تسمم (22) طالباً وطالبة بجامعة السودان


[JUSTIFY]أصيب (22) طالباً وطالبة بكليتي الموسيقى والدراما وعلوم الإتصال بحالة تسمم إثر تناولهم فتة فول في وجبة الإفطار بالقرب من الجامعة ، وتم نقلهم لمستشفى الحوادث بالخرطوم .

وقال مصدر طبي بالحوادث إن التسمم نتج عن تناول طعام فاسد مشيراً الى أن أوضاع الطلبة مستقرة بعد تجاوزهم مرحلة الخطر بالإسعافات الأولية لهم ، لافتاً النظر الى تماثل بعض الحالات للشفاء وخروجهم من المستشفى ، فيما لازال بعضهم يتلقى العلاج .

صحيفة آخر لحظة
[/JUSTIFY]


10 التعليقات

إنتقل إلى نموذج التعليقات

      1. 1

        لازم يقفل هذا المحل نهائيا ويتكفل صاحبه بنفقات العلاج – ولكن الظاهر ان الامر سيمر بكل بساطة ولا حساب ولا عقاب ويأهل الحل والربط ( من أمن العقوبة اساء الادب ) والمرة الجاية سيتسمم كل الطلاب .

        (0) (0) الرد
      2. 2

        الفته ده فتوها اولاد وبنات ؟الخلطه المابتنفع

        (0) (0) الرد
      3. 3

        هههههههههههه اكيد اكلو الجبنه تب عليهم جنهم لقف

        (0) (0) الرد
      4. 4

        باحليل زمن الداخليات والأكل “خمسة نجوم” اللحمة والسمك والوجبة الخاصة والحليب الصافي 3 مرات في اليوم و الباسطة والكبدة وسلطة الفواكه والفواكه والمربي وزمن تغيير حتى الملايات للطلبة والسفرة تعمل حتى في الإجازات ………. الكيزان عارفين خطورة الداخليات خاصة داخليات الجامعة البركس ومجمع شمبات والطب والتربية عشان كدي أول حاجة فكروا فيها تشتيت وتفريق الطلبة وتحويل البركس لداخلية بنات عشان عارفين خطورته عليهم وأنهم كانوا في السابق يتحركون من البركس في المظاهرات ضد أي نظام ، الكيزان ضيعوا البلد وخربوا التعليم وأفقروا الشعب وأكثروا في الأرض الفساد المالي والأخلاقي وكثرة الرشاوي وصارواتجار دين وضيقوا على الرأسماليةالقديمة المعروفة ” هل يصدق شخص سوداني بأن أبناء الشيخ مصطفى الأمين بعد أن كانوا أكبر مصدر للزيوت صاروا فقراء وعلى الكفاف بسبب سياسة الكيزان وإفلاس أبناء ابراهيم طلب وإختفاء اسماء كبيرة كانت له شنة ورنة في السودق ” ساتي وطلب والشيخ مصطفي الأمين وخليل عثمان وفتح الرحمن البشير وغيرهم من أساطين الصناعة والزراعة وتم إستبدالهم بتجار دين لايعرفون شئ عن التجارة وأفلسوا بالبنوك ونشروا الفساد والرشوة والمحسوبية وقال إيه ده كله بإسم الإسلام والشريعة ” وهما منهم براء”

        (0) (0) الرد
      5. 5

        يا حليل ايامك يا الطالب الجامعى وانت جالس فى سفرة مساحتها ستة الاف متر مربع و امامك طاولة تسع ثلاثين طالبا وعلى يمينك كأس استانستيل للماء و على يسارك كأسة ميلامين بها حليب ساخن بوخو الوى و امامك صينيه بها طبق فول بالزيت و اخر به قطعه جبنه و خبز من بابا كوستا .
        وعلى ها الشاكله وجبة الغداء و العشاء و التنوع فى الاصناف اسماك و بيض و كبده و ذبده و مربى و تحليه و فواكه و باسطه و يم الوجبه الخاصه يوم عيد حتى الكسره تلاقيها اها الليله نحن و ين ؟
        الطالب الغلبان سهر وتعب و فوقها كمان مشى بالكرعين من البيت الى الجامعه و بوش فى الحوش او تحت ضل حيطه وفى البيت خليها ساكت حتى البوش كان لقاهوا اكون سعيد و مرزق و الله راضى عليه .
        نتمنى أن يعود بنا الزمن الى الوراء و ما اهمنا نظام الحكم ديكتاتورى او لص كافورى ولا ديمقراطى ولا علمانى و لا سجم الطين .

        (0) (0) الرد
      6. 6

        [SIZE=3]اول مره نسمع بي فته فاسده !! احتمال اكون العمل الفته طالب من الكيزان[/SIZE]

        (0) (0) الرد
      7. 7

        والله ما اول مرة الا انو بس المرة دى الضحايا كتار , وتانى من العوامل المساعدة لحوادث زى دى هى مثلا مشاركة البنات فى صنع الفتة وكذالك الاولاد البتمسحوا بالكريم لان مواد كيمائية اكيد ملتصة بالايدى لدى البيستعملوا الحاجات دى ( الكريمات ) لان غسل الايدى بالموية العادية براه ما كفاية حتى لو بصابون يعنى لازم الغسيل بالموية السخنة والصابون , وتانى اكثر الطلبة او كلهم تقريبا جاهلين بالثقافة الغذائية يعنى بس الواحد يملئ بطنو وما بهمو تانى وده غلط اكيد , وربنا يشفيهم واتمنى انهم يتعظون , انااخوكم طالب جامعى .

        (0) (0) الرد
      8. 8

        [SIZE=4][SIZE=4]22 نفر بياكلو في فتة ديل اصلو بياكلو في طشت[/SIZE][/SIZE]

        (0) (0) الرد
      9. 9

        هو في فته اكعب من الفته داخل الجامعات وفي الحدائق وغيرو ؟! طبعا قصدي الفته يعني الخلط بين البنات و الاولاد .. وعايز اقول حاجه لو الفته فيها جبنه بيضا احتمال تكون هي السبب لانه الجبنه دائما حساسه اقل حاجه ممكن تعمل تسمم .. يعني بتاع المطعم دا من كترة مسكوا للقروش وانتوا تعرفوا القروش اسهل طريقه لتوزيع وانتشار التلوس والمرض حايمه من مكان لمكان ومن يد دا لي يد داك .. والمفروض بتاع المطعم يعمل حسابه يكون واحد خاص فقط بإستلام الحساب والقروش وهو يكون لابس قفازات نظيفه يمسك بيها فقط الاكل وبس ( الوقايه خير من العلاج ) ونتمنى الشفاء لبقيه الطلبه

        (0) (0) الرد
      10. 10

        اكيد السبب عدم توفر شروط النظافه انا كنت بلاحظ دائما الناس لما تعمل فته فى محل او فى الجامعه بتتعمل بطريقه عشوائيه يكون من الجبنه زى مال قال الاخ او حتى بيض فاسد او قدرة الفول مانظيفه ..بالجد كتير من محلات الطعام فى السودان محتاجه لمراجعه فى حتة النظافه دى .. ربنا يشفيهم

        (0) (0) الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *