جرائم وحوادث

تغريم رجل طعن زوجته وعشيقها عندما داهمها فى منزل عزابة


[JUSTIFY]غرمت محكمة جنايات الحاج يوسف زوجاً طعن زوجته وعشيقها داخل منزل (عزابة) وأمرت المحكمة الزوج المدان بدفع تعويض مبلغ 2000 جنيه لزوجته ومبلغ 8000 جنيه للرجل الأخر، وحسب ماجاء فى قضية الاتهام بأن الزوج عند قدومه لمنزله بعد فراغه من العمل شاهد زوجته تسير نحو احد المنازل فلحق بها حتى دخلت منزل عزابة فتسلق الزوج حائط المنزل وقام بطعن زوجته وعشيقها بالسكين التي كان يحملها وسبب لهما الاذى الجسيم وتم اسعاف المجني عليها للمستشفى باستصحاب اورنيك 8 جنائي وتم القبض على الرجل الاخر بواسطة رقم هاتفة الذي وجد عند المجني عليها بعد هروبة لمنطقة السامراب ببحري وتدوين بلاغ بالحادثة وتوقيف الزوج المتهم واخضاعهم للتحقيق واحالت النيابة الملف للمحكمة بعد توجيه تهمة الاذى الجسيم للزوج واستمعت المحكمة بدورها لكافة اطراف القضية وأصدرت حكمها بتغريم الزوج مبلغ 2000 جنيه لزوجته ومبلغ 8000 جنيه للرجل الاخر .

الأهرام اليوم
[/JUSTIFY]


تعليق واحد

  1. لا والله 2000 للزوجة و8000 للعشيق اكيد القاضي دا ما صاحي كان المفروض الراجل دا يشوف زوجته مع عشيقها ويجيب ليهم بارد ويشكر العشيق عشان المحكمة ما تدينو .

  2. كي[SIZE=4]ف تتم محاكمة الرجل وتغريمه ولم تتم محاكمة الزوجة وعشيقها؟[/SIZE]

  3. [SIZE=4]عفيت منك كمان كان تطعنها كده عشان تاني كان قالو ليها انني ماتزني كلو كلو[/SIZE]

  4. ده مسخره وقانون معفن كيف يعني كيف ده عرضه ممكن القاضي عايزه العمليه تكتمل ولاشنو والله مصيبه كبيره يعني ممكن ادخل اي امره بيت عزابه ويجي القاضي ده يدفع لي قروش مسخره مسخره بلد وجع وبس

  5. والله بقت عندنا احكام قضائيه تحير ومنذ الامس ونحن نطالع هذه الاحكام وكلها لها علاقه بالمتزوجين…يا قاضي هل يعقل هذا الحكم بتعويض الجناه الحقيقيين وتجريم المجني عليه وهو الزوج…يوجد في القانون ما يسمى بالدوافع واظن الزوج هنا ماصدر منه امر طبيعي استفزه و دفعه لهذا الفعل….والله اعلم…

  6. [B][SIZE=5][FONT=Arial Black]يا جماعة معليش
    أسمحوا لي أنا عايز أرجع
    يعني بالعربي عايز أستفرغ
    و بالعامية السودانية عايز أطرش
    مش بسبب عمايل المرأة الفاجرة وعشيقها الداعر
    دي حاجات بقينا نسمع عنها الكثير
    وما عندنا ليها تعليق غير
    [COLOR=#FF4500]” يا رب تستر على ولايانا”[/COLOR]
    لكن بسبب هذا الحكم العجيب
    راجل مطعون في شرفه تقوموا كمان تقدوا ليهو جيبوا بغرامة ألف جنيه ويدفعها للفاجرة والداعر.
    يعني القاضي دا عديل كدا
    بيقول للزوج المسكين
    [COLOR=#FF2E00]” إنت كان مفروض تخلي المرود يدخل في المكحل “[/COLOR]
    مش كدا وبس
    [COLOR=#FF4D00]” كمان تمشي تجيب ليك أربع شهود يشوفوا المنظر دا “[/COLOR]
    بعد دا ممكن
    ممكن نحكم عليك بالبراءة لأنه حصل ليك إستفزاز
    معقولة بس يا ناس
    المجرمة والمجرم ينفذوا منها بكل هذه البساطة
    إنتو زمان أيام تطبيق الشريعة في عهد المرحوم النميري
    مش كان في حاجة إسمها [COLOR=#FF7B00]” خلوة غير شرعية “[/COLOR]
    مش كان في حاجة إسمها [COLOR=#FF7300]” الشروع في الزنا “[/COLOR]طيب دي ماخلوة غير شرعية وكمان شروع في الزنا عدييييل كدا[/FONT][/SIZE][/B]

  7. والله اغرب احكام نسمعها من القضاء السوداني … قبل كم يوم واحد اشتكي زوجتو لانها انجبت طفل في غيابو حكمت المحكمة في الاول بالرجم ورجعت اطلقت الزوجة … اتقوا الله ياقضاة … حين يصل الفساد والهوي للقضاء علي المجتمع السلام…. سؤال لهولاء القضاة ماذا لو كانت المذكورة زوجتك او ابنتك او اختك او امك؟؟؟؟

  8. [SIZE=7]اقعدوا علموا الناس الكلام الزى ده عشان كل واحد يعمل كده ويدوه قروش [/SIZE]

  9. مفروض يطلقها بالتلاثة لكن الرجل كان حمش ولو هدأ نفسو شوية كان يصورم بالموبايل لاثبات الجرم المشهود ويعطي الصورة لمولانا القاضي عفارم عليه

  10. بلد فاكه كلو بيحكم بمزاجو … مرة تابيدة مرة شنو وغايتو ماعارفين الشغلة الملخبطة دى جابوها من وين ؟؟؟؟ دايرنو يشوفو مرتو ويعمل نايم ولا شنو ؟؟؟؟؟ والله اخباركم بقت غريبة خلاص وبعد بتاع المجهر ده اختوهو ؟؟؟

  11. [COLOR=#2100FF][SIZE=6]يعني يا سعادة القاضي بكرة أسوق زوجة جارنا لي بيت العزابة وتحكم لي بي 8 مليون ؟؟[/SIZE][/COLOR]

  12. بالجد حاجة تضحك وخارج النص عديل كدا . وما عارف المفروض الراجل يعمل شنو ؟ أظن زى ما قال أخونا مفروض يعزمهم بارد ويبارك ليهم هناهم كمان والمصيبة ما طلع زول ديوث وجازوه بالغرامة دا قانون شنو يا بشر ؟؟؟؟؟؟؟؟؟؟؟؟؟؟؟؟؟؟؟؟؟

  13. [FONT=Simplified Arabic][B][SIZE=7]زمان سمعنا انه في عصابة تزوير باكستانية زورت ختم احدي السفارات الخليجية فوضعت الختم المزور للسفارة وسرقت الختم الاصلي فاصبحت السفارة مزورة وهم الصاح ولم يكتشف الامر الا بعد مجهود ..
    الان نحن ايضا اصبحنا نعمل بالقانون المزور الذي يكافيء المخطيء.. والمخطئين اصبحوا لديهم القانون الذي هو في صالح صاحب الحق وينتفعون به
    وبدل ان يدانوا على فعلتهم الشنيعة والتي تستوجب حد الخلوة الغير شرعية اولا ومن ثم التحقيق في ارتكابهم حادثة الزنا هاهم يكافؤن ويعطون مالا ليعيدوا السهرات على ضؤ الشموع التي يشترونها من مال الزوج ..
    اي قانون هذا واي شرع هذا .. سيقول القانونيون ان القاضي احتسب ان المسألة تعدي على المجني عليه في منزله .. حسنا وما الحكم في دخول الزوجة الى منزل عزابة ..[/SIZE]
    [/B][/FONT]

  14. السلام عليكم ورحمة الله تعالي وبركاته ،،، وبعد
    بالنسبه للقاضي ، حكمه صحيح لأن القضاء السوداني ماذال يحكم بالعلمانيه والأحكام أوروبيه بحته حسب مناهج جامعة الخرطوم النظام الغير اسلامي سابقا
    أولا : الشيئ الصحيح أن يقوم الزوج بفتح بلاغ رسمي ويتم القبض على الزوجه ومن بالسكن العزابي ويتم التحقيق معهم بصوره رسميه وبطريقه مشروعه
    ثانيا : الحصل والشيئ الواضح للعيان ان زوجته دخلت بيت العزابه ولكن ماذا حصل داخل بيت العزابه هذا هو السؤال … يأتي هنا دور الشرع وديننا الإسلامي وآضح ما فاضح

  15. يا اخوان القضاء السوداني بخير لولا بعض الهفوات البسيطة بالمناسبة عندي قضية لها اكثر من سنتين وفي رمضان كان الحكم النهائي دخلت على القاضي وسالته يا مولانا الحكم شنو قال لي شطبت القضية ليك وللشاكي بالرغم من احقيتي ومستنداتي وشهودي واقتناعه هو شطب القضية يعني لا حكم لي ولا حكم للشاكي (ضاع اغتراب 25سنة) اين العدل

  16. يا زول يا مسكين القاضي دفعك حق عرسهم ،، ، أكيد انت بتطلقها بعد ما حصل منها كده .. الزانيه … وبقروشك التسعة الف دي بعرسها عشيقها يعني القاضي دفعك حق عرسهم امكن قريب العشيق

  17. [SIZE=5]خبر عاجل

    من خلال تحرياتي الخاصة تملكت هذه الحقائق ( الذي ما زال معه مرارة سليمة يتوقف هنا ولا يكمل باقي الحقائق )

    القاضي الحقيقي غير موجود – كرسي القاضي مستاجر

    استاجره عابر شارع وبدخل محدد للبلدية

    والبلدية الحقيقية لا وجود لها وانما كراسي مباع دخلها للمعتمد

    والمعتمد مغبون من الوزير – اللاهف وراكض فوق البيض الفاسد

    مشروع الجزيرة عطشان والوزير يسرح ويمرح

    عندما تغيب دولة المؤسسات والمحاسبة والقصاص

    عندما يقوم الانسان بالتمرد على الدولة ويخرب ويدمر ويكافأ بوزارة

    عندما يطفش الكفاءة وياتي الحسيب النسي

    فيحق للزانية الفاجرة ان تكافأ على فعلتها بالاغداق

    -هل تدرون بالي سرح وقلت اكيد زوجها زاني وحرامي

    عفوا عفوا ( فعل امر من العفة)

    رايكم شنو في حكومة موازية

    نعمر بلدنا ادعسوا كل السارقين اقتلوا كل المارفين والمتمردين

    اذبحوا كل وزير سارق موظف يعطل مصالح العباد والبلاد[/SIZE]

  18. يا سعادة القاضي ، أنشاء الله تشوف زوجتك في أحضان عشيقها ، بالله عليك ختعمل شنو ؟؟؟؟ أكيد عشان أنت خايف من حكمك ده لو أرتكبت أقل جريمة في حقهما ، حتقول لزوجتك وعشيقها خدوا راحتكم وخليكم أسبوع علي ضيافتي !!!!!!!! والله يا سيادة القاضي أنت شخصية كده … كده … وربنا يأخذك وياخد الذيك البستندوا علي مواد قانونية هسك فسك ..

  19. يا سادة يا كرام ما دفاع عن الزوجة ، لكن ياتو دين قال أطعن زوجتك وعشيقها لو لقيتمفي بيت عزابة. أسه الزول دا لو قتلهم بيعجكم ؟ ما بيمشي النار.. المفروض وهو ما عندو دليل قاطع يطلقها بس، ولو شافهم في زنا عديل يلاعنا ودي زي ما عارفين ما دايرة شهود. ولو إعترفت تجلد 100 جلدة كما قال القرآن. وطبعاً الرجم مافي في القرآن ولا في الدين.

  20. الله يرحمنا بي رحمته قلوا امين ياخوان ممكن يكون القاضي ده فاهم الموضوع غلط وله الحكايةشنو

  21. لا نملك الا ان نقف وقفة اجلال للعدالة: العشيق هرب بعد طعنه لكن العدالة تحرت عنه حتى احضرته لتحكم له بالتعويض عن الضرر الذي اصابه… في عدل يا اخوانا اكتر من كده؟
    احكامنا القضائية و قوانينا تحير الما بتحير و الغريبة قالوا انها ” شريعة” شريعة شنو ما عارف .. قبل ايام قريت موضوع عن مغترب زوروا توكيل باسمه لبيع قطعة ارض خاصة به و تم البيع و بعد سنوات اراد المشتري – بالتزوير- بيع القطعة و لما كانت لم تسجل بعد باسمه فرجع للسمسار و جددا التوكيل المزور و باعاها و سجلوا للمشتري الجديد، و لما رجع صاحب الحق لم ينال شيئا لان القانون يقول بسقوط الجريمة بعد خمس سنوات من وقوعهاو ليس العلم بها رغم ان المجني عليه لم يكن بالنسبة له اي جريمة اذ كانت القطعة باسمه رغم وقوع التزوير و البيع… هل يصبح المواطن حاوي يعلم الغيب و ان هناك من زور باسمه و باع؟ و هل تضيع حقوق الناس بسبب بلادة القانون؟ و هل دور القاضي هو اقامة العدالة ام تنفيذ حرفية القانون البليد الذي يسقط العدالة؟؟؟!!!

  22. ]طبعا يوجد شئ غير عادى وغير طبيعى مفروض الصحفى ناقل الخبر يتحرى عنه ويقدمه للقارئ .لان الحكم يبدو غريبا لكل قارئ ونحن لا نعلم حيثيات الحكم ولكن لا أظن ان القضاة فى البلاد بهذه الجهالة ختى يصدروا مثل هذا الحكم المعكوس لو لم تكن هناك اشياء مخفية .