كوش نيوز .. أخبار السودان بين يديك

حوار لذيذ بين الإمام الصادق والعفريت



شارك الموضوع :

تقول الطرفة إن الإمام الصادق المهدي وجد ذات مرة المصباح السحري؛ فخرج منه العفريت وقال ليهو في الحين شبيك لبيك عبدك وبين إيديك، اطلب ماذا تريد يا الإمام بن الإمام بن الإمام سليل الأئمة في السودان… الإمام الصادق فرح فرح شديد، وقعد يفكر، العفريت قال ليهو ما تفكر إنت أصلك «مفكر» اطلب أي حاجة في الدنيا أنا بعملها ليك مافي أي حاجة تغلى عليك.. تنحنح الإمام مرة واتنين وتلاته ثم قال: نحن عايزنك تسقط لينا النظام خلال أربعة وعشرين ساعة ممكن؟، قال العفريت لو عايز نقلبا هسع دي ممكن خلي أربعة وعشرين ساعة، خلاص دي اعتبرها انتهت تاني عايز حاجة..
الإمام: لا..
العفريت: يله مع السلامة يا سيدي الإمام بن الإمام سليل الأئمة، سلم لي على الترابي وابوع…
الإمام مقاطعًا العفريت: استنا، استنا استن..
العفريت: عايز حاجة تانية ياسيدي الإمام بن الإمام سليل الأئمة..
الإمام: اسمع ما تنفذ بعد أربعة وعشرين ساعة خليهو كدي بعد أسبوع.
العفريت: جدًا يا سيدي الإمام يله مع السلامة.
الإمام: استنا استنا، اس.
العفريت: عايز شنو تاني يا الإمام؟
الإمام: خليهم أسبوعين.
العفريت: طيب مع السلامة.
الإمام: استنا استنا.
العفريت: في شنو ياخي؟.
الإمام: نحن عندنا مفاوضات بي تحت تحت مع الجماعة ديل، كدي خليهم شهر.
العفريت: «ينظر إلى الإمام وطبَق شفتيه دون أن يتكلم وهم بالاختفاء».
الإمام: استنا استنا..
العفريت: الله يطولك ياروح وآآآآآي الروووب.
الإمام: أقول ليك حاجة خليهو إصلاح النظام بدل تغيير النظام.
العفريت: نحن ما بنصلح، شغلنا تخريب بس، اقعد اتردد كدى وانتظر لامن يجيك بتاع الإصلاح، إصلاح قال، والله ديل مايصّلّحو كلو كلو..

صحيفة الانتباهة

شارك الموضوع :

8 التعليقات

إنتقل إلى نموذج التعليقات

      1. 1

        نُكتة بايخة ، وسخيفة زي المألفها ،، وينك يا الحلو دايرين شوية مساخة من بتاعونك

        الرد
      2. 2

        [SIZE=4]والله الزول الكاتب الكلام دا غلبني بالسخافة والعوارة عديــــــــــــل[/SIZE]

        الرد
      3. 3

        الإمام زاتو ما خايف يطلع العفريت صلاح قوش ولا محمد عطا…المهدي داير يسقط الحكومة بدون ما يذوق المرة…قال إصلاح، ياخي إنت فول ما بتصلحه أقعد للنضمي والتنظير.

        الرد
      4. 4

        [SIZE=7][B][FONT=Simplified Arabic]وانت ما تصلح صحفي كلو كلو[/FONT][/B][/SIZE]

        الرد
      5. 5

        [SIZE=7]نكتة مسيسة

        ما سمعتوا بي نكتة الامام الصادق المهدي
        قال شارع الغابة بودي القطر اما شارع الحرية ما بودي للقصر

        الامام رجل ديموقراطي واكثر شخصية سودانية محترمة وفاهمة للسياسة

        [/SIZE]

        الرد
      6. 6

        انا لا استبعد ان تكون هذه القصه حقيقيه , لانه من الطبيعي جدا ان يخاطب عفريت اصدقائه العفاريت , والطيور على اشكالها تقع .

        الرد
      7. 7

        كلام سخيف ويجب ان لايصدر من صحفى . وخاصة صحيفة الأنتباهة التى هى لا تحظى بقبول السودانيين . وانا اطالب الصادق المهدى ان يرفع ضدها قضية رد اعتبار وتوبيخ للصحيفة ورئيسها ومعاثبة الصحفى السخيف الذى يستهزأ بالناس وخاصة واحد فى مستوى الصادق المهدى .

        الرد
      8. 8

        [SIZE=6][FONT=Arial Black]يا جماعة الخير

        الراجل خايف على ولدو
        خاصة وأنه لسع جديد
        عايزه كدا لما يتودك ويعرف اسرار اللعبة
        و يكون جاهز ومستعد لإستلام مقالد رئاسة الجمهورية[/FONT][/SIZE]

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.