مهندس يشن هجوماً على برنامج أفراح أفراح بقناة النيل الأزرق بسبب حفل زواج أخيه


عبر اتصال هاتفي من العاصمة السعودية الرياض بالدار شن المهندس أحمد محمد عثمان هجوماً عنيفاً ووجه لوماً وعتاباً لبرنامج (أفراح أفراح) الذي يبث عبر شاشة قناة النيل الأزرق وذلك بسبب تجاهله وعدم بث زواج شقيقه بالرياض حسب ما هو معمول به.
وأضاف المهندس أحمد محمد عثمان يقول : أنه قام بكل الترتيبات لحفل زواج أخيه عثمان بالرياض ودفع ما عليه من التزام مالي لكي يبث في حدود سبع دقائق إلا أنه تفاجأ بأن زمن البث لم يتعد ويتجاوز الثلاث دقائق وخمسين ثانية إلى جانب خلل فني واضح في تقطيع البث خلافاً لما يشاهدوه عن بث مناسبات الزواج الأخرى وقال المهندس أحمد أنه تحدث مع مدير القناة بما حدث وأنه قد أجابه بمعالجة الخلل..
ولكنه مؤخراً أكد له بأنه ليس هناك مشكلة إلا انه تراجع ولم يقم أو يوجه بمعالجة الخلل وأضاف انه تظلم كثيراً وكان كل أمله أن يجد تفاهماً من إدارة القناة لا سيما إنهم مهاجرون بالخارج وأنه كان يمني نفسه بأن تعامل مناسبة زواج شقيقه عثمان مثل الآخرين داخل وخارج السودان كما هو معروف بث المناسبات لمدة سبع دقائق وقال المهندس أحمد في ختام حديثه بنبرة حزينة أن هنالك خيارات وطقوس في تغطية المناسبات لا سيما أن البرنامج بث حفل زواج عبارة عن حلقة كاملة لأحدي الزيجات السودانية بدولة الإمارات..


صحيفة الدار


26 التعليقات

إنتقل إلى نموذج التعليقات

    1. 1

      لا تستحي يا باشمهند على احتجاجك هذا وتعلم علم اليقين ان هذه القناة لا تبث غير الفضائح، لماذ لما تحتج على انها عرضت اخواتك وزوجتك وجميع محارمك للناس كي يتفرجوا عليها، اتقي الله في أهلك ويجب عليك محاربت مثل هذه الظاهرة السئة المخالفة لديننا الحنيف.

      (0) (0) الرد
    2. 2

      أستحى .. أستحى
      لعن الله الرجل الديوث ..

      (0) (0) الرد
    3. 3

      [SIZE=3][B]يا سبحان الله

      برنامج أفراح أفراح

      مقال يشن هجوما ويشجب البرنامج
      ومقال آخر يشن هجوما ويشجب أيضا البرنانج

      الأول لأن البرنامج مفسد ومبتذل هادم للبيوت والأخلاق ومهتم بالفجور بسبب نقله لبيوت الأعراس ليشاهد العالم نساءنا الكاسيات العاريات على حد قول كاتب المقال عن لسان إمام مسجد.

      والثاني لأن القناة أخذت ماله لتبث زواج أخيه ليشاهده العالم ولم تلتزم بالإتفاق وبث العرس لفترة زمنية متفق عليها ؟؟

      والله علامة إستفهام قدر إستاد الخرطوم ،،،، اسي عليكم الله ياجماعة الواحد يعلق يقول شنو ؟؟؟[/B][/SIZE]

      (0) (0) الرد
    4. 4

      وأضاف المهندس أحمد محمد عثمان يقول : أنه قام بكل الترتيبات لحفل زواج أخيه عثمان بالرياض ودفع ما عليه من التزام مالي لكي يبث في حدود سبع دقائق إلا أنه تفاجأ بأن زمن البث لم يتعد ويتجاوز الثلاث دقائق وخمسين ثانية إلى جانب خلل فني واضح في تقطيع البث خلافاً لما يشاهدوه عن بث مناسبات الزواج الأخرى وقال المهندس أحمد أنه تحدث مع مدير القناة بما حدث وأنه قد أجابه بمعالجة الخلل..
      …………………………………………………………
      سبحان الله يا باش مهندس ماهذه الفضائح التي أنت فيها ؟؟؟ ياأخي إذا بليتم فاستتروا (هذا البرنامج لاتعرف بأنه يبث فقط لعرض ثياب المذيعات والله لكن آخر زمن ) وكمان تحتج يا راجل حرام عليك والله .
      ( والله هرام أليك ياميمد أسمان )

      (0) (0) الرد
    5. 5

      [B][SIZE=6][SIZE=4][FONT=Arial]بالله خلي السخف والديوس . انت متغرب من بلدك واهلك بدون هدف عرس اخوي في عينك . انا معاك بالسعودية قول لي انت وين موجود عشان اجي ادخل اصبعي في عينك يا ماعندك حياء.رقم جوالي بالكنترول . في مذيعات تزوجوا براس السنة 2011(رشا الرشيد ) سمعتها بيها ولا عرضت نفسهااختشي … حسبي الله ونعم الوكيل [/FONT][/SIZE][/SIZE][/B]

      (0) (0) الرد
    6. 6

      الخطبة التي ألقاها أمام المسجد يجب أن تجد أذانا صاغية ولا عذر لمن أنذر وعلى المواطنين كافة مقاطعة هذا البرنامج الذي يروج للفساد والإفسادكما يعتبر دخيل على عاداتنا وتقاليدنا. ونسأل الله الهدايا والعفو والعافية.

      (0) (0) الرد
    7. 7

      يخس عليك يا قليل اصل
      بالله تحتج على عدم عرض نساءك في التي في

      انا برضو زي اخوي على محجوب بالسعودية فكدى وريني
      مكانك بالسعودية كان ما جيت طيرتك من هناك نوهائي
      عشان احسن تجي تحتج هناك على الطبيعة يا رخيص

      (0) (0) الرد
    8. 8

      للوهلة الاولى عندما قرأت الخبر “””مهندس يشن هجوماً على برنامج أفراح

      أفراح قناة النيل الأزرق بسبب حفل زواج أخيه””””

      قلت يا سلام دا والله راجل عايز يدافع عن شرف العروسات اللائي يبدين

      زينتهن على الملأ وعايز ينتقد الصورة السيئة التي بدأ عليها السودانيين

      اخوان البنات لكن ………. طلع الراجل فالصو

      وا عيبا …..

      (0) (0) الرد
    9. 9

      ياجماعة كل زول حر في لقاليقه

      (0) (0) الرد
    10. 10

      [JUSTIFY][SIZE=5][FONT=Times New Roman][COLOR=#7600FF]لما الواحد يكون باط…. ويكون ما عنده موضوع اهو يسوي كدا .. حرم هسي تلاقي عنده اولالد خالة ولا عم مالقين ياكلوا رغيف .. وبس عايز يجي ويقعد ويبخبخ السجاير بالله شفت الحفلة كيف ؟؟ يا اخي لم اتكلمت مع مدير القناة قلت ليه لازم يكون ومايكون ؟.. وعايز يمسك المجلس وياكل اضناين الجماعة شهر بحفلة اخوه النقلتها النيل الازرق يا اخي نحن عرس ديانا لم كل مشاهير العالم غير القناة ,, والله يا جماعة الفكر في البرنامج ما عمل خير ابد .. زود جرعة المفاخرة والتباهي وكيف عرس ناس فاتي وعرس فتونة وميمونة ويا حليلكم يا ناس زيتونة ..
      ياراجل فكنا بلا عرس اخوي بلا حمارة ميتة معاك شوف ليك شغلة رجال وقوم عليها .. بالله هسي لو نقله من من اول يوم الى ليلة الدخلة .. واعتقد كمان ماعندك مانع ينقلو مابعده الى ان توصلنا السماية ..
      شعب فعلا فارغ وماعنده موضوع قال عرس اخوي قال ؟؟؟[/COLOR][/FONT] [/SIZE] [/JUSTIFY]

      (0) (0) الرد
    11. 11

      والله ياجماعه المهندس ده وقع في شر اعمالوا وجاب لي نفسو الكلام ساكت

      (0) (0) الرد
    12. 12

      عليك الله دا مهندس شنوحرام عليك وكمان في بلد الرسول صلي الله عليه وسلم انا في الغربه من اجل توفير وجبة الفطور وانت مع افراح وافراح والله الرجال سبقوني بالعيون بس نرجو يخلو لي باقي الراس عشان اكسرو وارتاح بلا مهندس ولا مهندش

      (0) (0) الرد
    13. 13

      يا جماعة كدي براحة
      ولا في مهندس اتصل ولا يحنون
      دة كله جس نبض و إثارة فتنة
      والله أساليب الكيزان دي بقت واضحة
      شوف بالله كمية الناس الردوا
      …………………….
      …………………….
      مهاً لكشف مرودي الإشاعات

      (0) (0) الرد
    14. 14

      [FONT=Tahoma][SIZE=5]والله انا اول ماقريت العنوان قلت الرجل محتج على اذاعة زواج اخوه فى القناة خاصة وانا امس قريت هجوم امام الجامع الكبير علة قناة النيل الازوق يا اخوانا الحياء راح من الناس بالله واحد يقبل زوجتو والا اختو اواى واحدة من اهله يجيبوهن متكشفات كده وبعدين يا اخوانا القناة مدير ها حسن فضل المولى وهومحسوب على الاسلاميين اتقوا الله ياناس فى اعراضكم واعراض المسلمين[/SIZE][/FONT]

      (0) (0) الرد
    15. 15

      [SIZE=7][B]انا مغترب فى السعوديه غايتو اقول ليك شنو انت اصلك مش رجل علشان يردو عليك
      الان حق السبع دقائق دى اذا ارسلته مصحاف للمساجد فى السودان ماكن احسن لك دنيه واخره وصدقه جاريه
      كما قال رسول الله صلى الله عليه وسلم ( اذا مات بنى ادم انقطع عمله الا من ثلاثه ومنضمنه صدقه جاريه مستمره)
      فكونى اديه كف وشلوت اطيرو هناك[/B][/SIZE]

      (0) (0) الرد
    16. 16

      [[SIZE=3][SIZE=4]B]لا حولة ولا قوة الا بالله العظيم ؟؟؟ انت باشمهندس يعني المفروض انك متعلم
      ومثقف كيف تقبل علي نفسك عرض اعراضك علي الملأ ؟؟ ياخي العزيز اذا بليتم فاستتروا ؟ انت بتفتش علي الفضيحة والاشهار ؟ وكمان بتقول دفعت المبالغ المالية علشان البث يكون 7 دقائق ؟ والله لتسألن يومئذِ عن المال الذي دفعته للبث ؟ اتق الله يا باشمهندس في نفسك ومالك واهلك ؟؟؟؟ نحن في زمان القابض علي دينه كالقابض علي الجمـــر ؟؟؟ ولا حول ولا قوة إلا بالله [/B][/SIZE][/SIZE]

      (0) (0) الرد
    17. 17

      من زمان وانا عايزة اعلق على البرتامج حقيقة فضيحة للسودانيين لو كان عندهم غيرة الواحد ما بيعرض زوجته لكل من هب ودب ثانيا الاخوان العرب يقولوا ليه زواجكم في الشارع مختلط النساء متبرجات

      (0) (0) الرد
    18. 18

      الخلاصة:
      من خلال هذه الردود لم نجد واحد يؤيد ما جاء على لسان المهندس الهمام ولااحد يؤيد مسلكه هذا وانما الكل اجمع على فراغ محتواه وفراغ ثقافته كما انه لايحمل اي هدف في الحياة غير اللهو وكذلك افادت هذه المشاركات ان هذا البرنامج يجب ان يتوقف وهو استفتاء صريح واعتقد كلنا مع الايقاف .. هذا بخلاف الامور التي تعرض لها مقدم البرنامج اكثر من مرة واشهرها تلك العلقة من اخ العريس .. وثانيا يا جماعة ايه البيحصل للسودانيين .. فراغ ثقافي اضمحلال في الفكر والوعي الديني .. واهم شيء ليه الفشخرة متفشية بهذه الصورة العبيطة والتي اجبرت الكثيرين على السرقة من لمال العام عشام المدام تظهر زي مدامة فلان ..
      زمان كانو بيقول المغتربين يجوا ويعملوا حاجات ماليها معنى لكن بقينا لم نجي السودان والله نبقى زي الموهمين والشايفنه .. الصحف والاعلام يتكلم عن الجوع وعن الفلس وازدياد شريحة العطالة ونعاين نشوف السهرات والحفلات في قصور وصالات ايجارها او تذاكر دخولها الشيء الفلاني وين الجوع دا ؟؟
      نحن شعب لايطمح لمستقب عملي واقعي عقلاني تسوده روح العتماد على النفس .. بل اصبحنا مجتمع اسؤأ من مجتماعات الخليج في المباهاة والتفاخر ..

      (0) (0) الرد
    19. 19

      [B]طيب لمّن كلكم ضد الظواهر دي ، منو القاعد يسويها ، عاملين فيها حمُش بعدين ساعة الجد يتلمن حوالينكم البنوت ( عليك الله ياإنت ده يوم واحد في العمر عايزين نفرح بيه) و شوية تحانيس تقوموا تنبرشو و تبلعو شنيباتكم

      كده أبقو رجال و أثبتو على كلامكم ده[/B]

      (0) (0) الرد
    20. 20

      [SIZE=5][SIZE=4][FONT=System]يا جماعة الراجل حر عايز يفرح بى اخو
      عشان انتو مقادرين تعرسو ومعاعندكم اخو يعرس ليكم .وكمان مغتربين
      مغتربين على شنو
      مغتربين ناس missed call
      وبعدين البرنامج ذاتو ما سمح لانه
      لانو بجيب الاعراس اى كلام يعنى ما بجيب اعراس ناس الرياض والطائف والصافيا
      ما تزعلو من كلامى
      وخلى الناس تفرح [/FONT][/SIZE][/SIZE]

      (0) (0) الرد
    21. 21

      اولا الزول ده جنبنا هنا في الرياض وعزمنا على عرس اخوه وجهزنا حالنا ولكن لما علمنا انو جايب ناس النيل الزرق رفضنا الحضور لأنه ده في فجور وسفور وبظهر المستور وليس من عادات السودانيين وكل الناس لما جاء المصور خد اسرته واتخارج كما قيل لي بعض الاصدقاء والله استرنا نحن السودانيين من امثال الباشمتهور ده .

      (0) (0) الرد
    22. 22

      والله عجيبة لكن ما غريبة على ناس غبيرة
      اتفووووووووووووووا عليك
      قال باشمهندس قال

      (0) (0) الرد
    23. 23

      ملاحظة هامة جدا:
      ماقرأته من الردود الهابطة والمسيئة من شتم وتلفظ بكلام غير لائق تدل على أن هؤلاء الذين يتحدثون عن هذا المهندس المحترم احمد محمد عثمان الذي يعيش هموم وآلام الغربة اراد ان يظهر زواج اخيه امام اهله والناس بافضل صورة ممكنة ، ماهم إلا كلاب ضالة وخنازير فاسدة تحركها قناة النيل الازرق لانه قام بكشف الفساد الأداري وتلك المحسوبيةالتي غرقت فيها تلك القناة الاعلاميةالهابطة والتي أسآءت كثيرا لقيمناواخلاقناومروءتناكشعب سوداني محافظ يمتلك قاعدة عريضةمن العادات والتقاليدوالقيم والتي منبعهاديننا الحنيف مصداقا لقول نبينا محمد صلى الله عليه وسلم(انما بعثت لأتمم مكارم الاخلاق)،،،الفساد الاداري والمحسوبية والانحلال الاعلامي والبرامج الهابطةالتي تفسدشبابناوبناتناوتفقدنا هويتناالعربية الاسلامية، تلكم هي الادوات الرخيصةوالدنيئة التي تنتهجهاقناة النيل الازرق طريقاللانتشار والبزوغ في فضاء الاعلام المرئي والمسموع ، أضف إلى ذلك إدارتهاالفاسدة والتي في مقدمتها ذلك المدعو حسن فضل المولى وهو اسم على غير مسمى فهو خبيث وليس حسن يفترض ان نقدمه لمحكمة الجنايات الدولية لانه قتل الآلاف من قلوب شبابنا وبناتناواستخدم اسلحة الدمار الشامل من الانحلال والرذيلة والاباحية والتي دمرت اخلاق شبابناوحطت من مجتمعنا السوداني ، فماتت القلوب ورحلت عنا المروءة وضاع شبابنا،والله المستعان
      ولكل من قام بالأساءة لهذا الرجل لا اجدان اقول الا(كلا يرى الناس بعين طبعه ) والناس مقامات ، وهذا دليل على انحطاط أفهامناوعقولناوثقافتنا،،،وكفى

      البريد الالكتروني(king-20–[email protected])

      (0) (0) الرد
    24. 24

      [SIZE[B]=7] المهندس قام بكشف الفساد الأداري وتلك المحسوبيةالتي غرقت فيها تلك القناة الاعلاميةالهابطة والتي أسآءت كثيرا لقيمناواخلاقناومروءتناكشعب سوداني محافظ يمتلك قاعدة عريضةمن العادات والتقاليدوالقيم والتي منبعهاديننا الحنيف مصداقا لقول نبينا محمد صلى الله عليه وسلم(انما بعثت لأتمم مكارم الاخلاق)[/SIZE][/B]

      (0) (0) الرد
    25. 25

      الفساد الاداري والمحسوبية والانحلال الاعلامي والبرامج الهابطةالتي تفسدشبابناوبناتناوتفقدنا هويتناالعربية الاسلامية، تلكم هي الادوات الرخيصةوالدنيئة التي تنتهجهاقناة النيل الازرق طريقاللانتشار والبزوغ في فضاء الاعلام المرئي والمسموع

      (0) (0) الرد
    26. 26

      ولكل من قام بالأساءة لهذا الرجل لا اجدان اقول الا(كلا يرى الناس بعين طبعه ) والناس مقامات ، وهذا دليل على انحطاط أفهامناوعقولناوثقافتنا،،،وكفى

      (0) (0) الرد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *