جرائم وحوادث
طالب بمقابلة الوالي و 20 ألف جنيه … صاحب طبلية يعتلي صهريج الوحدة الإدارية مهدداً بالإنتحار
جاء تصرف صاحب الطبلية وهو رجل متزوج وله طفل بعد ان قامت الوحدة الإدارية بمصادرة الطبلية التي يعمل عليها للصرف على أسرته . وقال شهو عيان بأن الرجل غضب لقرار المصادرة وتوجه للوحدة الإدارية ليعتلي الصهريج المنصوب بداخلها مهدداً بالإنتحار وقد تجمهر على خلفية فعلته المواطنون الذين شاهدوا طفله البالغ من العمر 8 سنوات يصرخ طالباً انقاذ والده واضطر مدير الوحدة الإدارية لمهاتفته عن طريق الجوال طالباً منه النزول فرفض الإستجابة ، وتم وعده بحل كل المشاكل التي يواجهها وقام مدير الوحدة بالصعود له أعلى الصهريج ونجح في إقناعه للعدول عن فكرة الإنتحار فيما حضر فريق من الدفاع المدني وساعد في إنزال الرجل وتسليمه الى الشرطة التي اعتبرت ما قام به شروعاً في الإنتحار .
ومن جانبها وعدته المحلية مبدئياً بدفع مبلغ مالي لمساعدة اسرته وطلبت منه اختيار مكان ليخصص له مجاناً ووعد التجار بجمع تبرعات له كرأس مال لتجارته .[/JUSTIFY]
الأهرام اليوم
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
ووعد التجار بجمع تبرعات له كرأس مال لتجارته .
ياهو ده السودان ووأسفاي ومأساتي وأزلي لو ماجيت من زي ديل ولو ماكنت سوداني
لو عملو ليهو كل الحاجات دي بكره نلقا ناس كتار طلعو في الصهاريج وطالبو بحقوقهم!!
الصهاريج دي الا تعملوا ليها سلك شايك
أصلو الزول إلا يعمل كده عشان يحلو ليهو مشاكلو
[B][SIZE=5][FONT=Arial Black]يا جماعة الخير
دا حل بليد جدا
المحلية تدفع ليه
والتجار يلموا ليه تبرعات
يعني من بكرة خلاص
كل ابراج الكهرباء في السودان
وكل صهاريج الماء
ح تتملي بالناس العندهم طلبات
الحل الوحيد لمثل هذه الحالة
ما دام أنه الراجل عايز يشتغل بي يده
المحلية تشجعه وامثاله انه تختار ليهم أماكن معقولة حتى لو برسوم رمزية مش تصادرها منهم وتشردهم[/FONT][/SIZE][/B]
في صهريج قدام بيتنا وناس الحلة واقفين صف واحد من المحلية بجمع من اي زول عاوز اطلع الصهريج قروش حسب طلبو يعني العاوز اعرس 10 الف والعاوز كشك 15 والعاوز يسافر 20 والعاوز يقابل الوالي 30 والعاوز يقابل الريس 50 ……
بس الوالي ما عنده قلب ولا وقت عشان يحن عليك لو حبيت انتحر احسن تعجل وما تتاخر اخيرك ليك من تنتظرها من مسؤليين يشجعوك على الانتحار
أنا من المعزبين في الأرض “المغتربين” وشكلي كدا راجع أشوف صهريج يا أخوانا ،، لكن أعلى صهريج وبجيب فلوس كويسه وين وصفوه لينا
يا حليل سيف بتاع كرمكول في بورتسودان الذي تسلق الفنارة ايام نميري ووجد حلا ولو كان في زمنا ده كان طلع في راس القصر الجمهوري —يا حكومة اعملي واجب تجاه المواطنين تلقي الاحترام وصناديق الانتخابات المره الجاية ملايانة بدون خج وتزوير مبروووووووووووك لمتسلق الصهريج والعاقبة لبقية الكادحين بالمناسبة اين ابو العربي السوداني