره شخصياً ، وقال إن ذلك يمثل أكل عيشهم متمنياً أن يجد غيرهم الفرصة في السفر إلى نيجيريا.
وكشف ترباس عن أسباب غيابه خلال الفترة السابقة عن التصريحات الصحفية وابداء رأيه فيما يدور في الساحة الفنية وقال: أنا الأيام دي لاعب الكورة واطة يا جماعة والسنة الجديدة على الأبواب وما عندنا شين مع زول.
وأشار ترباس إلى نجاح حفله الأخير بدولة الإمارات بصحبة المطربين شريف الفحيل وريماز ميرغني، وتحدث ترباس لصحيفة فنون أيضا عن تداعيات الأحداث التي صاحبت الدورة المدرسية مستنكرا ما حدث متمنيا أن يكون السودان وطن واحد يضم الجميع.
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
يا اخي انت دائما ساخرا ودائما حديثك يدل علي جهلك .بالله عليك حاول ان تترفع الي مستوي مسؤليتك امام جمهورك وتحاول ان تكون دائما في مستوي مكانتك وسط المجتمع السوداني لاننا ما محتاجين الي سخافات ورود واسلوب غريب ما تعودنا عليه من قمم الفن في السودان . وحاول ان تقلد الاخرين من اساتذة الفن وعمالقة الفن في السودان في ردودهم وحواراتهم
شنو ياابوعمه 8متر اوعه تقول لي الشريف مبسوط مني وكمان مع صاحبتك ندي القلعه ياساتر يارب بس العمه دي شعار قومي وعارف ياترباس مقامها عند السودانيين كان ماقدرها احسن تنزله من هسع وشوف ليك بدله والله ذي افرنجي شوف البلدي والذي القومي لاهلو وياحليلك ياوطن (انا سوداني انا انا سوداني انا ) ياحليلك ياالعطبراوي ولك الرحمه….
انت فاكر حتكون احسن من المعاك لا والله كلكم تذلوا وتهانوا عشان القرش يا رخيصي الثمن ..
انا ماعارف الشريف دا فعلا معجب بالفن السوداني ولا بحاجات تانية سودانية ، وبعدين هل هو ولا اهله بيفهموا عربي .. كدى النقيف شوية عند المسألة دي نيجرياف يها من الفرق ما يغني في اوربا وامريكا واهلها يفضلون ذلك النوع من الغناء فلم الاصرار دا .. يعني فناني الزمن احسن من ناس الزمن الماضي فليه نيجريا ما كان بتطلبهم ..